رواية انهيار انثي الفصل التاسع9 بقلم مروة الصافي
اتقفلت كل الابواب في وش هدى بقت ماعارفة تمشي وين وخلاص كل القروش المعاها انتهت في النهاية فكرت تتصل لي خالد وتحاول تستعطفو طبعا هو داسي منها اي معلومات لا بيتو لا محل شغلو
اتصلت عليه
خالد: اها قررتي تنزلي الطفل
هدى: والله مابقدر الطفل ذنبو شنو
خالد:طيب متصلة ليه
هدى: انت دا طفلك ليه بتعمل كدا المفروض ترحب بيه وتستناه بي فارغ الصبر. المهم ماعلينا انا متصلة عليك عايزة منك طلبين
خالد:وكمان بتطلبي 😏
هدى: انا جنيه ماعندي والله الباكلو ماعندي لو ممكن ترسل لي قروش بس اجيب لي اكل
خالد :براك عملتي في نفسك اسه لو نزلتيه كان تكوني عايشة ملكة
هدى:عندي طلب تاني هو بسيط
خالد:اها
هدى:عايزاك بس تمشي لي امي هناك ونعمل عقد رسمي واسبوع اسبوعين طلقني بس يكون عندي قسيمة رسمي
خالد: بتحلمي صح يابت هووووي انا لافاضي ليك لا فاضي للكلام الفاضي دا. وقفل الخط في وشها
هدى: خلاص كل الطرق اتقفلت انا اعمل شنو ولا اقبل وين
ياربي امشي لي ريهام بس انا العملتو معاها مستحيل يخليها تتكلم معاي اصلا بس ماعندي حل اتصل علسها اشيل لي قروش اسافر بيها ماعندي حل غير كدا
هدى اتصلت في تلفون ريهام
ريهام :الو
هدى: ريهام كيفك
ريهام:هدى؟
هدى:ايوا دا رقمي الجديد
ريهام:والذكرك لي شنو ي هدى
هدى قعدت تبكي
ريهام: هدى بتبكي مالك اسه يابت الحاصل عليك شنو
هدى:ممكن توصفي لي بيتكم انا جاياك اسه وبعد اصل بوضح ليك الحاصل بس رسلي لي 1000 جنيه اقدر اصلكم بيها
ريهام وصفت ليها البيت ورسلت ليها القروش رصيد باعتو وركبت المواصلات ومشت
وصلت البيت دقت الجرس فتح ليها طارق هدى اول ماشافتو دموعها جرت من غير ماتحس وطارق بعاين ليها ودموعو ابت تقيف
ريهام جات مسكت هدى وهدى بقت تبكي بأعلى صوت
ريهام :اتفضلي ي هدى
هدى : انا محتاجة افضفض ليك ضروري البيت فيه منو اسه
ريهام :في ابوي بس امي طلعت قبل شوية اتفضلي خشي
هدى:ممكن ندخل غرفتك طوالي ماعايزة احتك بي طارق لاني ظلمتو وهو بالجد مايستاهل العملتو فيه
ريهام:اول حاجة طارق فعلا اتظلم منك ياريتك لو رديتي ليه وسمعتي منو وتاني حاجة طارق من فتح ليك الباب طلع طوالي
هدى: ياريييييت لو كان رديت ليه ماكان حصل لي شي انا الحصل لي ماشوية ي ريهام انا تعبت شديد والقروش اغرتني انا ضيعت نفسي وضيعت تعب امي وسهرها انا ما استاهل تكون دي امي ولا انتي تكوني صحبتي
ياريت لو سمعت كلامك وماصديتك وما اتكلمت معاك فارغ
ريهام يابت كدي استهدي بالله انا بمشي اعمل ليك ليمون تروقي دمك واحكي لي الحصل شنو بالتفصيل
هدى: ماتتعبي نفسك ماعايزة حاجة
ريهام :لا بعملو
ريهلم طلعت من الغرفة وهدى حاولت تمشي وراها عشان تمنعها وفي اللحظة دي رجعت ليها كل الذكريات من يوم ما لاقت خالد ورفضت تركب معاه لحد ما اغرتها امل انها تركب معاه ومشو الجبل وعرض عليها الزواج
ولحد ما قال ليها عرفي ووافقت ولحد ما نكر الطفل وجردها من اي حاجة ورماها في الشارع تعاني وماعارفة تقبل على وين في اللحظة دي شافت في وشها خالد
هدى: خالد؟ الجابك هنا شنو مش كفاية العملتو فيني جاي لاحقني هنا كمان انا بي سببك اكل ماقاعدة اكل بي سبب بنوم في الشارع ماقادرة حتى اسافر لي امي لاني مابملك ولا جنيه
انا ماعافية ليك حقي لا دنيا لا اخرة حسبي الله ونعم فيك ربنا ينتقم منك دنيا واخرة