رواية انهيار انثي الفصل السابع7 بقلم مروة الصافي
هدى صحت بدري وجهزت طلعت لقت طارق مستنيها جنب باب الداخليه ارتبكت شديد ودخلت اتصلت على خالد قالت ليه الليلة ماتجيني الداخلية جايني ود خالي جايب لي مصاريف نتلاقى بعدين تمام
خالد: طيب مامشكلة بس مدام امتس محتاجة مصاريف ليه ماقلتي لي
هدى: لو رفضت اشيل منو بقول قاعدة اتصرف من وين ماعايزة اخلي زول يشك فيني
هدى طلعت لقت طارق لسه واقف
طارق: ي هدى في شنو انا وريتك تلفوني كان مشغول ليه ماممكن تعامليني كدا
هدى: طارق الموضوع دا لحد هنا انتهى وياريت تنساني او خلينا اخوان احسن
طارق : هدى دا كلام شنو 😢 انا عملت شنو هاك دا تلفوني شوفي المكالمة مع سامي صحبي
هدى: طارق انساني بس
طارق : بديك فرصة لمن تهدي شوية عليك الله اتصلي علي انا بحبك ي هدى وماعندي غيرك في الدنيا
هدى: يلا مع السلامة
طارق : اوصلك للجامعة
هدى: لا بمشي براي
مشت وعيونا ملانة دموع خسرت خلاص حب حياتها لكن في نفسها بتقول كدا احسن عشان ما اعلق قلبي بيه وانا استناه وبعدين اهلو يرفضوني
طارق بقى يعاين لي هدى وهي ماشة وببكي اتصل على ريهام
ريهام عليك الله شوفي هدى دي مالا اتكلمي معاها
ريهام: حاضر بس انت صوتك دا مالو اسه
طارق : ماف حاجة بس مصدع شوية
ريهام : اشرب ليك شاي وابلع بندول وامشي البيت اخد ليك راحة ماتمشي اي شغل
طارق : انتي ماعارفة ابوك كان عايز اموت مابخليني ارتاح يلا حابلع لي بندول بس
ريهام : خلاص بتصل عليك بعدين
طارق: تمام...
هدى وصلت سلمت على ريهام
ريهلم: هدو كيف امس كنت متخيلاك تجيني
هدى: كنت مضغوطة غسيل وقراية وكدا
ريهام: ماشاء الله مبروك التلفون الجديد
هدى: الله يبارك فيك رسلو لي خالي من السعودية
ريهام: تتهني بيه
هدى: الله يخليك
ريهام: اسمعيني انتي وطارق مالكم حاسة في شي بينكم
هدى: اسألي اخوك
ريهام: وانتي صحبتي لو في حاجة مضايقاك مفروض توريني
هدى: احسن تعرفي منو هو هي يلا المحاضرة بدت
ريهام: طيب
دخلو المحاضرة بعد انتهت دكتور صلاح نادى هدى: ي هدى انتي مرتاحة متأكدة
هدى:كتير ي عمو
د. صلاح :خلاص تمام انا نازل اجازة لو احتجتي اي شي تجيني البيت ولا تضربي لي هدى: ان شاء الله
طلعت وكان عندهم ورشة خلصو منها هدى اتصلت على خالد عشان يجيها
ريهام: ي هدى انا عايزاك
هدى: جايني خالي بتصل عليك تمام يلا
ريهام: طيب 😥 (ياربي هدى دي اتغيرت كدا ليه بالجد حيرتني ياربي عملنا شي خلاها كدا ولا في شنو)...
هدى ركبت مع خالد ومشو مطعم
خالد: ي هدى انا طلبتك وانتي وافقتي تمام
هدى: تمام
خالد: بس ركزي معاي في كلامي دا وماتفهميه غلط
هدى : خير
خالد: طبعا انتي في الفترة دي امك ماف وانا مستعجل للزواج يلا رايك شنو نتزوج عرفي ويوم امك تجي انا امشي ليها
هدى تقاطعو : نعم انت شكلك فهمتني غلط يلا انا ماشة وتاني ماتتصل ولا اشوف وشك
خالد: حبيبتي اصبري عرفتك حتفهميني غلط
انا قصدي عشان لمن نطلع مع بعض نطلع ونحن متزوجين احسن من طلعتنا كدا ماعايز زول يفكر فيك غلط
هدى: حتى ولو مانتلاقى لحد ماتجي امي وتجي تطلبني منها
خالد: انا مابقدر ما الاقيك وانا ماطالب حاجة غير نتزوج لو زول غيري كان عمل معاك حاجة غصبا عنك خلاص يلا ارح مدام مابتثقي فيني وحاركبك امجاد عشان ما اوصلك مدام انتي ماواثقة فيني
هدى: ماقصدي والله بس
خالد: بس شنو انا بحبك وعايزك في الحلال حسستيني زي الزول المراهق انا زول كبير وعاقل وعايزك لكن خلاص شكلك انتي ماعايزاني احسن انساك
هدى: ي خالد خلاص انا بفكر وبرد ليك
خالد من جواه فرح حس انها حتوافق
وصلها الداخلية ومشى اتصل على علي قال ليه خلي امل تزن ليها في راسا توافق...
في الداخلية
امل: مالو شكلك كدا ي بت
هدى: خالد قال عايزنا نتزوج عرفي
امل: عرفي 😨 (عاملة فيها ماعارفة)
هدى: اتخيلي بس هو قال عشان نقدر نتلاقى في الحلال ولمن امي تجي يجي البيت رسمي
امل: اهااااااااا كان كدا مالو كويس زول كويس ماعايز يطلع معاك ساي الا تكوني مرت واهو امك لمن تجي تتزوجو رسمي ...
طارق : ريهام لاقيتي هدى
ريهام: ايوا بس رفضت تقول لي في شنو قالت اسألك
طارق: امس مش سامي صحبي كان حيطلق مرتو
ريهام: اي اها
طارق : كنت بتكلم معاه بالليل
ريهام : اي متزكرة
طارق: هدى اتصلت لقت الرقم مشغول قلبت الدنيا وقالت لي ماعايزاك والبينا انتهى
ريهام: والله ي طارق ماعارفة اقول ليك شنو بس هدى اليومين ديل ماطبيعية ولمن اسألها بتقول مرض حبوبتا بس حاسة في حاجة داساها
طارق: انا برضو حسيت كانها ماهدى الحبيتها
غايتو حاديها فرصة تهدا شوية
ريهام: ان شاء الله انت اسه كيف من الصداع
طارق: احسن والله الليلة ابوك جا لقاني راقد في الدرج قلب الدنيا علي
ريهام: استحملو
طارق : انتي ماعارفة اخوك ماقلت ليه اي حاجة سكت بس ومشيتها ...
في الداخلية
هدى: انتي لو في زول قال ليك كدا حتوافقي
امل: اكيد لانو بكون خايف علي
هدى: خلاص انا حاخلي يومين معلق حتى اقول ليه موافقة
ولمن اتزوج حاسوقو البلد يلاقي امي وحبوبة
امل: احسن برضو يلا قومي نومي
هدى: تصبحي على خير