رواية اختي اتجوزت خطيبي بامر من بابا الفصل الاول1 بقلم هويدا زغلول
الحلقه الاولى
وقبل ما بدا حكايتي اعرفكم بنفسي انا أسمي رقية عندي 28 سنه وليا اخت عندها 24 سنه ودي دلوعة بابا وماما
وفي يوم دخلت عليها الاوضة لقيتها بتكلم واحد في التليفون وبتقول له
شروق
ماشي ياحبيبي خلاص خلاص ان شاء الله هاجي في الميعاد يلا باي دلوقتي مع السلامه
رقيه
انتي بتكلمي مين ياشروق طيب تصدقي بقا اني هطلع اقول لبابا عليكي عشان انتي مش بتحرمي ابدا ومش عايزة تعقلي
شروق
ملكيش دعوة انتي يا رقيه وخليكي بعيد عني لو سمحتي وإياكي تتدخلي في حياتي ابدا انا بقول لك اهو انا اعمل اللي اعمله ياحبيبتي وانتي عارفه كده كده بابا وماما مش بيصدقو عليا حاجة ابدا
رقيه
والله انا مش عارفه اخرتها معاكي ايه يا شروق هتفضلي طول عمرك كده مش عارفه مصلحتك فين
شروق
برضو مايخصكيش انا عارفه مصلحتي كويس اوي مش واحدة زيك انتي هتيجي وتعرفني الصح من الغلط خليكي في نفسك ياحبيبتي
رقيه
ماشي يا شروق على راحتك
وفي الوقت ده دخلت ماما علينا وقالت لنا
الام
ماتروحي تعملي شاي لبابا يارقيه انتو مالكم عاملين كده ليه وفي الوقت ده هي اتعصبت وقالت
شروق
مفيش ياماما اصلي عماله افهم الست رقيه انها ملهاش دعوة بيا خالص وتخليها في حالها مش عايزة تفهم وقال ايه عايزة تتحكم فيا وبس وتمشي كلامها عليا
الام
ايه الكلام ده يارقيه انتي فاكرة ان ابوكي وامك راحو عشان خاطر تعملي كده في اختك اسمعي لما اقولك اختك دي هتعيش متدلعه علطول مني وانا ابوكي اختك الصغيرة يعني انتي ملكيش كلام عليها انتي سامعه
رقيه
حاضر ياماما سامعه وبعدين انا كنت بس بقولها نصيحة من اخت لاختها مش اكتر وهي لازم تعرف الغلط والصح مينفعش اللي هي
بتعمله ده
الام
خلي نصايحك لنفسك ياختي وبعدين دوري على نفسك العمر عمال يجري بيكي وهتفضلي كده من غير جواز ده اللي قدك عندهم عيال دلوقتي
رقيه
والله حكاية الجواز دي نصيب من عند ربنا وانا شايفه انه نصيبي لسه مجاش ياماما انا مش مستعجلة على الجواز يعني
الام
مش مستعجلة اومال هتتجوزي امتى ياختي لما يبقا عندك أربعين سنة قومي فزي يابت اعملي لابوكي الشاي
رقيه
حاضر ياماما وسبتهم ودخلت المطبخ عشان اعمل الشاي وانا دموعي عماله تنزل من عنيا ومش عارفه اوقفها صعبان عليا نفسي
وتاني يوم شروق قالت لماما
شروق
انا نازلة ياماما مش عايزة حاجة انا خارجة مع صحباتي ماشي
الام
روحي يا قلب ماما اتفسحي وانبسطي
شروق
طيب ايه بقا مفيش قرشين كده عشان لما اخرج مع العيال ميقلوش عليا مفلسه وطلعت ماما فلوس كتير وقالت ليها
الام
خودي ياقلبي اتفسحي وهاتي اللي نفسك فيه يلا مع السلامة وفي الوقت ده
مشيت شروق وماما دخلت قالت لي
الام
انتي يابت يارقيه انتي لسه نايمة لحد دلوقتي قومي بقا عشان تشوفي اللي وراكي في الشقة تعمليه يلا الضهر اذن والشقه تضرب تقلب
مش فيها حته مش عايزه تتروق
رقيه
حاضر ياماما قايمة اهو وجايه وراكي هي شروق مش هنا ولا ايه
الام
لا اختك خرجت تتفسح مع أصحابها وهترجع اخر النهار وبعدين انتي بتسالي عليها ليه ماتخليكي في حالك وقومي يلا وبقولك اي طلعي
اختك من دماغك انا مش عارفه
انتي عامله معاها ليه كده
وخرجت ماما من الاوضة وانا طلعت وبابا كان قاعد بيتفرج على التليفزيون وقولت له
رقيه
صباح الخير يابابا
الاب
صباح النور يارقيه ايه كل ده نوم انتي مش، وراكي حاجة ولا ايه
رقيه
لا ورايا اومال مين يعني اللي بيعمل شغل البيت غيري هو في حد هنا بيشتغل في البيت غيري
الام
قصدك ايه يابت عايزة تقولي اننا بنشغلك خدامة في البيت ولا ايه وبعدين ده بيتك ياروح امك يعني احنا مش هنروح نجيب واحده غريبة تعمل لنا
رقيه
هو انا قولت حاجة ياماما انا متكلمتش وبعمل كل حاجة وانا ساكتة والله يعني مقصدش حاجة وانتي عارفاني اني بحب اشتغل في البيت اصلا انا هدخل المطبخ اغسل المواعين
ودخلت المطبخ وماما قالت لبابا
الام
احنا عايزين نجوز البت دي ياعاصم البت كبرت اوي وانا خايفة تفضل معنسه جنبي اذا كانت اختها اللي اصغر منها مدردحة عنها ودي خام خالص ولا تعرف السما من العما
عاصم
ودي يعني هنجوزها ازاى ياسهير هنروح ندلل عليها بقولك ايه ياوليه انا مش ناقص وش ووجع دماغ كل واحده بيجيلها نصيبها لحد عندها احنا منعرفش النصيب فين
سهير
على رايك منعرفش النصيب فين
المهم اسكتي أنا عايز اخلص الفيلم ده
وفي الوقت ده شروق كانت قاعده مع شاب اسمه زياد على كافيه وقالت له
شروق
اديني جيت لك بدري اهو عشان خاطر نفضل مع بعض طول النهار وهرجع البيت على اخر النهار
زياد
امممم يعني ابوكي وامك محدش فيهم بيقول لك حاجة لما بتتاخري بقا ياشروق
شروق
لا طبعا ياحبيبي محدش بيكلمني نص كلمة انا بعمل اللي على مزاجي وبس مليش دعوة بحد
زياد
طيب حيث كده بقا ماتيجي نروح على البيت عندي انا عايز افرجك على شقتنا دي هتعجبك اوي اوي
شروق
اهاا لا لا ياحبيبي شقة ايه وبتاع ايه انا مش هبلة عشان اروح معاك البيت انت فاكرني ايه انسي الموضوع ده
زياد
خلاص ملكيش في الطيب نصيب ياشروق شكلك عندية وهتتعبيني اوي بس ماشي مسيرك تحن عليا ياجميل
شروق
ده بعينك يا زيزو على فكرة صحيح صاحبك ظبط مع البت ندى وعملوا صحبة انما ايه الكليه كلها بتحكي عنهم بقو ثنائي مع بعض
زياد
ااه ابن المحظوظة البت ندى دي جامده اوي ومزه كده
شروق بضيق
ايه اللي انت بتقولو ده يازياد ايه هو انا مش ماليه عينك ولا ايه اخس عليك انا زعلانة منك وهمشي ومش هتشوفني تاني
زياد
اقعدي ياقلبي رايحة فين بس انا بهزر معاك ياجميل هو انا ليا بركة الا انت انت وبس اللي حبيبي
شروق
خلاص يبقا متجيش سيرتها قدامي انا بقول لك اهو
زياد
هو انا جبت سيرت حد مش انتي اللي اتكلمتي عنها دلوقتي انا مالي انا بس
شروق
ااه صح انا اللي اتكلمت وقولت خلاص انا مش هتكلم تاني وانت ملكش دعوة بيها
وبعدها رجعت البيت بالليل وانا قولت لها
رقيه
ايه اللي اخرك كده انتي طول النهار برة البيت كنتي فين لحد دلوقتي واي البنطلون اللي انتي .لابسه ده با بنتي خافي من ربنا
بقي شويه وبطلي اللبس المقطع ده
شروق
وانتي مالك انتي بيا ده ماما وبابا محدش فيهم سالني انا اتاخرت ليه تقومي انتي تفتحي لي محضر اوعي من وشي كده
رقية
مفيش فايدة فيكي هتفضلي كده دايرة على حل شعرك لحد لما يجي يوم وتندمي على كل ده
شروق
ااه انتي برضو هتتكلمي تاني معايا في الكلام اللي ملوش لازمة ده عشان اهزقك وانتي اصلا مابتجيش غير بالتهزيق
رقية
الله يسامحك يا اختي كل ده عشان خايفة عليكي بس انا من هنا ورايح مليش دعوة بيكي خالص تصبحي على خير
وتاني يوم ماما راحت السوق وقابلت واحدة جارتنا وقالت لها
الجاره
ازيك يا ام رقية عامله ايه ياختي عاش من شافك ايه انتي مبقتيش بتخرجي كتير ولا ايه
سهير
مين ماجدة ياحبيبتي ده انتي وحشاني والله انتي اللي فينك بقالي كتير مشوفتكيش ايه ياختي احنا مبقناش على البال ولا ايه
ماجدة
ابدا ياحبيبتي طب انا حتى كنت امبارح في سيرتك مع ناس حبايبنا كده وجات السيرة وربنا يعلم قولت عليكي ايه انتي عارفاني بحبك اد ايه
سهير
ياحبيبتي ربنا يديم المعروف يارب
ماجدة
واسم النبي حارسهم عاملين ايه بنتك رقية والمحروسة اختها شروق
سهير
الحمد لله ياحبيبتي بخير والله ربنا يصلح حالهم يارب
ماجدة
يارب ياحبيبتي انا بقا كنت جايبة عريس لرقيه شاب انما ايه طول بعرض وقيمة والنبي ابن حلال ياسهير
سهير بفرحة
بجد والنبي ياماجده وده يطلع مين ده ياختي انا بيني وبينك نفسي افرح بيها اوي وبعديها اختها ربنا يعدلهالهم
ماجدة
خلاص ياسهير انا هكلم الجماعة اللي كانو قايلين لي عليه وارد عليكي علطول ان شاء الله ويجو هما بقا يقعدو مع الاستاذ عاصم ويشوفو طلباتكم ايه
سهير
ماشي ياحبيبتي كتر خيرك والله ياماجدة مش عارفه اقولك ايه ربنا يجازيكي كل خير يارب
وبعدها رجعت ماما البيت وقالت لبابا
الام
ياعاصم ياعاصم تعالي عايزاك في الاوضة بسرعه ياخويا يلا تعالي
عاصم
في ايه ياسهير مالك ياوليه راجعة من برة مسروعة كده ليه هو في حاجة حصلت ولا ايه
سهير
لا ياخويا مفيش حاجة الحمدلله بس شكلة هيبقا في فرح وسعد جاي ياعاصم بنتك رقيه جاي لها عريس اللي عرفتة انه شاب ابن ناس وكويس وحليوة انما الباقي بقا هعرفه لما الناس يجو يتكلمو معاك
عاصم
وده مين ده وابن مين
سهير
بكرة ماجدة هترد عليا وتعرفني كل حاجة عنه عشان يحددو ميعاد ويجو لك انا فرحانة اوي ياعاصم اخيرا هتتفك عقدتها وتتجوز البت دي
عاصم
مش قولت لك ياسهير كل واحده ونصيبها بيجي لها اهو جاي اهو وربنا يسهلها من عنده
وبعدها بيومين جه عندنا شريف اللي اول لما
شافني عجبتة وقال لبابا
شريف
هي دي اللي بدور عليها من زمان وقعد معايا لوحدنا بعد ماقرا الفاتحة وقالي
على فكرة يا رقيه حكو لي عنك انك انسانة هادية وجميلة وبصراحة ده اللي انا شايفه قدامي
رقيه
على فكرة انا بتكسف من الكلام الحلو ده ممكن تبطل تقولي كلام حلو بقا ممكن
شريف
ههههه حاضر يارقية بس ده ميمنعش اني اقولك انك حلوه وزي القمر
وشي احمر من الكسوف ومعرفتش ارد ودخلت علينا شروق وبصت لي بحقد وقالت
رقيه
اخيرا هتتجوزي يارقيه خلاص عقدتك انفكت ده احنا كنا بنقول انها هتنعس ومش هتتجوز ابدا اصل سنها كبر اوي ياشريف ومالك ي بنتي
فرحانه فرحه الاهبل ليه كده صحيح
اللي زيك لازم تكون فرحانه مش اول مره
يجي ليها عريس وانا في الوقت ده كنت مكسوفه اوي وبعدها رد شريف وقال
شريف
على فكرة رقيه زي القمر وكده كده كانت هتتجوز انا أو غيري كان هيجي لها العريس المناسب مفيش حاجة اسمها تعنس دي
شروق
ليه أن شاء الله ماهو في بنات كتير بتعنس ولا انت مسمعتش عنهم ولا ايه نظام على العموم ربنا يسعدكم بقا وقالت كلامها وسبتنا ومشيت
وفي الوقت ده بص ليا شريف وقالي
وشريف
انتي ليه مردتيش عليها يا رقيه وسكتي لها ليه كده حاسك سلبية كده ومش بتعرفي تاخدي حقك
رقيه
الله يسامحك ياشريف انا بس مش بحب ادخل نفسي في حوار معاها او مع غيرها
شريف
ليه هي من النوع اللي مش بتسكت صح لاحظت عليها كده برضو على العموم ولا يهمك ومتزعليش مني ولا من كلامي انا عشان بحبك بقول كده
رقيه
ولا يهمك ياشريف انا مش زعلانة منك واذا كان على شروق فانا عارفها وعارفة كلامها دايما كده علطول بتكسف اللي قدامها
شريف
ربنا يهديها يا رقيه انا بحس انكم في فرق كبير اوي بينكم الصراحة في كل حاجة
رقيه
اصل شروق اكمنها الصغيرة فامدلعه شوية بكرة لما تعرف يعني مسؤليه هتلم نفسها لوحدها
وبعد كان يوم في الكليه عند شروق قالت لزياد
شروق
انا اختي اتخطبت يازياد وانت بقا مش ناوي تخطبني انا كمان ما أنا مش، هفضل كده ورقيه اختي هي اللي تتخطب وتتجوز
زياد
جرا ايه ياشروق انتي مش بتزهقي من الكلام في الحوار ده بقا انتي عايزة ايه بالظبط انا قولت لك كذا مره انا مش جاهز دلوقتي لخطوبة وكلام فارغ من ده
شروق
كلام فارغ يازياد يعني ارتباطك بيا مسميه كلام فارغ انا قولت انك شكلك بتلعب بيا ومش هتتجوزني انا كنت عارفه كده كويس وانا اللي غلطانة اني ضعيت وقتي مع واحد زيك انت انا ماشية
زياد
استني بس ياشروق استني ياحبيبتي احنا لسه في بينا كلام كتير وبعدين ماحنا حلوين اهو مع بعض من خطوبة ولا جواز انتي عايزه جواز ليه ونكد وكده
شروق
وانا مش هفضل ماشية معاك كده يازياد من غير خطوبة عايزني يبقا تخطبني من بابا انما كده لا يلا سلام
ومشيت شروق ورجعت البيت متعصبة وانا قولت لها
رقيه
مالك يا شروق في ايه انتي كنتي بتعيطي ولا ايه
شروق
ملكيش دعوة بيا انا مش طيقاكي قدامي يابت انتي امشي من قدامي هو انتي اي علشان
خالص جالك عريس هتكوني فاكره
نفسك واحده ولا اي
رقيه
هو في ايه ياشروق هو انا عملت لك حاجة انا بس بسالك مالك مش قصدي حاجة
شروق
وانا مش طيقاكي امشيييي
ودخلت ماما وقالت
الام
في ايه يابنات مالك ياشروق في ايه انتي بتعيطي وبتزعقي ليه كده انتي عملتي لها ايه يابت يارقيه انطقي
رقيه
والله ما عملت لها حاجة انا بس لقيتها داخله تعيط وبسالها مالك طلعت فيا كده وفضلت تزعق جامد انا مالي انا
الام
طيب امشي اطلعي انتي بره روحي اعملي لابوكي شاي انا كنت رايحة اعمله يلا امشي
وخرجت من الاوضة وسبتهم وماما قالت لشروق مالك ياحبيبتي ايه اللي مزعلك
شروق
مفيش ياماما بس انا مضايقة اوي اشمعنا اللي اسمها رقيه دي تتخطب وانا لا ليه يعني هي ازيد مني في ايه
الام
الله ده كل شيء قسمة ونصيب ياشروق وهي زي ماجالها نصيبها انتي كمان هيجي لك نصيبك وقريب متقلقيش
شروق
على فكرة بقا انا احلى منها بكتير والمفروض انا كمان ابقي مخطوبة زيها كده
الام
بس هي الكبيرة واظن انتي عارفه هي لو كانت فضلت اكتر من كده كانت هتدخل في سن التلاتين ومكنش هيجي لها ابدا
شروق
وهي بقا ان شاء الله اشمعنا يجي لها وانا لاء انا عايزة عريس زي شريف ده
الام
ان شاء الله ياحبيبتي هيجي لك احسن منه كمان هو انتي في في حلاوتك ياشروق يلا ربنا يهديكي نامي دلوقتي والصباح رباح يابنتي
وسبتها ماما لوحدها في الاوضة ومسكت تليفوني واخدت منه رقم شريف وبعتتله رسالة على الواتس وقالت
ازيك يا شريف عامل ايه
وبعد شوية رد عليها شريف وقال
مين؟
شروق
انا شروق اخت رقية
شريف
اها اهلا ياشروق ازيك اخبارك ايه
شروق
انا تمام الحمد لله انت ايه بقا محدش بيشوفك يعني اوعي تكون رقيه مزعلاك ولا حاجة
شريف
لا خالص رقيه دي نسمة وعمرها ماتزعلني ابدا دي حتى هاديه جدا ومالهاش في اي حاجة
شروق
امممم طيب انا كنت بطمن بس اصلي بقالي فترة كده مش بشوفك فقولت اطمن عليك وكده
شريف
انا تمام الحمد لله يا شروق متشكر على سؤال انا بس اليومين مشغول جدا ومش فاضي اجي عشان اقعد مع رقيه شوية ياريت تعرفيها اني مشغول
شروق
بس انا مش معرفاها اني هكلمك وانا بكلمك من وراها أصلها دي لو عرفت ممكن تنفسن مني وتغير مني اكتر ماهي بتغير انا مش عايزة اقولك رقيه دي بتغير مني ازاى
شريف
وهي هتغير منك ليه ياشروق على فكرة رقية انسانة محترمة ومش بتعرف تنفسن ولا تغير من حد ابدا انتي فاهمة غلط على فكرة
شروق
يمكن طيب ياشريف انا هقفل بقا دلوقتي يلا مع السلامة
وقفلت معاه وقالت لنفسها
رقيه
ماشي ياشريف اما وريتك وخليتك تجري ورايا مبقاش انا شروق وهوريكي ياست رقيه عشان تتخطبي قبلي اوي
وبعدها بيومين جه عندنا شريف وماما قالت له
الام
اهلا ياعريس بنتي ياغالي نورت والله ايه يابني فينك كده ده انا كل لما اسأل رقيه عليك تقولي انك مشغول
شريف
اه والله ياطنط كان عندي شغل كتير اوي الفترة اللي فاتت دي بس النهاردة خلصت شغل يدري وقولت اعدي اشوف رقيه عامله ايه
وفجأة خرجت شروق من اوضتها وهي لبسه بيجامة نوم ضيقة عليها اوي وشريف فضل يبص عليها
يتبع