رواية مكالمه نص الليل الفصل الاول1 والثاني2 بقلم هويدا زغلول
قاعده فى حالى لقيت رقم غريب بيرن
ست صوتها كله حزن بتقولى طلبه منك خدمه قولتلها اتفضلى
قالتلى ورثت من ابويا اوضه بحمام اخويا قطعنى لم أطلقت و قعدت فيهم و الله انا لو كان عندى مكان تانى مكنتش خدت ورثى و زعلت أخويا لم لاقنى قاعده فيها قطع عليا المياه
ده الكلام اللي قولته لبابا وقالي
الاب
وانتي ازاي تردي علي ارقام غريبه هو انا
مش قايل ليكي مترديش
سما
هو فيه اي يا بابا انت محامي كبير ويمكن
ربنا بعت البنت علشان انت تقف جنبها حرام عليك ارجوك اتصرف في الحوار ده
الاب
هو انتي مصدقه الحوار ده يعني بقولك اي
سما ادخلي اوضتك واياكي تردي علي ارقام
غريبه تاني انتي سامعه ولا لا
سما
هو انت ليه عمال تتعامل معايا كاني عيله صغيره ما ينفعش ان انت بتعمله ده
الاب
والله بقى على اخر الزمن تقفي تتكلمي معايا كده يا سما ادخلي اوضتك يلا ومش عايزه اسمع صوتك وبعدها دخلت وكلمت الرقم
مديحه
الو ايوه مين معايا
سما
انا سما ان انت كلمتيها من شويه وقلت لها المشكله اللي عندك انا عايزه اعرف هو انت جبتي رقمي منين
مديحه
مش عارفه ليه انا كنت حاسه ان انا مخنوقه قوي وكنت محتاج اتكلم مع حد فطلبت اي رقم وخلاص وطلع رقمك قولت اتكلم معاكي
سما
يعني هو انتي ما تعرفيش ان بابا محامي وانت متصله بيا علشان خاطر كده وفي الوقت ده
فرحت وقالت
مديحه
بالله عليك هو انت باباك محامي يعني يقدر يمسك لي القضيه بس انا معيش اي فلوس اخويا عايز يرميني بره البيت بجد انا تعبت
من الافتري اللي انا فيه
سما
مش عارفه بصراحه بس انا هحاول اشوفلك محامي تاني يمسك ليكي القضيه بس انا
عايزه اشوفك
مديحه
تمام اكيد بكره هكلمك واقولك نتقابل فين
وبعدها قفلت معايا في اوضه سيد
اخوها كان قاعد مع مراته
سيد
فكيها يا نجلاء شويه وانا ذنبي ايه في اللي بيحصل ده ما انت عارفه ان هي اختي برده هسيبها كده تمشي في الشوارع ولا ايه
نجلاء
وانا مالي يا اخويا انا ايه اللي يخليني اجوز واحد عنده شقه مشتركه ما بينه وما بين اخته
سيد
والله العظيم انا بحاول ازهقها عشان تمشي من البيت من هنا بس انتي شايفه هي ماسكه ازاي
نجلاء
ودلوقتي اكيد هتاخد معاك في معاش ابوك
سيد
انت عارفه ان انا عندي القلب وكل سنه بيصرفوا ليا المعيش لا طبعا اكيد مش هتاخد منه
نجلاء
هو انت عبيط يا سيد ولا بتستعبط لا طبعا هتاخد لان هي دلوقتي بقت مطلقه البت دي
لازم تتجوز
سيد
هو انتي عايزني اروح اقول عندي عروسه
ولا اي ارجوكي بقي فكيها عليا شويه وبلاش
النكد ده
نجلاء
لو انت موافق على موضوع الجواز انا هشوف لها عريس وتمشي من هنا بقى
سيد
اعملي اللي انتي عايزه المهم يا قلبي ما تكونيش زعلانه مني بقول لك ايه انا هنزل اجيب اكل علشان ناكل من بره انا وانتي النهارده
نجلاء
وانا هقوم لاني عايزه امسح الشقه شامه ريحه تراب وانت عارفني عدوي ال تراب. وفعلا
بعدها نزل وهي قامت وبعدين دلقت
مياه كتير المياه دخلت عندي وخرجت قولت
مديحه
ايه اللي انت بتعمليه دلوقتي يا نجلاء ده حرام عليك الميه كلها دخلت الاوضه عندي وانت عارفه ان ما ليش فرش فيها
نجلاء
جرى ايه يا حبيبتي هو انتي جايه تتحكمي فيا ولا ايه انا حره في شقتي واعمل كل اللي انا عايزاه
مديحه
عندك حق بس تخليها بكره انت شايفه الجو ساقعه ازاي هقعد الم ميه ازاي انا دلوقتي
نجلاء
بقول لك ايه انا ما صدقت خلصت الصاله لو خرجت نقطه ميه هنا تاني ما تعرفيش انا هعمل معاكي ايه انا عارفه يا ربي اي البلاوي
اللي بتتحدف علينا دي وبعدها دخلت
وجبت جردل وفضلت الم المياه في عز الساقعه
وبعدها نمت علي الارض
وتاني يوم في مكتب بابا دخلت وكان رؤوف
قاعد
رؤوف
مساء الخير يا انسه سما هو انا برده بقول المكتب منور النهارده ليه اتاري حضرتك منوره هنا
بس استاذ عاصم مش موجود في المكتب في المحكمه
سما
ازيك يا رؤوف عامل ايه بصراحه انا مش جايه علشان بابا انا جايه علشان خاطرك انت عايزه اتكلم معاك في حوار بس مش عايزه بابا يعرف
بيه
رؤوف
معقول يا انسه سما عايزاني انا في موضوع تحت امرك شوفي عايزه ايه وانا اعمله ليكي
سما
في واحده محتاجه محامي يقف معاها علشان اخوها جاي عليها جدا واخد الشقه منها هي ليها ورث فيها بس اخوها مفتري قوي
رؤوف
طيب باباكي لو ماسك القضيه دي هيخلصها بسرعه انت ليه ما قلتيش ليه
سما
مش عايزه بابا يعرف بيها حاجه ارجوك انت
لازم تتصرف في الحوار ده في اسرع
وقت
رؤوف
طب هو انت ينفع تخليني اقعد واتكلم معاها علشان افهم منها كل حاجه بصراحه
سما
طبعا شوف انت عايز يبقى امتى وانا هتصل بيها واخليها تيجي تقابلك
رؤوف
تحت امرك خلاص هنرتب ميعاد واشوف لان انت عارفه ان باباك على طول بيكون عايزني هنا في المكتب هشوف وقت يكون مناسب ليا وليكي ونتقابل فيه
سما
باين عليك ان انت جدع قوي وبرده مش عايزه اكد عليك انا مش عايزه بابا يعرف حاجه عن الحوار ده
رؤوف
اكيد والله هعمل كده طب اقعدي اشربي حاجه ما ينفعش تفضلي واقفه كده
سما
لا لا ما ينفعش علشان خاطر انا لازم امشي دلوقتي مش عايزه بابا يشوفني هنا وبعدها
مشيت وهو قال
رؤوف
اه لو تحسي باللي في قلبي شويه هتعرفي قد ايه انا بحبك يا سما بس مش بقدر اقول لك الكلام ده وبعدها وروحت سما البيت وكان
قاعد سامح ابن عمتها وأمه وامها
الام
اي سما يا حبيبه قلبي جت اهي تعالي يا حبيبتي دعمتك عماله تسال عليكي نفسها تشوفك قوي من بدري
سما
ازيك يا عمتو عامله ايه معلش والله انا اسفه بس راجعه من بره تعبانه قوي ومش قادره اتكلم في اي حاجه
العمه
لا والله تعبانه ولا علشان شايفانا الفقر الفقير في العيله علشان كده بتقولي الكلام ده
سما
جرى ايه يا عمتو الله يخليكي انا مش ناقصه كلامك ده خالص بعد اذنكم
وبعدها قامت وقالت
العمه
شكرا يا اختي على مقابلتكم لينا شايفه بنتك بتتعامل معانا ازاي عامله زي ابوها بالظبط
الام
معلش يا حبيبتي انت عارفه اخوك والله ما عندوش وقت اصلا يقعد معانا ما تزعليش مني
انا
سامح
ما فيش اي حاجه يا مرات خالي يلا بينا يا ماما
بعدها نزلوا
سامح
انا عايزك تشيلي فكره الجواز ده من دماغي خالص هي عمرها ما هتفكر فيا
العمه
وعايزه الفلوس دي كلها تروح لراجل غريب ولا ايه والله لا تعمل اللي قولتلك عليه خليت الست تكلمها زي ما اتفقنا
سامح بقلق
اديني يا ماما همشي وراكي للاخر ربنا يسترها بقا ومش يحصل حاجه انتي عارفه كويس خالي صعب ازاي
العمه
ملكش دعوه بحاجه انت بس اسمع كلامي ونفذو وملكش دعوه بحاجه لما يشوف بنته
حصل فيها كده اكيد اكيد هيقولك اتجوزها يا ابني ومش عايز منك حاجه ههههه يلا بينا نمشي
وعندي في الاوضه لقيت ماما داخله عليا
وقالت
الام بحده
اي قلت الذوق الي بقيتي فيها دي
انتي من امتي وابقيتي كده علي الأقل كنتي تقعدي معاهم شويه مش تخدي بعضك وتدخلي اوضتك جري بالطريقه دي
سما
مش هنخلص بقا هو اي الي حصل لده كلو
فيها اي ان دخلت الاوضه علشان تعبانه
ولا لازم يعني اقعد اديهم التشريفه
الام
فيها ان عمتك فهمتك غلط هيه وابنها وافتكرو لما عملتي كده بتتكبري عليهم
وغير كده كمان عمتك فتحت في موضوع جوازك من سامح وكانت عايزه تعرف ردك اي
سما
هو اي الجنان ده سامح مين ده الي اتجوزو
ده لو اخر واحد مستحيل ان اتجوزو
الام
مالو سامح زينه الشباب والف واحده تتمناه
وغير كده بن عمتك هو الي هيخاف عليكي علي فلوسك بعد عمر طويل انا وابوكي
نكون مطمنين عليكي كفايه أنه من العيله
ومش هيكون طمعان فيكي ياختي
سما
مش هيحصل الكلام ده يا ماما بس كل الي فيها ان مش بحب سامح وبحسو ان ملزق قووي
وبعدين انا عايزه اتجوز واحد يكون نفس دماغي
مش واحد ماشي بدماغ أمه ديما
الام بحده
انا لما ابوكي يجي هقولو وهو ليه صرفه معاكي علشان انا تعبت منك ومس فاهمه انتي ليه رافضه مبدأ الجواز
سما
وانا قولت يا ماما انا مستحيل اتجوز سامح مش بحبو وكفايه ان همه مش من مستوانا وغير كده كمان بحسهم ان همه طمعانين فينا
الام
ماشي يا يما انتي حره بس القرار في الاول والاخير لابوكي
وفي الوقت ده كان بابا جه
الاب من في اي متجمعين كده ليه وانتي يا سما مال صوتك عالي قووي ه ليه علي امك
سما
اسفه يا بابا بس في ان عمتو وسامح كانو هنا وفتحو مانا في ان سامح عاوز يتجوزني وانا بصراحه كده يا بابا مش بحبو وعمري ما اشوفو جوزي
الاب
اي الي بتقوليه ده يا منال انتي ازاي عاوزه توافقي ان بنتي انا تتجوز سامح انتي ناسيه ان همه عايشين في حاره وبنتي عايشه فين
وكمان انا قولتك الف مره أن اختي دي طعانه فيا وانا مش موافق ابدا من موضوع الجواز ده
الام
وفيها اي انت ناسي ان لما اتجوزنا كنا عايشين في نفس المستوي ده لولا اختك الي مش عجباك دي اتنازتلك عن ميراثها وادتلك الدهب بتاعها علشان تفتح مكتب المحاماه بتاعك ده
ما كنتش وصلت الي انت فيه ده بس انت لو نسيت انا مستحيل انسي اختك والي عملتو معانا
الاب بحده
وانا مش نسيت الي هيه عملتو وادتيت ليها الفلوس بتاعتها كلها ومكلتش عليها حاجه
وغير كده كمان خليت ابنها يتوظف في شركه مكنش يحلم بيها ولو كان وقف علي شعر راسو مكنش يحلم يقرب منها
الام
هو انت مفكر ان انت كده مفضل عليها
بالعكس يا سالم لو فضلت طول عمرك تخدم فيهم مش هتحصل فضلهم عليك
سالم
وانا قولت كلمه انا مستحيل اجوز بنتي لسامح اقل حاجه لازم يكون رجل اعمال ولا حاجه
ولو انتي محرجه تقولي ان احنا رافضناها انا هكلمها دلوقتي واقول ليها
وراح ماسك الفون ورانن عليها
العمه بفرحه
اخيرا يا سالم سمعت صوتك ياه بقالك كتير اوووي مش سمعتو عامل اي يا حبيبي
سالم بحده
تمام انا بكلمك دلوقتي علشان اقولك
ان الطلب الي طلبتيه من منال مرفوض وان مستحيل اجوز بنتي واحد اقل منها
العمه بحزن
احنا دلوقتي بقينا مش قد المقام الله يسامحك يا سالم وانا الي قولت هتفرح
لما اطلب سما لسامح ابني
سالم
انا مش بحب الكلام كتير
وانا قولتلك الي فيها علشان مش بحب اللف والدوران وخلينا حده احسن
العمه
ماشي يا خويا سلام الي تشوفو هعملهولك
وراحت قافله وفي الوقت ده طلع سامح من الاوضه
سامح بحده
انا مش قولتلك يا ماما استفدتي بايه لما خالي قالك ان احنا اقل منهم وان مش انفع لبنتو
العمه
سيبك يا واد من ده كلو انت مفكر ان لما يقول كده هسيب سما بحالها بالعكس انا ورا بنتو دي ومش هسكت ان ما خليتك تتجوزها ولو غصب عنها
سامح
مش فاهمك تقصدي اي بكلامك ده
الام بخبث
هقولك ..........
وتاني يوم صحيت سما علي صوت الفون بتاعها بتبص لقيت مديحه هيه الي بترت عليها
مديحه
ايوه يا ست هانم انا مديحه انتي قولتيلي
اكلمك علشان نتقابل
سما
ايوه يا مديحه معاكي تمام بص انتي هتقابليني في كافيه***** عارفاه
مديحه
ايوه عرفاه يا ست هانم خلاص هروح استناكي هناك
سما
تمام بس لو لقيتيني اتاخرت عليكي خشي جوا واسالي علي واحد اسمو رؤوف هو ده المحامي الي قولتلك عليه هتلاقيه موجود هناك
مديحه
حاضر يا ست هانم انا هقوم البس واروح
سما
تمام وانا اقوم انا كمان علشان الحق اجيلك
وفعلا قامت سما لبست وطلعت لقيت ابوها وامها قاعدين
سما بهدوء
انا خارجه يا بابا
الاب
هتخرجي ليه دلوقتي انتي مش عارفه ان النهارده الاجازه بتاعتي وانتي عارفه كوويس ان مفيش خروج
سما بضيق
معلشي يا بابا همه بس ساعه بالكتير وابقي موجوده ومش تقلق مش هتاخر والله
الام
خلاص يا سالم سبها تخرج مش هتيجي من ساعه اعتبرها لسه نايمه
الاب
تمام يا سما روحي بس مش عاوزك تتاخري
سما
حاضر والله ما هتاخر سلام
وفي الوقت ده رن فوني روحت فاتحه
سما
خلاص يا مديحه انا خرجت من البيت
ومسافه الطريق وهكون موجوده
مديحه
انا وصلت للمكان اللي قولتي عليه برحتك انا وافقه اهو مستنيه انك تيجي
سما
خلاص ادخلي هتلاقي الاستاذ رؤوف مستنيكي اقعدي معاه علي ما اجي هو عارف انك جايه
واقعدي اتكلمي معاه عقبال ما اجي
مديحه
حاضر يا ست هانم انا هدخل اهو
وراحت قافله معاها
وفي الوقت ده كانت سما خدت العربيه بتاعتها ومشيت
وعند سامح كان بيتكلم في الفون
سامح
انا عاوزها النهارده اتصرف
تمام لما اشوف هتجبهالي زي ما قولت ولا لا
وراح قافل وهو بيفكر في حاجه
وعند سما بتبص لقيت في عربيه بتراقبها
اول ما طلعت من البيت
سما بقلق
معقول العربية دي بتراقبني اهدي يا سما مش في حاجه من دي كل الي بيحصل ده في الافلام بس ركزي في الطريق علشان الست الي مستنياني دي
وراحت سايقه بسرعه
بتبص لقيت العربيه راحت سبقاها قاطعه عليها الطريق
سما بحده وهيه بتنزل من العربيه
انت اتجننت انت مش عارف انا مين وبنت مين علشان تقطع عليا الطريق بالشكل ده
ولسه مش كملت كلامها لقيت حاجه بتترش علي وشها
وعند رؤف في الكافيه كانت قاعده مديحه معاه
مديحه بقلق
انا مش عارفه الاستاذه سما اي الي اخرها بالشكل ده دي مكلماني وقالت ان هيه ركبت العربيه وجايه في الطريق انا قلقانه يكون حصل ليها حاجه
رؤوف بقلق
بلاش القلق ده يا مديحه تلاقي في حاجه حصلت في الطريق ولا حاجه قومي روحي انتي
وانا هستني منك تعمليلي التوكيل علشان ابدأا امشي في الإجراءات
مديحه
تمام يا استاذ رؤوف انا هستاذن انا بقا ولو في جديد قولي وياريت تبقي تطمني علي استاذه سما
رؤوف
تمام واول ما مشيت طلع رؤوف الفون بتاعو وقعد يرن علي سما وكل ما يرن يديلو الفون مغلق
رؤوف بقلق
يا ترا انتي فين يا سما يارب تكوني كويسه ومايكونش حصلك حاجه
وراح واخد الشنطه يتاعتو وطلع بره الكافيه
وعدي وقت وجه الليل وعند منال مامت سما
الام بقلق
انا خايفه علي سما بنتي قوي اول مره تتاخر كده
وفوق كل ده الفون بتاعها مغلق وده اول مره تحصل انا خايفه قووي يا سالم لا تكون بنتنا حصل ليها حاجه
الاب
اهدي يا منال انا هتصرف واعرف بنتي فين
انا هخرج دلوقتي احاول ادور عليها
لما اشوف راحت فين البنت دي
وانا هتصرف معاها لما ترجع
واخليها تحرم تقفل الفون بتاعها
الام بقلق
مش وقتو كلامك ده يا سالم لما تلاقيهاا اعمل الي انت عاوزو بس اهم حاجه سما ترجع كويسه
الاب ماشي يا منال اديني ماشي اهوط
وراح خارج من البيت يدور علي سما وهو قلقان عليها وبعد فتره بيرجع البيت
الام
اي يا سالم فين سما غريبه رجعت من غيرها يعني
الاب
مش لاقتها انا قلقان عليها قوووي
الام
طيب مش كلمت اختك سالتها لا تكون راحت هناك
الاب
واي الي هيودي سما هناك ما انتي عارفه كويس ان سما مش بترتاح لي اختي
الام
طب جرب كده كلمها
ممكن لما سمعتك كلمت اختك بالشكل ده اتضايقت وقالت اروح تراضيها بكلمتين ولا حاجه علشان كده لما خرجت مقالتش راحت فين
الاب
تمام يا منال انا هرن عليها يارب تكون عندها بس. وراح ماسك الفو ن ورانن علي اختو الي اول ما شافت اسم اخوها راحت فاتحه
العمه بجمود
في حاجه تانيه نسيتها ورانن علشان تقولها
سالم
مش وقتو كلامك ده دلوقتي انا رانن علشان اسالك سما عندك
العمه باستغراب
اي الي هيجيب سما عندي ما انت عارف الي فيها وان سما بنتك طلعالك وحاطه مناخيرها في السما زيك مش معقول هتيجي عندنا
وراحت مكمله بفضول
هو في حاجه يا سالم ولا اي
سالم بحزن
في ان سما طلعت من الصبح ولسه مارجعتش لحد دلوقتي وانا قلقان ان يكون حصل ليها حاجه
العمه بشماته
ممم قولتيلي بس انت ازاي متاكد قوي كده ان يكون حصل ليها حاجه ما مممكن بقا ......
سالم
ما تتكلمي علي طول وبلاش الغاز ااي الي بتتكلمي بيها دي
العمه بخبث
اقصد ممكن تكون بنتك ماشيه مع واحد ولا حاجه هو الي عمل كده
سالم بحده
انتي اتجننتي اي الي انتي بتقولي ده
انتي عارفه لو كنت فايقلك كنت علمتك ازاي تقولي علي بنتي حرف واحد بس ملحوقه الاقي سما وبعدين افوقلك
العمه بخبث
في اي يا سالم انا مقولتش حاجه لده كلو انا بس بفكر معاك بصوت عالي
هو انت مفكر ان مبسوطه ان سما مختفيه ومش لاقينها يعني
وقولت ممكن علشان ما كنتش موافقه بسامح ابني علشان واحد تاني علشان بقول كده ممكن ده هو السبب في اختفائها مش اكتر
ده انا هرن علي سامح دلوقتي ويروح يدور عليها
سالم بحزن
خلاص مش وقتو كلامك ده
انا اقفل دلوقتي لما اكلم حد من معارفي
يشوفو اخر حد كلمتو من الفون بتاعهت
مين اقفلي بقا دلوقتي
العمه
ماشي يا سالم الي تشوفو وانا لما النهار يشقشق هجيلك علي طول
وراحت قافله معاه بتبص لقيت سامح ابنها داخل عليها ووشو. اصفر وهدومو متبهدله
العمه
في اي يا سامح ومال وشك اصفر بالشكل ده ليه اي الي حصلك يابني
سامح
مافيش انا كويس بس مش عايز اتكلم في
اي حاجه
العمه
طيب عملت ايه في اللي قولتك عليه سبع
ولا ضبع خالك لسه مكلمني وقايل
سامح
مش وقت يا امي ارحمني انا تعبان
مش قادر اتكلم في اي حاجه خالص وبعدها
دخل الاوضه وفي شقه سيد كان قاعد واخته
دخلت
سيد
بتروحي تقابلي المحامي من ورايا والله .ل اخلي
ليلتك سودا يا بت
مديحه
هو انت عرفت منين بالكلام ده ارجوك اسمعني
بس انا عايزه اقولك اي
نجلاء
قولتك أن اختك بتفكر في مصلحتها وبس
انت مش بتسمع كلامك عشان تعرف ان اختك بتلعب من وراك
مديحه
والله العظيم ابدا ارحمني شويه حرام عليك مش ذنبي اني طلقته وجيت قعدت هنا علشان كل شويه الذل اللي انا شايفاه ده
سيد
هو انت لسه شفتي ذل ده انت ما تعرفيش انا هعمل معاكي ايه ادخلي جوه يا مخفيه انت حسابك معايا كبير
مديحه
اوعى بقى انا مش هقبل انك تمد ايدك عليا تاني انت سامع ولا لا مش كفايه بعمل كل اللي بتقول عليه وانا مش راضيه عنه
سيد
والله وبقي ليكي صوت والله العظيم ما هخلي
فيكي حته سليمه انهارده
مديحه
انا مش هسكت على اللي انت هتعمله تاني ولو فكرت تمد ايدك علي هطلع على القسم وهشتكيك انت ومراتك اوعي كده من وشي
مبقاش الا العر اللي يعملوا معايا كده وبعدها
دخلت
نجلاء
هي البنت دي بتعمل كده ليه من امتى وهي بتقدر تبجح فيك كده لا لا البنت دي وراها حاجه
سيد
اصبري بس نخلص المصلحه اللي احنا بنعملها وانت هتعرفي انا هعمل ايه معاها بالظبط والله لاخد منها حقي ثالث ومتلت بس دلوقتي مينفعش نعمل اي حاجه
وفي اوضه مهجوره كنت قاعده ولقيت واحد
داخل
سما
والله العظيم نوديكم في 60 داهيه انت مين وازاي تجيبني في المكان ده
الراجل
ما تهدي يا ست الحسن والجمال مالك صوتك عالي ليه كده الباشا جاي اهو ودلوقتي تعرفؤ
كل حاجه
سما
طب ارجوك فكني بجد ما ينفعش اكون موجوده هنا ما تعرفش اهلي زمانهم قلقانين عليا ازاي
الراجل
اهو الباب اتفتح شكل الباشا الكبير وصل هو بقى يمشيكي يخليكي اتصرفوا مع بعضيكوت
وبعدها دخل قدمها رؤوف 🙄🙄
رؤوف
اخيرا يا حلوه جبتك هنا ما تعرفيش انا بدبر لليوم ده من بدري ازاي
سما
اخص عليك يا رؤوف انت اللي عملت كده طب ليه انا عملت معاك ايه عشان تعمل كده
رؤوف
هقولك على كل حاجه بس الصبر
يتبع