رواية انهيار انثي الفصل العاشر10 والأخير بقلم مروة الصافي
خالد: انتي الجابك بيتي شنو جاية عشان تفضحيني مع اولادي و عرفتي بيتي كيف يلا اتفضلي اطلعي برا
هدى: يعني انت ابو ريهام وطارق. وقعدت في الكنبة وهي مامصدقة الحاصل دا. ياخ انت من كل الدنيا دي مالقيتني الا انا عشان تعمل معاي كدا ياخ
خالد: ي هدى خلاص امشي وانا بلحقك وبنفذ ليك العايزاه بس رجاء م تقولي حاجة للاولاد
طارق سمع الكلام : تنفذ شنو ي ابوي وبتعرف هدى من وين
خالد: لالا ماف حاجة
طارق : انا سمعتك ي ابوي قول في شنو
خالد: ماف حاجة (عايز يقوم)
طارق: اقعد ي ابوي خلينا نفهم الحاصل وريني بتعرف هدى من وين
ريهام جابت الليمون وجات : هدى كدي اشربي الليمون دا بروق دمك وبعد كدا احكي لينا
طارق: ريهام ابوي دا حصل لاقى هدى دي معاك
ريهام : ماحصل ليه في شنو
طارق :هدى مدام ابوي رافض يحكي احكي لينا انتي وربنا الحاصل شنو وبتعرفي ابوي من وين
هدى شربت الليمون وبدت تحكي تتذكري ي ريهام لمن جيت وحكيت ليك في واحد وقف لي جنب الداخلية وابيت اركب
ريهام: ايوا
هدى: بس دا هو خالد ماحاقول ابوك لانو مابستاهل يكون ابوك المهم بقى يتردد علي يوميا ويوصلني وجاب لي تلفون وهدوم وبقى يديني قروش وفي النهاية اغرى صحبتي في الداخليه عشان انا اوافق اتزوجو عرفي
ريهام: عرفي ي ابوي 😨
طارق طبعا منهار من البسمع فيه
هدى: ايوا وللاسف وصل للعايزو واتزوجني عرفي وجاب لي عربية ودهب وحاجات كتيرة وانا الحاجات دي خلتني اتغر وافتري حتى عليك انتي وياريت لو سمعت كلامك من الاول وللاسف اسه انا حامل وهي خيرني ي اجهض ياهو يخليني
وانا رفضت اجهض وشال اي حاجة جابها لي وشرط ورقة الزواج العرفي واسه انا زي الماتزوجة وماف حاجة تثبت اني متزوجة
طارق هاج فجأة في ابوهو وقال ليه طول عمرك ضاغط علي ومابتسمح لي اعمل اي حاجة وانت مامخلي حاجة ماعاملها
والبت دي قاصر ياخ دي قدر بتك ما اتذكرت العملتو دا ممكن بترد في ريهام لا قدر الله
خالد: البت دي كذابة وانا ماعملت حاجة
طارق: ي ابوي انت ليك زمن متغير وانا قدر ما اسالك بتقول لي ماتتدخل بس ي ابوي ماكنت متخيل انك متزوج البت الوحيدة الانا اتمنيتها في حياتي. وبعدين انا متأكد انو هدى مابتكذب نعم هي مشت في سكة غلط بس مابتكذب
خالد: وليه ماقلت من زمان كان على الاقل عرستها ليك وارتحت انا من المشكلة دي وعموما انا مارق من البيت ولحدي مابراكم تضربو لي وتقولو لي تعال انا حتى اجي
طارق: نحن الحنمرق نخلي ليك البيت لانو العملتو دا مابتغفر وماحنقدر نقعد في بيتك وحقك
هدى انا زاتي مافضل لي الا امشي لي امي بعدا دا ماعندي زول الجأ ليه عايزة منك طلب ريهام لو بتقدري تديني قروش اسافر بيها
ريهام: لا انتي حتقعدي معانا
هدى: لو ماكان ابوكم خالد كان قعدت بس للاسف مافي شي يقعدني يلا مع السلامة
طارق:يعني ي هدى بعتيني عشان المادة طيب ماياهو انا كنت حا اعيشك زي ما ابوي كان معيشك واحسن كمان انا كنت مستعد اوفر ليك احسن حياة كنتي بتحلمي بيها وكنت مستعد احارب الدنيا كلها عشانك
هدى: طارق ارجوك انا طالعة ومامعروف يمكن تاني مانتلاقى في حياتنا كل البطلبو منك تعفي لي انا ظلمتك معاي
طارق:عافي ليك والله اصلا انتي لسه صغيرة وابوي استغل الحاجة دي يلا انا حاوديك الميناء
هدى: لا بمشي براي يلا اشوف وشكم على خير وربنا يجمعنا في ساعة خير
ريهام بقت تبكي وطارق يبكي ودعتهم وطلعت ...
هدى وصلت البلد ومشت لي امها وحالتها صعبة شديد
سعاد مسكت هدى وبقت تبكي
سعاد: مالك ي هدى شكلك كدا ليه
هدى: ي امي حاحكي ليك الحاصل بس ماتفهميني غلط
وبدت تحكي الحاصل سعاد من الصدمة ما اتحملت اغمي عليها ودوها المستشفى وللاسف اتوفت
ماتت سعاد بي حسرتها على بتها بي املها الكان خاتاه في هدى وانها عايزاها تكون اكبر مهندسة وتعوضها سنين التعب والعذاب لكن خسارة انتهى كل شي في لحظة
هدى بقت ماعارفة حتعمل شنو مشت جمب البحر وبقت تتكلم مع نفسها وتجر شريط حياتها وماف زول تاني حيقبلها نهائي وللاسف رمت حالها في البحر هدى خسرت دنيتها واخرتا ماتت وماتت معاها احزان كانت هي سبب فيها قضت على حياة 3 اشخاص دمرت حياتها بي نفسها دي نهاية كل وحدة تجري ورا المادة وتنسى تعب اهلها دا جزاء الجري ورا المصلحة وحب النفس
اتمنى انو الناس تتعظ من الحاجات دي وتبعد عنها وربنا يسترنا حتى الممات
تمت