رواية جنة قلب الاربعيني الفصل الثاني2بقلم اميرة خالد
ثاني يوم صحي جبل على صوت ضحك واغاني واستغرب ومسك التليفون وبص في الساعه لقاها 6:30 الصبح واتعدل على السرير
واقرب الكرسي منه واقعد عليه وراح فتح باب الجناح ولقى الدنيا هاديه في القصر ما فيش حد رجع تاني الجناح
والصوت الاغاني لسه شغاله وقرب من الباب وفتحه مره واحده ولسه هيزعق صرخت جنه وحطت البشكير تاني على جسمها وعيطت وهو استغرب
وقال
بتعيطي ليه
ردت عليه بطفوله
عشان انت عايز تقتلني
رد عليها
اقتلك ليه ممكن تقفلي الزفت ده عشان اعرف انام
ردت عليه
نوم ايه اليوم ابتدا دلوقتي تحب تشرب معايا نسكافيه
قال لها
انتي مجنونه انتي مش لسه كنت خايفه مني وبتعيطي وفاكراني هقتلك ودلوقتي بتساليني اشرب نسكافيه معاكي
ردت عليه بطفوله
على فكره انت المفروض ما تزعقليش عشان انا عمتك وبص لها من فوق لتحت وهي بصت على نفسها و افتكرت انها لسه بالبشكير واخذت البيجامه وجريت على الحمام وهي بتصوت

وهو ابتسم وقال
صحيح بنت مجنونه وراجع للجناح تاني بتاعه
وهي في الحمام بتقول انا غلطت ازاي اقف قصاده كده وعينيها دمعت بعد كده
قالت بثقه
عادي انا عمته وما فيش اي مشكله وبدات تلبس وهي بتفكر
وقالت
بس انا مش عمته انا اتلخبطت كده ليه الله يسامحك يا جدو لخبطتني
ودخل جبل الحمام اخذ دش وخرج لبس هدومه

وهي راحت المطبخ تعمل نسكافيه فتحت التلاجه
وقالت
كل دي تلاجه دي كبيره قوي انا ممكن لما العب مع مالك ابقى استخبى فيها وهو هيدور كثير وابتسمت لما لقت تورته وطلعتها وحطت في الاطباق وكمان مجين النسكافيه وخرجت بيهم
وراحت ناحيه اوضتها ودخلت وخبطت على الباب اللي بينها وبين جبل
وقالت ممكن اخش
رد عليها
تعالي بتفاجئ من دخولها وهي معاها صينيه
وقال لها
اللي في ايدك ده
ردت عليه
نسكافيه وجاتوه اقول لك على حاجه
رد عليها
قولي بس انتي موطيه صوتك ليه
قالت له
اصل ده سر
قال لها
طب قولي يا اختي او هتقول لحد اني فتحت التلاجه وخدت التورته وعملت نسكافيه اتفقنا
رد جبل
ممكن اسالك سؤال
قالت له اتفضل
قال لها
انتي عندك اعاقه ذهنيه
ردت عليه
لا ليه
قال لها
اصل دي تصرفات عيله عندها اربع سنين مش واحده كلها كم شهر وتخش الكليه
ردت عليه بدلع
عادي وحطت صباعها على الكريمه واخذتها في بقها
وقالت
الله الكريمه طعمها تحفه قوي راحت حاطه صباعها ثاني وحطيتها في فم جبل اللي اتصدم من تصرفاتها
وهي قالت
مش طعمها حلو صح وحطت صباعها تاني وبدات تلحس الكريمه
وزعق جبل وقال لها
عارفه لو عملت الحركه دي مع اي حد هنا انا هعمل فيك ايه عينيها دمعت
وقالت
وانا عملت ايه انت كل شويه تزعق لي طب والله ان انا مخاصماك واخذت المج بتاعها والطبق وخرجت
وهو استغرب اللي حصل وعينيه جت على الجاتوه تاني وحط الشوكه وبدا ياكل
وقال بس
طعمه مش حلو زي ما كان في ايديها وراح سايب الطبق ومسك المج وشربه بمزاج
اما في الاوضه جنه كانت بتشرب النسكافيه وماسكه التليفون وفاتحه الروايات وقفت قصادها روايه جديده باسم عهد الفرعون
وفتحتها وبدات تقرا الشخصيات وعجبتها شخصيه مراد وقالت الواحد لو في حياته واحد زي مراد كده كنت حبست في الاوضه وما خرجتوش منها ابدا وبدات تقرا الروايه وهي بتشتم في نور عشان هربت يوم فرحها من مراد
والباب خبط وقالت اتفضل
دخل مالك
وهو بيقول لها بتعملي ايه يا جنه
ردت عليه
باكل جاتوه وبقرا روايه تيجي تاخد حته
رد عليها
لا تعالي افطري معانا وكمان عشان نلعب دور ببجي قبل ما اروح المدرسه
ردت عليه
حاضر يا مالك استنى بس انزل الروايه على التليفون وهطلع معاك
قال لها طيب
اما بره عند العيله الكل كان قاعد وخرجت جنه مع مالك جريت على الجد
وقالت له
صباح الخير يا بابا واترمت في حضنه
وهو ابتسم وقال لها
صباح النور يا قلب بابا ممكن بقى تقعدي عشان تفطري
ردت عليه
حاضر ولسه هتقعد على رجليه
قال جبل
تعالي اقعدي هنا في كرسي فاضي ما ردتش عليه
وقالت لجدها بصوت واطي
انا عايزه اقعد جنبك مش عايز اروح جنبه
ابتسم الجد وقال له
خلاص يا جبل سيبها عشان اعرف ااكلها
و رد جبل
لا يا جدي خليها تتعود تقعد على كرسي من دلوقتي افرض حد قاعد معانا غريب ما ينفعش
ردت جنه بصوت واطي
هو بيزعق لي ليه هو انا مش المفروض عمته يعني لازم يحترمني
رد الجد نفس الصوت
هو ما بيخافش من حد حتى بيزعق لي انا كمان
شهقه جنه بقوه والكل انتبه لها
وقالت
بس كده عيب انت برده جدو لازم يحترمك
رد عليها
براحتك لو مش عايزه تقومي بس انا ما ليش دعوه لو قرب منك بصيت له جنه
وقالت له
بتبيعني يا بابا ماشي وراحت قعدت على الكرسي والجد ابتسم والكل بدا الفطار
وجنه كانت بتلعب بالاكل وجبل شافها محبش يكلمها
وقال جمال
بعد اذنكم انا رايح مشوار مع الهام عند الدكتور
ردت تهاني
ليه يا جمال فيك حاجه
رد عليها
لا يا تهاني ما فيش حاجه بس رجلي بدات توجعني تاني فانا قلت اطمن
قالت له
طيب الف سلامه عليك ابقى طمني
ردت الهام
الله يسلمك يلا بقى يا جمال هنتاخر
بص لهم جبل وقال لهم
والدكتور ده ميعاده الساعه 8:00 الصبح اتوتر جمال
وقالت الهام
اصل احنا هنروح للمستشفى
رد جبل
تمام ابقوا خدوا معاكم شامخ يوصلكم اتوتر اكتر جمال
وقالت الهام
ماشي يلا يا جمال وخرج معاها
وهو بيقول بصوت واطي انتي عارفه يعني ايه شامخ يجي معانا
ردت الهام
انا كنت عارفه انه هيعمل كده فانا اتصرفت
رد عليها ازاي
قالت لها
افهمك وركبه العربيه مع شامخ وطول الطريق ساكتين وجمال متوتر مش عارف يعمل ايه هو فعلا وصلوا المستشفى
ونزل شامخ فتح لهم باب العربيه وقال لهم اتفضلوا ونزل جمال مع الهام ودخل المستشفى
وقال جمال
تقدري تقولي لي بقى هنقابل صفوت ازاي دلوقتي
ردت الهام
هنقابله هنا طبعا
رد عليها ازاي
قالت له
بص قدامك وانت هتعرف وشاف جمال اسم المستشفى
وقال لها
دي بتاعه صفوت
قالت له
عرفت بقى ان احنا هنقابله ازاي
رد عليها
اه يا بنت الشياطين عملتيها ازاي ديت
ردت عليه
النهارده وانا تحت سمعت جبل كان بيكلم شامخ وبيقول له انه يفضل معاك طول النهار حتى في الشركه فبعثت رساله لصفوت من تليفونك وغيرت الميعاد وخليته هنا في المستشفى
قال لها
طب كويس يلا بقى عشان نلحق نقعد معاه قبل ما السي شامخ يخش لنا
قالت له
يلا
وفي جناح مها كانت قاعده على السرير وماسكه التليفون وبتقول لها صدقيني هاجي الحفله النهارده
ردت هدير
عارفه لو ضحكتي عليا انا هعمل ايه يا مها
ضحكه وقالت لها
خلاص انا اديتك كلمه قلت لك جايه
قالت لها
طيب وقفلت معاها وهدير كانت نايمه في حضن واحد
وقالت له
خلاص يا بيبي جايه الحفله
رد عليها
تمام قوي جهزت الحاجات اللي انا قلت لك عليها
قالت له
اكيد بس اللي نفسي افهمه انت عايز ايه من مها وليه بتعمل ده كله
رد عليها
ده طار بيني وبين جبل من سنين ولازم اخده
قالت هدير
بس خلاص ده بقى عاجز ومشلول وقاعد على الكرسي بعجل
رد عليها
بس لسه في السوق وليه اسمه ومركزه كمان وكلمه منه ممكن يمحي شركات من السوق
ردت هدير
انت لسه ما نسيتش الحوار بتاع البورصه
رد عليها
ولا عمري هنسى انه كان السبب ان اخسر شركتي
ردت هدير
انسى يا جاسر علشان جبل مش هيسكت لو عرف ان انت اللي كنت ورا الحادثه
رد جاسر
هدير مش انا السبب في الحادثه انا قلت فعلا اني هقتله بس ما لحقتش وما اعرفش مين اللي عملها
ردت هدير
انا بحبك يا جاسر وانا خايفه عليك اسمع كلامي مره واحده في حياتك واذا كان على الشركه اللي راحت انا معايا فلوس ونعمل شركه جديده ونبدا من اول وجديد وخليني ابعد عن مها ديت بفشخرتها الكذابه
رد جاسر
ما بقاش ينفع وكمان انا مش لوحدي
ردت هدير
انا عارفه بس انت ممكن تبعد عن صفوت ولو جه يكلمك قول له ان انت هتعرف جبل كل حاجه
رد جاسر
ان شاء الله يا هدير يلا قومي بقى خدي الدش بتاعك عشان نلحق نخلص اللي ورانا
ردت بحزن
حاضر وقامت دخلت الحمام وهو كان نايم على السرير بيفكر في كلام هدير
وعند صفوت كان قاعد في اوضه ودخل جمال والهام
وقال
مرحب بعمي الغالي عامل ايه ضحك جمال
وقال له
انا كويس يا صفوت ايه طلبت تقابلني ليه
رد صفوت
انا عرفت اللي انت عملته من ورا ظهري لما كنت مسافر لندن
رد جمال
وايه المشكله
رد صفوت
كانت تروح تتكلم مع الناس في بضاعه من ورايا وتاكل حقي ولسه جمال كان هيرد
وقالت الهام
ما فيش منه الكلام ده يا صفوت وحقك محفوظ انت مهما كان شريكنا وعمرنا نخونك
رد صفوت
وانا عشان الكلمتين دولت هسيب لكم الصفقه ديت بس اياك تعملوا حاجه ثانيه من ورايا عشان ساعتها هتشوفوا وشي ثاني
ردت الهام
حاضر يا صفوت
وقال جمال تمام
قال لهم
طب اعملوا حسابكم ان في شحنه هتخش الشهر الجاي عن طريق شركتكم
وقال جمال
بس احنا ملناش بضاعه هتيجي للشركه الشهر الجاي
ضحك صفوت وقال له
هو انت ما عرفتش ان جبل كسب المناقصه بتاعه شركه S. R. A
رد جمال
امتى الكلام ده ضحك صفوت
وقال له
شكلك نايم على ودنك الموضوع ده مسمع في السوق كله والناس عارفه ان هو اللي كسب المناقصه
رد جمال
ماشي بس انا عايزك تزود نسبتي في الشحنه ديت
رد صفوت
ادفع وانا ازود لك نسبتك
رد جمال
وانا موافق بس اعمل حسابك اني هحتاجك الفتره الجايه
رد صفوت
ليه لسه عايز تخلص من جبل
رد عليه
لا بس عايزه اخرج فلوسي بره البلد من غير ما حد يعرف
رد صفوت
وانا موافق شوف انت عايز تخرج كام وانا هفتح لك حساب هناك والشخص اللي هيستلم منك الفلوس هتلاقي فلوسي اتحولت لك على الحساب في نفس الوقت بس اعمل حسابك اني هاخد نسبه 5%
رد جمال ده كثير قوي
رد عليه
براحتك وشوف مين اللي هيقدر يطلع لك فلوسك ديت بسهوله
ردت الهام
طب ولو عشان خاطري يا صفوت
قال لها
برده 5% افهمي يا الهام الموضوع صعب وكمان اللي هياخد الفلوس هنا احنا هننزلها لكم في الحساب بالدولار
ردت الهام
واحنا موافقين
قال لها
خلاص يلا مع السلامه وقتكم خلص
وبعد وقت في القصر كان جبل قاعد في مكتبه وشايف جنه قاعده بتلعب مع مالك في الجنينه والجد وتهاني قاعدين وضحكتها اللي ماليه المكان وابتسم على طفولتها
و الباب خبط ودخل شامخ وهو بيقول حصل يا باشا كل حاجه انت قلتها
ضحك جبل وقال له
طب يا شامخ انا عايزك تجيب لي واحد يعرف لي ايه اللي بيحصل في الشركه من ورا ظهري
رد شامخ
طب اروح انا الشركه واعرف
ضحك جبل وقال له
لا انا عايز واحد من اللي بيثق فيه عمي ويعرف لي هيعمل ايه الفتره الجايه كلها
رد شامخ
تمام وخرج وجبل فضل يبص على جنه
وقربت جنه من تهاني
وقالت لها
ممكن يا طنط ناكل بيتزا
ردت تهاني
ما ينفعش جبل مانع اي حد يجيب اكل من بره
ردت جنه
لا انا هعملها هنا
وقال مالك
وانا كمان نفسي اكلها
ردت تهاني
خلاص انا هقول للطباخ يعمل لكم بيتزا
ردت جنه
لا انا اللي عايزه اعملها
وقال الجد
هتعرفي ولا هتولعي في المطبخ
ردت عليه
بقول لك ايه يا بابا انا شيف قد الدنيا هتدوا احلى اكل من تحت ايديا
ضحك الجد وقال لها
ماشي يا لمضه روحي اعمليها فرحت جنه
وقالت
تيجي معايا يا مالك نعملها سوا
رد عليها
ايوه ومسكت ايديه ودخلت جوه
وقالت تهاني
من ساعه دخلت القصر وضحكتها ماليه المكان هي ومالك
وقال زين
فعلا يا ماما تحسيها طفله كده
ردت بسنت
هي اصلا طفله انت مش شايفها طريقه كلامها ولا ما بتقف قدام جبل وتبقى عامله زي الكتكوت المبلول
ضحك الجد لما افتكر كلامها الصبح
وقال زين
بتضحك على ايه يا جدي
قال له
اصل انت ما تعرفش هي قالت
ايه الصبح
رد زين
قالت ايه و الجد كلامها كله وفضلوا يضحكوا
وفي المطبخ كانت جنه واقفه هي ومالك
وقالت
جنه الاول لازم نغسل ايدينا
رد مالك
ماشي وراح عشان يغسلوا ايديهم
وقالت
احنا هنحط المقادير كلها قصادنا عشان ما نتوهش ونعرف نعجن البيتزا
رد مالك
تمام يا شيف ايه تاني
قالت له
يلا نبدا يعجنوا البيتزا
وفي المكتب جبل كان طالع يجيب حاجه من جناحه وسمع صوت ضحك جاي من المطبخ
واقرب بالكرسي العجل واتفاجئ بجنه بترمي مالك بالدقيق ومالك بيضحك وهي كمان بتضحك وبيلعبوا وبص على ابنه اللي اتغير في كم ساعه من طفل هادي لطفل متمرد وشقي
بسبب الطفله ديت ولقى نفسه بيبتسم وفضل يتفرج عليهم
اما في اوضه مها كانت بتجهز حاجتها عشان تروح الحفله وبتعمل ماسكات
وفي المطبخ خلصت جنه لعب هي ومالك وعملوا البيتزا ودخلوها الفرن
وقالت جنه
ايه رايك نعمل كيكه انا وانت برده
رد مالك
الاول ندوق البيتزا عشان لو طلعت وحشه ما نجربش في الكيكه
ضحكه جنه وقالت له
يا ابني انت معاك الشيف جنه يعني كل حاجه هتبقى تمام
رد عليها
انا خايف من الثقه ديت
ردت عليه
براحتك انت الخسران انا هروح بقى اغير هدومي وانت كمان عقبال البيتزا ما تستوي
قال لها
ماشي وكانوا خارجين من المطبخ واتفاجئوا بجبل واقف قصادهم
وجنه تلقائيا وقفت ورا مالك
وقال جبل بصوته القوي
ينفع اللي انتم عملتوه في المطبخ ده
رد مالك بسرعه
مش انا يا بابا هي اللي عملت كده
ردت عليه
اه يا خاين بس على فكره مالك هو كمان لاعب معايا
رد جبل
انا كنت شايف كل حاجه بس مش هعاتب على طفل هعاتب على الكبيره عشان كده انتم الاتنين هتنظفوا المطبخ بصوا لبعض
وقالوا بصوت واحد لا
رد جبل
انا عايز اشوف مين فيكم اللي مش هينظف
رد مالك
حاضر يا بابا ودخل بسرعه
وجنه لسه واقفه
وقال لها
ما دخلتيش ليه
ردت عليه بسرعه
حالا المطبخ هيبقى نضيف ودخلت بسرعه لمالك وبداوا ينظفوا
وفي الجنينه قالت تهاني
الولاد اتاخروا قوي ربنا يستر ما يكونوش عملوا مصيبه
ردت بسنت
خليك يا طنط وانا هروح اشوفهم
ردت عليها
لا انا رايحه معاكي عشان اطمن اكتر ودخلوا كلهم جوه
وتفاجئوا بجبل اللي واقف قدام المطبخ
وقال الجد
اكيد عملوا مصيبه
ردت تهاني
شكلهم كده
وقربوا وشافوا جنه وهي رابطه حته قماشه على شعرها وماسكه ممسحه ومالك مقشه وعاملين ينظفوا ويمسحوا الارض
وجنه بتغني
ولايا زمن زرعنا الشوق ولا بايدينا
وقال زين
اسمها الشوك يا خايبه
ردت عليه بطفوله
تصدق معاك حق ما هو اللي بيحصل فيا ده اكيد ده شوك مش شوق
والكل ضحك وقالت تهاني
هم عملوا ايه يا جبل
رد عليهم
الهانم و البيه صغير كانوا بيلعبوا بدقيق وبهدلوا المطبخ
ردت تهاني
كنت عاقبتهم بحاجه تانيه غير كده وخليت الخدم هم اللي ينظفوا
رد جبل
مالك يا ماما من امتى وانتي بتعارضيني
ردت عليه
يا ابني دول اطفال مش حمل التعب ده
و رد الجد
معاه حق يا جبل وبعد ما كانت جنه بتعيط سمعوها بتسقف وبتغني والكل بص لها ولقوها قعدت على الرخامه وجنبها مالك وبياكلوا في البيتزا وهم بيضحكوا
وقال الجد
شفت ان هم اطفال
وقال زين
انتي يا بنت يا جنه هاتي حته بيتزا
ردت عليه
بعند ابدا مش هديك حاجه
وقالت بسنت
طب اديني انا حته
ردت عليها
عشان خاطرك يا بسبوسه وادت لكل واحد حته
وقربت من جبل وقالت له
اتفضل الطبق بتاعك بص لها كده
وقالت بصوت واطي
ما تخافش ما فيهوش سم يعني بص لها
وقال لها
بتقولي حاجه
ردت عليه
ابدا بالهناء والشفاء و سابت له الطبق
وجريت تاكل مع مالك الصينيه
وقالت تهاني
طعمها جميل فعلا شكلها شاطره في الاكل زي ما قالت
رد زين
بصراحه بتعملها احسن من بسنت 100 مره
ردت عليه
معاك حق
وقال الجد
دق يا جبل طعمها حلو فعلا
وجبل بدا يذوق ولقى فعلا طعمها جميل واكل الحته بتاعته
وقال مالك
يلا بقى عشان نعمل الكيكه
ردت عليه
لا يا حبيبي ما فيش منه الكلام ده انا ورايا مذاكره وانت كمان يلا سلام وسابتهم
ودخلت الجناح بتاعها والكل بص لها وقال مالك طب استنيني هجيب الكتب واجي لك وضحكوا