الحلقه الثانيه
وفي الوقت لقيت سلامه قام وقالي
سلامه
انا مش فاهم حاجه هو انتي عايزني اطلع فوق
ما تقولي هنا ان انتي عايزاه
منه
انت عارف ان مامتك بتبقى قاعده راميه ودانها اطلعلي فوق لو سمحت عشان عايزاك
وبعدها طلعت وهو طلع ورايا وقفلت الباب
سلامه
في ايه يا منه انا اول مره اشوفك متعصبه قوي كده هو انا عملت ايه ضايقك
منه
متى هتفضل طول عمرك عايش ما عندكش شخصيه انت ازاي توافق تتجوز اللي اسمها خلود دي
سلامه
امال عايزاني اعمل ايه يعني ما انا ما ليش اي مكان اروح وشايفه عينيكي ان انت مش طايقاني هنا في شقتك
منه
هو لازم تقعد مع حد اطلع واقعد في شقتك فوق وابني فيها طوبه طوبه
سلامه
خلاص بقي مبقاش ينفع كلامك اللي انتي
بتقولي عليه ده انا هتجوز خلود
منه
روح واتجوزها وهتبقى امك برده اللي عايشه معاك لان خلود هتمشي كلمتها عليك
وبكره تشوف
سلامه
هو بتاع انت كلميني بالطريقه اللي انت بتتكلمي بيها دي انت مرات اخويا وما لكيش حكم عليا
منه
هو لازم اي حد يتكلم معاك يكون ليه حكم عليك انت اخذت دايما الناس تديك اوامر ما ينفعش حد بينصحك لوجه الله
سلامه
وفري نصيحتك لنفسك انا مش عايز
اي حاجه منك وبعدها نزل ووهو خارج قفل
الباب علي القميص راح انقطع
ونزل
الام
انت ايه اللي عمل فيك كده ايه اللي بوظلك هدومك بالطريقه دي
سلامه
مافيش كنت في الشارع وانقطع مني
مش اكتر حاولي ترني علي حسين
علشان نروح عند خالتي وبعدها دخل الاوضه
وبليل حسين جه
حسين
يلا يا امي انا جاهز علشان خاطر نروح نخطب خلود
الحما
هي مراتك برده مش عايزه تيجي هي ايه مش عايزه تفرح لسلامه ولا ايه هو مش زي اخوها برده
حسين
ما تسيبيها براحتها بقى يا ماما انا قولتلها كذا مره وهي مش عايزه تيجي معانا وبعدين احنا لسه المره دي هنتكلم بعدين تبقي تيجي
الحما
لا المره دي هتكون كتير كتاب وبعدها مشيوا
وراحوا هناك وام خلود قالت
الام
بس انت يا حبيبتي مش شايفه انك مستعجله قوي على الخطوه اللي انت عايزه تاخديها دي الشقه لسه ما جهزتش يعني
الحما
خلاص يا حبيبتي هم يقعدوا معايا الكام شهر دول وانت عارفه ان انا كده كده ربنا كرمني بفلوس وهقدر اخلص الشقه بصراحه
الام
اللي تشوفيه يا حبيبتي خلود بنتك برده وانت حره
ولا اي يا خلود
خلود
اللي تشوفي يا ماما انا تحت امرك فيه
وجه الماذون وجاي يكتب المؤخر
حماتي قالت
الحما
اكتب يا عم الشيخ المؤخر ربع مليون جنيه
حسين
ايه يا امي الكلام اللي انت بتقولي عليه ده هو انت مش شايفه ان المبلغ ده كبير ولا ايه وبعدين انتي عارفه ان ابنك معهوش المبلغ ده
الحما
وعارفه يا حبيبي كويس قوي ان ابني مش هيطلق خلود اكتب يا شيخ اللي انا بقوله
حسين
بس انتي ما تعرفيش بكره في ايه يا امي ما ينفعش ان انتي بتقوليه ده وردت أن خلود
وقالت
الام
جرى ايه يا حسين ما تخلي لسانك
جوا بوقك وملكش انت دعوه
بالحوار ده خليك في حالك
حسين
مش هو موافق براحته علي اللي هو عايزو
بعدها فعلا كتبوا الكتاب وفي شقه
اشرف دخلت غاده الاوضه اللي هو فيها
غاده
انا خلصت الغداء لو عايز تتغدى اجهز لك السفره
اشرف
هو انا عايزه اعرف بس انت ليه مش موافقه عليا يعني عملت ايه علشان تكرهيني
غاده
انا مش بكرهك يا اشرف بس برده مش بحبك وما فيش حاجه شدني من ناحيتك بجد انا بزعل
من نفسي اوي لما بقولك الكلام ده ارجوك
بلاش تخليني اقولك كلام يوجعك
اشرف
بالعكس الكلام ده بيخرجك من جوه قلبي ويخليني فعلا ما احبكيش وعايزه اسمعه كل شويه
غاده
ارجوك يا اشرف طلقني انا مش عايزه اظلمك معايا اكتر من كده
اشرف
ما ينفعش اني اطلقك دلوقتي مش عايزه تكتب على كل لسان الناس يقولوا ايه اطلقت بعد جوازها بيومين
غاده
معقول هو انت خايف عليا اوي كده انا مش
قادره اصدق والله
اشرف
اللي بيحب بجد عمره ما هيقبل على اللي بيحبه كلمه وحشه او حد يبصله نظره مش هي
ارجوكي خليكي في الاوضه جوا مش عايز
اشوفك قدامي وبعدها نزل وشويه وطلعت
حماتها
الحما
جرى ايه يا غاده في ايه انا كنت فاكره ابني هيكون مبسوط لما يتجوزك لان انت حلم حياته من زمان انا مش شايفه ابني كده ليه
غاده
هو انا هعرف منين ما تروحي تساليه هو وتكلمي معاه
الحما
بقولك ايه يا بنت انت انا من زمان عمري ما استريحت لك وكنت بقول له لا بس هو اللي كان ماسك فيكي
غاده
لو مش عاجبك وجودي هنا انا ممكن امشي عادي ما عنديش اي مشاكل ودخل اشرف
اشرف
في ايه ي امي مالك عماله تتكلمي معاها كده ليه
الحما
انا عارفه يا ابني ان هي اللي منكده عليك وانت مش عايز تتكلم طلعت افهم منها في ايه
اشرف
مش كفايه ان هي مستحمله طريقتي معاها اليومين دول انا عندي شويه مشاكل في شغلي مش اكتر وهي صابره عليا في الاخر تكلميها بالطريقه دي
الحما
والله يا ابني انت صعبان عليا مش اكتر انا عمري ما شوفتك مكشر كده الا اليومين دول
اشرف
لو سمحت يا امي انت عارفه ان غاده غاليه عليا قوي وعمري ما هقبل بحد يكلمك كلمه ملهاش لازمه ارجوكي اوعي تعملي كده تاني
الحما
انا يا حبيبي انا هنزل تحت علشان اعملكم الاكل
وبعدها نزلت
اشرف
حقك عليا يا غاده ان هي طلعت واتكلمت معاكي بالطريقه دي اوعدك ان انا مش هكون بحاول اني باين ان انا متضايق قدامها ثاني
غاده
بجد انا مش عارفه اقولك ايه على اللي انت عمال تعمله معايا ده
اشرف
متقوليش اي حاجه ادخلي جوا يلا وبعدها
دخلت الاوضه وفي شقه حماتي خلود
كانت عامله تزغرط
سلامه
في ايه ايه اللي انت عماله تعمليه ده خلاص بقى
خلود
الله يعني انا اتجوزت من غير فرح علشان خاطرك انت وكمان من غير فستان وكمان مش عايزني افرح لنفسي
سلامه
افرحي ولا اعملي اللي انتي عايزه
وبعدها نزلت منه
منه
ايه ده في ايه هي خلود جايه معاكوا النهارده ليه
الحما
نعم يا حبيبتي وبتاع ايه ان شاء الله تتكلمي وتسالي بالطريقه دي مرات ابني يا حبيبتي وجت مع جوزها
منه
هو انت امي بجد انتي شايفه ابنك مش مبسوط وعماله تعملي اللي انتي بتعمليه ده
الحما
سكت مراتك يا حسين لاحسن انت ما تعرفش ان انا لو قلبت عليها هعمل اي
حسين بضيق
اسكتي يا منه بقا واطلعي علي فوق انا مش ناقص كل شويه مشاكل انا تعبت
منه بغيظ
ماشي يا حسين الي تشوفو بس انا كنت عاوزه مصلحه سلامه مش اكتر
الحما بخبث
وانتي مالك يا مرات ابني بسلامه شاغله بالك بيه ليه هو حالله سلفك مش اكتر
والا بقي
وراحت مكمله بحده
خدي يا خلود سلامه وادخلو علي جوه النهارده دخلتكم مالكم واقفين كده ليه
منه بحده
في اي يا حماتي قصدك بكلامك ده اي
الحما
ولا قصد ولا حاجه ان الله حليم سلطان
ويتريت بقا اطلعي علي شقتك فوق وجودك ملهوش لازمه ومش عايزكي ياختي تنزلي
خالص الفتره دي تشوفي طلباتي انا ياختي
بنت اختي موجوده اهي والحمد لله هي هتشلني
منه بغيظ
ماشي يا حماتي الي اتشوفيه
وراحت واخده بعضها وطلعت علي شقتها
حسين باستغراب
في اي يا ماما مالك بتتكلمي مع منه كده ليه
مع انها عمرها في يوم ما زعلتك ولا قالت ليكي كلمه تضايقك
الحما
لا يا حبيبي مافيش بس هيه ضايقتني علشان عاوزه تقلب سلامه عليا بس مش اكتر
وعامله أن قلبها عليه بس هي عمرها ما هتحب اخوك
حسين
تمام يا ماما
ومش عايزك تزعلي سلامه تاني بالله عليكي سلامه طول عمرو كويس وعمرو ما بيعصيكي في حاجه بس براحه عليه شويه وبالله عليكي لو بتحبني خلي منه تنزل تشوفلك طلباتك
الام
تمام يا حسين اطلع انت كمان علي شقتك
علشان انا عاوزه انام ومينفعش قعدنا كده
في الصاله في عرسان هنا
خسين
عندك حق يا ماما انا طالع اهو
وراح واخد بعضو وطلع
وفي شقه غاده
غاده بهدوء
انا مش عارفه اقولك اي يا اشرف انا كنت عمري ما اتوقع ان انت بتحبني بالشكل ده وان انت تقف قصاد مامتك علشاني
اشرف
عادي يا غاده علشان كرمتك من كرمتي
وقبل اي حاجه انتي بنت خالتي والي يضايقك يضايقني مش اكتر انما انا خلاص مش بقيت
بحبك البركه فيكي والحمد لله عملتي اللي يخليكي تخرجي من قلبي
غاده بهدوء
بجد انا مش عارفه اقولك اي بس ياريت كنت عرفتك من زمان ومكنش حصل ده كلو
بس والله انا قلبي ما ب ايدي ومش هقدر
اعمل اي حاجه
اشرف بضيق
حصل خير يا غاده واعتبري مش في اي حاجه حصلت انا داخل انام
ولو محتاجه حاجه قوليلي انا برضه قدام الناس المفروض جوزك
غاده بهدوء
حاضر وتاني يوم صحيت خلود
خلود بحده
قوم يا سلامه في اي انت هتفضل نايملي ولا اي
سلامه
غي اي يا خلود علي الصبح ومالك بتصحيني ليه كده
خلود بضيق
قوم انا جعانه عاوزه افطر واكيد يعني
مش انا اللي هخرج اجيب الاكل ولا انت شايف
اي يا سيد الرجاله
سلامه
وانا مالي بتصحي عاوزه تفطري
ما المطبخ قدامك اهو قومي اعملي الي انتي عاوزاها
خلود بحده
هو انت يا راجل مش بتتكسف لما تقول كده
بدل ما اقولك اني جعانه تقوم بسرعه علي المطبخ تجهز ليا الفطار المفروض ان انا
عروسه جديده واللي زيك يحمد ربه أننا اتجوزنا
من غير فرح
سلامه بضيق
هواي الي انتي بتقوليه ده
خلود
زي ما سمعت واعمل حسابك ان انا عاوزاك تصحي بدري بعد كده وتجهز ليا الفطار
وتجيبولي
سلامه بحده
لا ما تقولي بقا بالمره لو في طبقين اغسلهم
انت مفكراني اي
خلود
جوزي والمفروض الي اطلبو منك تنفذو
انا بقولك اهو وقوم يلا لاما والله اقول لخالتو وهيه تتصرف معاك
سلامه بضيق
خلاص خلاص اديني قايم وانا الي قولت ياواد هتتجوز ومراتك هتعملك الي انت عاوزو
بس اهو انا الي بعمل ليها مش هيه
وبعد شويه جهز ليها الفطار وراح مدخلو علي اوضتو
خلود بخبث
ايوه كده يا سلامه تعجبني وانت بتسمع الكلام
ولسه جاي علشان ياكل معاها
خلود بحده
انت انتجننت انت بتعمل اي
مافيش اكل الا لما اكل هو انت عاوز نفسي تتسد
سلامه بضيق
هو في اي بالظبط انتي مالك بتتكلمي معايا كده لي
خلود
كيفي كده وروح يله اعملي اي حاجه سخنه اشربها مالك عمال تبص ليا كده
امشي يله خليتي اعرف اكل بدل ما انت باصصلي في اللقمه كده
سلامه بغيظ
ماشي يا خلود اديني رايح اهوو لما اشوف اخرتها
وراح سايبها ومشي
خلود
كتك الهم فيك ده انا مش طايقه خلقتك بس بعمل ده كلو علشان ابقي جمب حسين حبيبي
وبدات تكمل اكلها
وعند حسين
حسين
انا نازل يا منه علشان رايح شغلي
عاوزك لو نزلتي لماما مش عاوز مشاكل
اديني قولت اهو
منه
حاضر يا حبيبي الي عاوزو هعملهولك بلاش تشغل بالك انت
حسين .
وانا واثق من كده انا ماشي وراح سايبها ونزل عند مامتو
واول ما خلود سمعت صوت حسين
راحت سابت الاكل بسرعه وطلعه
وكانت لابسه لبس النوم
خلود بدلع
انت هنا يا سي حسين
حسين وهو بيداري عينو
ايوه يا خلود انا كنت جاي اطمن علي ماما قبل ما انزل علي الشغل
خلود بدلع
طب تعالي معايا جوه كلك لقمه قبل ما تنزل الشغل اكيد مراتك نايمه ومش قامت تعملك اكل
حسين بحده
اخش فين انتي اتجننتي وفين سلامه اصلا
وازاي يخليكي تطلعي من الاوضه بالمنظر ده
خلود بتوتر
ها دده
حسين بمقاطعة
بقولك اي يا خلود طالما داخلتي البيت هنا
تبقي خلي بالك من تصرفاتك وان انتي الي وافقتي علي سلامه مش في حد غصبك علي حاجه وراح سايبها وخارج من الشقه
وخرجت الحما وقالت
الحما
مين يا خلود الي كان هنا
خلود بتوتر
مافيش يا خالي
الحما
ازاي يا بنتي ده انا سامعه صوت الباب وهو بيتقفل
خلود
ها اه ممكن تلاقيه حسين او حاجه جاي يطمن عليكي بس شكلو لما مش لقي حد راح ماشي
الحما بحده
ماشي يا خلود وراحت باصه ليها وقالت بحده
اي البس الي انتي طالعه بيه ده
اللبس ده يبقي في اوضه النوم مش هنا
سمعتي ولا لا
خلود
وفيها يا خالتي لما اطلع كدا ده انتي خالتي
ومش في حد غريب بيخش هنا
الحما بحده
انتي ناسيه ان حسين بيخش هنا ولا اي
انا بقولك اهو انا مش عاوزه مشاكل
عاوزه تلبسي البسي جوا في اوضتك
مش بره
وفين سلامه هو لسه نايم
وفي الوقت جه جه سلامه
سلامه
انا اهو يا ماما بس كنت بعمل لخلود حاجه تشربها
الحما
ماشي يا حبيبي ربنا يخليكم لبعض انا بقا اخش جوا علشان تاخدو راحتكم
خلود
ماشي يا خالتي الي تشوفيه
وبعد شويه منه كانت خلصت الي وراها
ونزلت عند حماتها
واول مادخلت لقيت خلود قاعده في الصاله هيه وحماتها
منه بهدوء
السلام عليكم ازيك يا خلود انتي وماما
خلود من غير نفس اهلا
في حاجه ولا اي يا منه مالك نازله ايه الصبح كده
انتي مش غارفه ان احنا عرسان
ولا اي
منه بهدوء
انا نازله علشان اشوف لو ماما محتاجه حاجه زي ما بعمل كل يوم مش اكتر ولو ماما مش عاوزاني تمام انا طالعه
الحما بحده
هو انتي يا بت انتي لما بتصدقي
يلا ادخلي هتلاقيني مطلعه زفر
خشي ولعي عليه
واعملي حسابك ان طول الشهر ده انتي الي هتقومي بشغل البيت كلو
وغير كده
منه
هو انتي مش كنتي قولتي مش عايزه انزل هنا
ولا اعملك اي حاجه
الحما
حسين ابني
امبارح أمر وانا لازم انفذ ليه كلامه
علشان خلود مش هتمد ايدها في اي حاجه بعد كده
منه بغيظ
وفيها اي يا حماتي لما تعمل ده انتي خليتيني انزل يوم صباحيتي واعمل شغل البيت
الحما بحده
هو انتي يا بت انتي ليكي نفس تتكلمي
انا هنا الي بامر والي بقول ولو مش عاجبك يا حلوه خليكي في شقتك علي ما حسين ابني يجي ويقول رايو
خلود بكيد
ربنا يخليكي يا خالتو ده العشم بردو
وراحت باصه ليا بشماته
منه بغيظ
ماشي يا حماتي انا داخله اعمل الي انتي عاوزاه لما اشوف اخرت الموضوع ده اي
وبعد ما مشيت منه
خلود بخبث
عفارم عليكي يا خالتو انتي المفروض تخاليها دايما خايفه منك كده وتعمل ليكي حساب
لاما تقلب حسين جوزها عليكي
وانتي عارفه ان حسين كده راجل في نفسة
ولو حس ان اننتي عامله في مراتو حاجه هياخدها ويمشي
الحما بحقد
لا يا حبيبتي مش عايزكي تقلقي علي خالتك
انا عارفه بعمل اي كويس
وكلو كوم يا بت يا خلود لما وقف قصادي علشان يتجوزها
علشان كده كل ما بشوف وشها بتفكر ان واحد من عيالي وقف قصادي
خلود بخبث
ايوه كده يا خالتي عاوزاكي كده مش ترحميها
ومش تصعب عليكي اصل الي زي دي
بتقعد تتصعبن علي ما تتمكن
الحما
علي رايك يا بت يا خلود
لولا ان انا عارفاكي كويس وواثقه ان انتي عمرك ما تعملي اي حاجه تاذيني
خلود بخبث
اخص عليكي يا خالتي دا انا اشيلك حوا عيني هو انا ليه بركه الا انتي
الحما
عندك حق يا بنت اختي
وفضلو قعدو يتكلمو سوا
وعدي علي جواز سلامه وخلود شهرين
وكنت بلاحظ ان خلود بتحاول بتقرب من حسين
وبتعامل جوزها معامله وحشه
وفي مره وانا نازله تحت ونزلت متاخره
الحما بحده
هيه السنيوره لسه فاكره تنزل ولا اي
منه بهدوء
طب فين خلود يا حماتي مش شايفاها يعني
الحما بحده
انتي عاوزه اي من خلود المفروض تشوفي اللي عليكي وتعمليه وتطلعي على طول ما لكيش دعوه بيها
منه
اصل انا شايفه ان كل ما بنزل انا الي بقوم بشغل البيت كلو وغير كده مش بتقوليها تعمل حاجه
الحما بحده
بقولك اي يا منه انا عاوزاكي تشيلي خلود من دماغك وانا حره اطلب مين يعمل ومين ما يعملش مش تيجي في الاخر واحده زيك
تعلمني انا بعمل اي
منه بدموع
انا مش عارفه انتي بتعامليني ليه كده وانا ربنا يعلم بحبك اد اي
الحما
بطلي يا بت انتي الشويتين الي انتي بتعمليهم دول مش عليا
وخشي يلا علي الاوضه بتاعتي وضبها وفتحي الشبابيك بقالك زمان مش دخلتي تعملي فيها حاجه
منه
حاضر يا حماتي
وفي الوقت ده طلعت خلود من جوه
خلود بحقد
هيه البنت دي بتتكلم ليه كده
الحما
سيبك منها انتي عارفه خالتك علي اي
ده انا كيفتها علي الاخر
خلود بخبث
امال هيه راحت فين مش سامعالها حس يعني
الحما
خليتها تخش توضب الاوضه
وفي الوقت ده طلع سلامه
الحما
مالك صاحي قالب وشك ليه كده
سلامه بغيظ
في ان بنت اختك معفنه سايبه الاوضه وحشه
وغير كده قاعدالي طول اليوم علي الفون
وبمتعملش حاجه ولو عاوزه تشرب بتخليني اقوم اجبلها
ولسه حماتي هتتكلم
راحت خلود قايله
خلود بحده
ده انت بقالك صوت يا سلامه وبتشتكي كمان انت اتجننت انا كام مره اقولك تسمع الكلام
وانت مفكر امك هتعمل ليا حاجه تبقي عبيط
الحما
اي الي انتي بتقوليه ده يا خلود
وازاي بتتكلمي مع سلامه كده
هو انتي يا بنتي برده ناسيه ان هو جوزك ولا ايه
خلود
في ان ابنك ده مش بيفهم واي يعني لما يجيبلي اشرب هيه كانت حصلت اي
وغير كده كمان يا حبيبي طالما مش حابب الاوضه كده اعملها انت ولا انت مغكرني خدامه ليك
الحما بحده
هو في اي بالظبط يا خلود لو انتي مفكره علشان بعملك كويس وبعتبرك زي بنتيتبقي تيجي علي سلامه يبقي اتجننتي
خلود
بقولك اي يا خالتي اسكتي انتي بقا دلوقتي علشان مش تزعلي
وانت يا سلامه خش جوه عالاوضه وعالله
مش تعجبني وشوف هعمل فيك اي
وفي الوقت ده انا طلعت من اوضه حماتي
وقولت
منه
انت ازاي يا سلامه مستحمل ان هيه تعاملك كده
وليه سلامه هيرد لقيت حماتي
الحما بحده
هو انا كام مره اقولك بلاش تدخلي الي ملكيش فيه هو انتي اي مش بتفهمي
منه
هو انت عاجبك مرات ابنك بتعمله فيه ده ازاي تقبلي على نفسك كده وازاي تقبلي على ابنك اصلا
الحما
خليكي في حالك يا حبيبتي وبلاش تدخلي في اللي ما لكيش فيه ولا انت عايزاه يطلق مراته عشان يفضلك الجو
منه
ايه كلامك اللي انتي بتقوليه ده انا مش فاهمه منك حاجه
الحما
ما لوش لازمه الكلام مش خلصت يا حبيبتي الاوضه بتاعتي اتفضلي يلا اطلعي شقتك
منه
براحتك بس خليكي عارفه ان انت الوحيده اللي هتخسري في الموضوع ده هتخسري ابنك هتخسري كل حاجه
الحما
ابقي قابليني لو قعدتي على ذمه حسين يوم ثاني بعد كلامك اللي انتي قلتيه ده
وبعدها طلعت شقتي
سلامه
هو انت ايه يا امي كل اللي بيحبك لازم تيجي عليه بالطريقه دي
الحما
اخرس يا ولد انت مش عايز اسمعلك صوت وانت هتخش تاخد الفلوس اللي في دماغي جوه وهتطلع توضب شقتك يمكن اللي مزعل خدود ان انت عايش معايا هنا
سلامه
اللي تشوفي انا هعمله وكانت الصدمه
لما حماتي دخلت وملقتش الفلوس في الدولاب
وقالت
الحما
اه يا حراميه اللي اسمك منه سرقت الفلوس من الدولاب ليلتك سوداء معايا الليله دي