رواية انهيار انثي الفصل السادس6 بقلم مروة الصافي
هدى صحت بدري وقامت غسلت ملابسا بسرعة وجهزت حالا خالد اتصل على هدى :ي هدو انا قريب منكم اطلعو لي برا تمام
هدى: طيب يلا دقيقة وبنكون برا
هدى: امل خالد دا برا خلاص انتهي ساعتين بتلبسي عروس انتي
امل: امكن اعجبو ههههههههههه
هدى: طوالي عشان يقطع وشو مني احسن
امل : ي زولة هو انتي مدشدشاه يعاين لي انا
نزلو ولقو خالد مستنيهم معاه واحد تاني المعاه نزل وركب ورا وهدى ركبت قدام وامل ورا
خالد: منوورة الليلة
هدى: شكرا هههه
بالمناسبة دا علي صحبي
هدى : اهلين تشرفنا
علي: كيفك خالد ماعندو سيرة غيرك
هدى : هههههه ودي امل صحبتي الساكنة معاي في الغرفة
خالد وعلي: تشرفنا
خالد: جاهزين
هدى : يلا اتوكل ..
علي: انا علي صاحب خالد
امل: اهلين انا امل بقرا ادارة
علي: من غير لف ممكن رقمك
امل: جدا ....
وصلو الجبل ونزلو من العربية كل اتنين قعدو براهم
خالد: ي هدى عايزك في موضوع ضروري ومن غير لف ودوران
هدى: اتفضل
خالد: انا عايز اتزوجك
هدى 😨: شنو
خالد: مستغربة ولا مامصدقة
هدى: انت متزوج واولادك ممكن يكونو قدري حتقول ليهم شنو مثلا
خالد:انا ماعندي شغلة بي زول وانا ماصغير عشان اشاورهم
هدى: انا مابفكر في الموضوع دا اسه بعد اكمل الجامعة
خالد : ليك علي اخليك تكملي القراية والشغل بشغلك ماعندك اي حجة
هدى: بفكر وارد ليك
خالد: اخدي راحتك في التفكير ووريني ...
علي: امولة العسولة ياريت لو خالد عرفني عليك من الاول
امل: ههههههههه اسه عرفتني مامشكلة
علي: خالد عايز يتزوج هدى وياريت تقنعيها
امل: بالجد
علي: جد والله
امل: طيب بس هديتي شنو لو اقتنعت
علي: موبايل و٥٠٠ الف في يدك كاش
امل: الليلة دي بتوافق اول مانرجع حتتصل عليه وتقول ليه موافقة
علي: تمام بس انتي عرفتي حيتزوجها كيف
امل: قصدك شنو
علي: عرفي
امل: شنو ؟؟؟؟؟
علي: القروش حتبقى مليون لو وافقت
امل: زيدا 2 وبقنعا
علي: خلاص كويس بس ماحتقولي ليها عرفي بعد توافق هو براه بقنعا
امل: بي طريقتكم تاني
علي وامل مشو على ناس هدى
علي: ي خالد السمك ماجاهز
خالد : المرة قالت قرب
اكلو ورجعو وصلو هدى وامل الداخلية
هدى: اتخيلي الراجل المجنون دا قال عايز يتزوجني
امل: بختك ي ختي والله لو اتزوجتيه تعيشي عيشة الهنا
هدى: هنا شنو انا مابحب غير طارق
امل : طارق لو عايزك بالجد كان خطبك من الاول مالمن امك تسافر حتى يقول ليك بعد تجي بخطبك بلعب بيك ساي صدقيني انا كان في واحد عمل معاي كدا واكتشفت انو خاطب بت اهلو
هدى: مستحيل طارق يعمل كدا
امل: ماف ولد مضمون ي ختي وصدقيني عايز يمسك بيك زمن وفي الاخر حيخليك ماتنسي هو غني اهلو نهائي مابقبلو يعرسك وحتضيعي زمنك في النهاية
هدى: والله كلامك منطقي كدي بفكر وبرد ليه الصباح
هدى اتصلت على طارق لقت رقمو مشغول جن جنونا ودورت كلام امل في راسا اكيد طارق دا بتكلم مع وحدة حاولت تاني لقتو مشغول حاولت كم مرة
طارق بعد خلص رجع ليها رفضت ترد عليه رسل ليها رسالة حبييتي ردي
هدى رفضت ترد رسل ليها انا كنت بتكلم مع صحبي عندو مشكلة مع زوجتو وحيتطلقو
هدى بين نفسها بالله دا عذرك خلاص انا ماعندي ليك حاجة
طارق اتصل واتصل وهدى تقفل الخط فيه
هدى اتصلت على خالد : خالد انا موافقة اتزوجك
خالد: ياسلاااااااااام اخيرا خلاص اسه نومي وبكرة حالاقيك ونتفاهم تمام
هدى: تمام يلا تصبح على خير
امل:اييوا كدا شوفي حنعيشي منغنغة كيف تباري لي طارق ياخ دا سكة عطش
هدى: فعلا انا حاستنى في الفارغ ساي ويكرة يعرس قريبتو ولا وحدة من طبقتهم وانا اقعد اتوجع العمر كلو بس خايفة عليه يتوجع
امل: يوم يومين وبنساك دا لو اصلا بحبك الزي ديل مابعرفو الحب
هدى : يلا الله معاه
يعني خلاص ي هدى كدا رميتي طارق وحبو ورا ضهرك وسمعتي كلام وحدة عرفتيها ايام بس انسانة ماعندها اخلاق وانتي المفروض اتربيتي على الاخلاق والادب امك تعبت فيك واتعذبت من انتي صغيرة لحد مادخلتي الجامعة وكنتي متميزة شديد