رواية انهيار انثي الفصل الخامس5 بقلم مروة الصافي
خالد اتصل على هدى ياهدى انا بعد ربع ساعة بجي عليك
هدى: اوك بستناك محل مانزلتني قبيل يلا سلام
ريهام: هدى يلا طارق واقف برا حيوصلك الداخلية
هدى ارتبكت شوية : انا عندي حاجة في المكتبة حاتاخر امشو انتو
ريهام: طيب ماحتسلمي على طارق
هدى: بمسكل ليه بعدين اتكلم معاه
ريهام: طيب (مامتطمنة لي هدى نهائي) ...
هدى مشت محل نزلها خالد ولقتو مستنيها
خالد: اها حنمشي على وين
هدى: الداخلية
خالد: داخلية شنو ي بت عازمك غدا
هدى: صعبة علي لكن
خالد: الصعب شنو ساعة بس وبرجعك الداخلية
هدى: طيب
وداها افخم مطعم ونزل ليها طلبات عمرها ماكانت تحلم بيهم. بعد اتغدو وفي الطريق للرجعة خالد قال لي هدى: رايك شنو لو مشينا السوق اشتري ليك كم لبسة كدا وتلفون عشان اقدر اتواصل معاك في الواتس
هدى: والله الزمن خلي بكرة
خالد: تمام اتفقنا يلا دي 50 الف خليها معاك لي بكرة ولو احتجتي لاي حاجة اتصلي علي
هدى: لا لا مستحيل اشيلا منك
خالد: ياخ الحالة وحدة وانا عارف ظروف الجامعة والشيتات وشغل التصميم دا عارفو بكلف
هدى: طيب بس تاني ماتعمل كدا
خالد: الله يسهل
هدى نزلت وجري على غرفتها عشان تحكي لي امل الحصل معاها
اموووووول ماشفتي الليلة لقيت الزول الكان واقف لي امس وداني الجامعة ووبعد المحاضرات مشينا اتغدينا سوا وكان عايزني امشي السوق اشتري لي هدوم وتلفون قلت ليه الزمن اتاخر خلي بكرة
امل: وليه ياخ الزمن بدري كان تمشي
هدى: بري ماضامناه لسه يقوم يوديني حتة كدا ولا كدا
امل: وانتي ضمنتيه ومشيتي اتغديتي معاه غالبك السوق
هدى: طبعا ماوريتك اداني قروش وقال لي اي وقت تحتاجي اطلبي
امل: ماقلت ليك والله حترتاحي راحة
هدى: بس قلبي واجعني على طارق
امل: طارق دا ختيه في الاحتياط
هدى: انا بحبو وهو بحبني احتياط شنو اكمل السنة دي وحنتخطب
امل: ي بتي يومك الترجعي بيتكم غيري رقمك وماتشتغلي بي خالد او اعملي معاه مشكلة واقطعي معاه
هدى: غايتو طيب
هدى اتصلت على والدتها وقفلت ومسكلت لي طارق رجع ليها اتكلم معاها شوية وقفلو
اتصل خالد اتكلمت معاه مساااافة وقفلت ونامت
الصباح طلعت لقت خالد مستنيها كالعادة
هدى: صباح الخير
خالد: صباح النور على البنور
هدى ركبت ولمن وصلو قالت لي خالد الليلة يومي خفيف محاضرتين بس 1 بخلص
خالد: 1 بالثانية بتلقيني واقف ليك هنا (الغريبة بنزلني يعيد من الجامعة)
هدى : طيب يلا باي...
هدى: ريهام كيفك صباح الخير
ريهام : اهليييين هدو اخبارك شنو مالك اتأخرتي قلبي اكلني عليك
هدى: نمت و المنبه ضرب ماصحيت بيه. بالليل كنت مصدعة وماحسيت بي روحي
ريهام: اها تمام بس كويس دكتور صلاح اعتذر الليلة
هدى: الحمد لله كان مشكلة ياخ
ريهام: ي هدى عايزة اسألك بس خليك صريحة معاي
هدى: اتفضلي
ريهام:انتي مالك في شنو اليومين ديل ماعاجباني
هدى: ماف حاجة بس مرض حبوبة مقلق بي شوية
ريهام: ربنا يرفعا ان شاء الله
فطرو ودخلو المحاضرة التانية وهدى اول ماخلصت المحاضرة جري طلعت ريهام ماودعتها لقت خالد كالعادة مستنيها
طارق اتصل على هدي ماردت اتصل على ريهام ياريهام هدى بتصل ليها مابترد اديني ليها
ريهام: والله ياطارق ريهام من باب القاعة ومكان اختفت ماعارفاها انا بفتش ليها مالاقياها
طارق:خلاص كويس دقايق بكون معاك
طارق وصل وريهام ركبت
طارق : اها صحبتك دي ماظهرت
ريهام: انا اتصلت عليها اكتر من ١٠ مكالمات مابترد خالص
طارق: نفس الشي انا وراسي ضرب عديل يارب تكون كويسة ومايكون حاصل عليها شي
ريهام:ان شاء الله يارب
... هدى في السوق 💔...
ركبت مع خالد مشو السوق بالاول اشترى ليها هدوم وحاجات كتيرة وتلفون ومن هناك مشو اتغدو ورجعا الداخلية
خالد: حبيبتي بكرة الجمعة رايك شنو نقضي اليوم مع بعض
هدى: لا لا مابقدر عندي غسيل وكم حاجة كدا
خالد: خلاص قومي بدري غسلي وبمر عليك نمشي الجبل وبرجعك بدري ماتخافي
هدى: كدي بديك الاكيدة بعدين يلا مع السلامة
خالد: ابقي عشرة ....
هدى دخلت وقعدت لوحدها لمن جات امل من الجامعة شاورتها في موضوع الرحلة دي
امل: قولي ليه موافقة بس مابمشي معاك براي نمشي معاك انا وامل
هدى اتصلت عليه وكلمتو ووافق على كدا ...