ما شاء الله ياولدي كان شفتها بت خدامه ومنظمه وزولة واجب وما شاء الله اخلاقا انا من شفتها قلت بس دي انا اعرسها لي مؤيد ولدي قال ليها يا عمتي انا هسي ما مفكر في حاجه زي دي قالت ليهو ومالو تفكر عاد احسن من نسمه م ح تلقى قال ليها لحظه إسمها منو ؟! قالت ليهو نسمه اسمها حلو زيها قال ليها ممكن اشوف صوره ليها؟! قالت ليهو اي دقيقه اوريك ليه فتحت التلفون وفتحت صورة نسمه وورتا ليهو إنصدم وقال ليها دي البت الانتي بتتكلمي عنها قالت ليهو اي حلوه صح؟...
○○○○○○
بعد مرور اسبوع...
كان في مناسبه في الحله ما شاء الله الحريم ديل جوني كتااار في الكوفير الا ندى وأمي ساعدوني اليوم داك من كترة الشغل لمن يدي وجعتني ندى كانت بترسم ليهم وامي تكوي ليهم في شعرهم وانا امكيج إنتهينا مع آزان المغرب...
صباح اليوم التاني صحيت الصباح بدري رتبت المحل كان في حاجات كتيره ناقصه قلت لي امي انا ماشه السوق عندي حاجات عايزه إشتريها قالت لي سمح ما تتأخري طلعت ركبت لي ركشه قلت ليهو ماشه السوق قال لي تمام لحظة قال كدا رفعت راسي لقيتوا دا مؤيد قلت ليهو مؤيد!! قال لي اي قلت ليهو إنت عندك ركشه قال لي اي بشتغل بيها مره مره قلت ليهو كويس والله شغل الركشه سمح لكن صعب شويه في الانتظار وكدا قال لي اي فعلا تاني ما إتكلمنا لحدي ما وصلنا السوق نزلت دايره احاسبوا إتحرك إتلفت دايره امشي صادفتني وجن إبتسمت لي بي سخريه كدا ومشت والله اللحظه ديك ما عارفه لكن كرهت نفسي شديد المهم دخلت السوق إشتريت الحاجات العايزاها وطلعت عايزه اوقف ركشه مؤيد جا وقف قدامي قال لي ارح اركبي قلت ليهو قبيل ليه مشيت ماشلت القروش قال لي إنتي عبيطه انا ما بشيل قروش من ناس حلتي قلت ليهو كتر خيرك بس انا منتظره لي زول تقدر تمشي قال لي منتظره منو قلت ليهو منتظره صحبتي قال لي تمام لمن تكوني طالعه إتصلي لي دا رقمي مدى لي كرت مكتوب فيهو رقمو كان تابع للورشه الشغال فيها مسكت الكرت منو وقلت ليهو تماام هو مشى وانا بقيت منتظره ركشه تجي اول ركشه جات ركبت فيها بعد وصلت نص المسافه إتصلت ليهو وقلت ليهو انا ماشه على البيت وكزبت قلت ليهو موصلنا اخو صحبتي رجعت البيت رتبت الحاجات وصليت الظهر لقيت ندى بتعمل في قهوه قالت لي اعمل ليك قلت ليها ياريت والله عملت لي قهوه معاها شربنا وقعدنا نتونس،، تلفون امي ضرب امي ردت قالت الوو والله تماام الحمد لله كيف إنتوا وكيف إبتهال بتك وولدك إن شاء الله بخير ...ما طلعتوا من البلد ديك...لالا تمام ..نحن الحمد لله هنا الاوضاع مستقره الحمد لله...شنو!! كيف ومتين....لاحولا ولاقوة إلا بالله...
المهم امي بقت تبكي شديد ما قدرنا نسكتا ولا قدرنا نعرف الحاصل كل العرفناهو إنو دي عسجد ام إبتهال إتصلت عليها وقالت ليها إنو في زول مات ،،ندى جرت جابت لي امي مويه امي شربت وحاولت تهدى شويه عاينت لي مسافه وقالت لي يا نسمه سعاد اتوفت!! ام احمد إتوفت كلنا بقينا في حالة صدمه انا بقيت ابكي وندى برضو دي كانت عشرة سنين الله يقلع الحرب ويقلع سنينا ما قدرنا حتى نتواصل معاهم..موتت خالتو سعاد دي فتحت جروح عظيمه قاعدين نبكي كدا جات خالتو عفاف داخله قالت لينا بسم الله مالكم ؟! امي حكت ليها القصه قالت لي امي لاحولا ولا قوة إلا بالله ربنا يرحمها إن شاء الله ويغفر ليها قعدت معانا مسافه ندى عملت ليها قهوه قالت لي يا نسمه تعالي مشيت قعدت جمبها قالت لي يابتي اصلوا دا حال الدنيا ياهو كلنا ماشين مافي زول معمر فيها انا ما بقول ليك ما تبكي ابكي وفضفضي الجواك لكن اعرفي إنو انتي مهما عملتي ما بتقدري ترجع الفات ربنا يكون في عونك يا بتي ويصبرك على فراقهم قلت ليها إن شاء الله يا خالتي تسلمي
المهم قعدت معانا لحدي بعد العصر وطلعت ..انا وندى رتبنا البيت وطلعنا السراير برا المغرب ازن صلينا ورقدنا كل زول في سرير وزول فتح خشمو مع التاني مافي زكريات ناس خالتو سعاد كانت مسيطره علينا لحدي ما شفنا حاجات كتيره في السماء حمراء ولونا احمر وسمعنا صوت ضرب جرينا كلنا جوا وبعد الضرب طوالي الكهربه قطعت الصوت كان قوي شديد امي قالت لينا دي مسيرات ربنا يستر!!