_يا حبيبتى أنتِ متجوزه من سبع شهور المفروض نروح نكشف عليكي؛ علشان نطمن ونعرف ايه سبب تأخير الحمل!
وهي تأخذ تنهيدة:
_يا ماما أنا سايبه كل حاجه على ربنا، مش مستعجله!
والدتها وهي تضع يدها على كتفها:
_طيب بصي هنروح لدكتور علشان نطمن يا حبيبتى!
وهي تزفر بإستسلام من إلحاح والدتها:
_ماشي يا ماما.
لتذهب مع والدتها لطبيبة، وما أن دخلت غرفة الكشف كانت تشعر بتوتر، والدتها:
_ممكن نعرف سبب تأخير الحمل!
الطبيبة بابتسامة خفيفة:
_طيب بصي أحنا لازم نعمل تحليل ليكي ولزوج حضرتك علشان نعرف السبب!
وهي تهز رأسها بخجل:
_تمام يا دكتورة…
مدّت الطبيبة ورقة صغيرة:
_دي قائمة بالتحاليل اللي محتاجين نبدأ بيها.
الأم وهي تأخذ الورقة بسرعة:
_حاضر يا دكتورة، هنجهز كل حاجة.