قصة سواد قلب الحلقة التاسعة9 للكاتبة مروة الصافي
ونحن طالعين سحر قالت لي عايزاك في مشوار لو ممكن قلت ليها طيب نرجع امي البيت وانا وافقت وكلي حسن نية فعلا ودينا امي البيت وطلعنا ودا كلو ماسألتها ماشين وين قلت زولة خدمتي مافكرت انها ممكن تكون بالخباثة دي والحصل دا كان عقاب للعملتو مع فاطمة واخوي.
طلعنا وياريت لو ماطلعت معاها وصلنا عمارة كدا وطلعنا بالاسانسير الطابق الثالث ووقفت في باب شقة ورنت الجرس الباب انفتح وطلع دا الدكتور المشينا ليه انا في اللحظة دي حسيت بي خوف ماعادي قال لينا اتفضلو انا رفضت وحاولت ارجع بس تاني ماوعيت بي نفسي الا وانا خسرت أهم حاجة خسرت شرفي ودا كان أصعب عقاب انا مريت بيه
في اللحظة دي رجعت لي كل الذكريات والحاجات السيئة العملتها في حياتي وبكيت بكل ماعندي من قوة ودعيت ربنا يغفر لي ويكون دا عقابي ما يكون لسه في عقاب راجيني وفعلا انا استاهل اي عقاب. كان بإمكاني افتح فيهم بلاغ بس حا اقول شنو انا مشيت بي نفسي فتحت الباب ومشيت وانا ببكي مشيت جنب النيل وفكرت في الانتحار قلت خلاص اموت نفسي وارتاح من كل الهم دا تاني اتنازلت مش كفاية العملتو كمان اموت كافرة
اتراجعت في آخر لحظة رتبت نفسي وقشيت دموعي ورجعت البيت امي قالت لي مالك شكلك دا كدا قلت ليها ماف حاجة بس اتذكرت عبدالرحمن وقعدت ابكي امي برضو بكت معاي. المهم تمينا اليومين اتصلو لي ناس المعمل النتايج طلعت قلت لي ابوي أنا حاسة نفسي تعبانة امشي انت مع امي ووصفت ليهم المعمل والعيادة اول ما وصلو لقيت في رقم غريب بتصل علي منو معاي قال لي انا فلان ودا الدكتور قلت ليه في شنو ي زفت قال لي كنت مستني تجي انتي قلت ليه انا مستحيل اجي وحسبي الله ونعم الوكيل فيكم الاتنين وقفلت الخط شوية كدا وامي وابوي جو داخلين قلت ليهم اها الدكتور قال شنو ابوي قال لي نفس كلام الدكتور في السودان قلت ليه خلاص تمام شلت الورق بالدس ومشيت قابلت دكتور تاني وفعلا قال نفس الكلام يعني امي حتعيش عمرها كلو في السرير وتتحرك بي الكرسي انا وامي اتعاقبنا أصعب عقاب وفعلا نستاهلو حنعيش حياة مامستقرة ومامريحة رجعت البيت وكلي وجع قلت لي امي انا مخنوقة شديد ارح نطلع طلعنا اتفسحنا وجينا راجعين وماف اي تغيير في المزاج قلت ليهم خلاص مدام ماف فايدة نرجع السودان بس
وفعلا رجعنا السودان غايتو ارتحت نفسيا شفت اخواني واولادهم اول مرة احس بي حبهم واحس قدر شنو انا كنت فاقدة الحب دا أو انا الماشايفاه بسبب حقدي وغلي امي كمان شفت ضحكتها من يوم ما عبدالرحمن مات ماشفنا ضحكتها ولاحتى ضحكة في البيت كلو من وجع لي وجع اتصلت لي صحبتي وقلت ليها عايزة اطلع اشتقت لي طلعاتي معاكم قالت لي طيب رايك شنو نمشي نشرب قهوة في شارع النيل ومنها نمشي نتغدى في أي مطعم قلت ليها طيب
لبست وطلعت استنيت صحبتي جاتني هي سايقة عربية ركبت ومشينا طوالي شارع النيل حكيت ليها الحصل معاي في مصر صحبتي دي مافضل ليها الا تدقني كيف مافتحتي فيهم بلاغ واكيد كان اثر المخدر في جسمك طبعا انا ماكلمتها بالعملناه بس كل القدرت اقولو اني خفت وانا مشيت بي رجليني ماف زول جبرني قالت لي الحصل بعد كدا كان غصبا عنك ودا المهم وكيف تستسلمي المفروض ماتخلي حقك انتي كدا اديتيهم الفرصة يعملو العايزنو مع أي وحدة غيرك جنيتي على روحك وعلى بنات كتار تانيات.
قعدت ابكي وبديت احكي ليها كل الحصل قبل كدا صحبتي دي ختت يدها في رأسها وكل القالتو لي يعني انا الزمن دا كلو مصاحبة لي مجرمة انا زمني دا كلو ماعرفتك لاحول ولاقوة الا بالله كل الحاقولو ليك ربنا يغفر ليك بس ومن الليلة انتي من سكة وانا من سكة. بقيت انادي فيها انتي اخر امل لي في الحياة وانا ماعندي غيرك يقيف معاي في محنتي دي وفجأة حسيت بي تعب ووقعت من طولي جات صحبتي رفعتني وودتني المستشفى عملو لي تحاليل قالو ماف حاجة وعملو لي صورة من الراس قالو بتاخد كم يوم حتى تطلع
صحبتي رجعتني البيت قالت لي حا اكون معاك لحد مانشوف النتيجة وربنا يخفف عنك جاني صداع شديد مامحتمل نهائي بلعت بندول ومسكن وبرضو ما راح عمري ماحسيت بيه امي دي اتخلعت مالكم في شنو قلت ليها ماف حاجة بس جاني صداع ومشينا المستشفى قالو ماف شي بس شكلو الإرهاق والحزن المرينا بيه الايام الفاتت دي اثرت علي حسيت بيها ماصدقتني بس مشتني ساي صحبتي قالت لي يلا بمر عليك بعد بكرة نمشي مشوارنا قلت ليها طيب طلعت وانا دخلت غرفتي ونمت نوم كاني لي سنة مانمت بس صحيت بي نوبة صداع تانية وأقوى من الاول بلعت لي حبتين بندول ولا نفعو بلعت مسكن ونفس الحال اتحاملت على نفسي ووجعي قلت لمن يصبح الصباح مشيت الصيدلية جبت حقنة مسكنة ومشيت بت جيرانا طعنتني بعد شوية الصداع خف شوية ورجعت البيت.
عدت اليومين وصحبتي جاتني قالت لي اتصلو لي وقالو النتيجة جاهزة البسي اسه انا قربت عليك قمت لبست واستنيتها وصلت ركبت العربية ومشينا استلمنا النتيجة ومنها مشينا الدكتور...