انتظري انتي دايره بروتين امشي لي نجلاء الدايره مكوة شعر واستشوار تجي هنا يلا خلصونا بكره العيد ورانا بيت داير النضافه يلا
_في شنو يا نسمه قولي بسم الله
نسمه: ياخ مستعجله امي مرسلاني السوق دايرين مقطعين ملايات وستائر جديده وفوق دا حاجات الخبيز والبنات ماشغالات حرقن دمي من الصباح الكوفير دا داير زول يقيف فيهو عشان يشتغل زي الناس...
_يازوله ما تخافي امشي وقلبك مطمئن انا بديروا في غيابك
نسمه: تسلمي يا تهجد ما بتقصري... طيب مع السلامه
شلت لي ورقه وقلم بقيت اكتب في الحاجات الدايرنها زمانك الكوفير دا كان بجيب دخل كبير بزات في الايام دي لكن هسي كل حاجه اختلفت في كم مكوه خربانه والكوفير زاتو دقتو بقت قديمه كتبت الحاجات وشلت الورقه وطلعت اتصلت على احمد ود جيرانا قلت ليهو ماشه السوق تعال لي بالعربيه مسافة يصلني مشيت البوتيك شفت الشغل فيهو وجيت طالعه لقيتو واقف ركبت ومشينا السوق هو زاتو كان داير حاجات لي ناس البيت اشترينا سوا ومشينا اشترينا الملايات ووقف معاي لحدي ما وديتهم لي الترزي خيطهم لي شلتهم ومشينا ركبنا ومشينا البيت...
خالتو سعاد ام احمد شافتنا لمن جينا بالعربيه بس مسكت فينا شغال لينا متين ح تعملوا خطوه جديه كدا نشوفكم عرسان انا وانتصار قبال نموت..
انتصار دي امي وهم متفقين انو انا واحمد نتزوج وفعلا نحن مقتنعين بالفكره دي و احمد قال بعد العيد إن شاء الله ح يفتح الموضوع مع امو وابوهو ويجو يتقدموا لي❤️🙈
مشيت البيت خجلانه من كلام خالتو شديد دخلت امي قالت لي مشيتي السوق قلت ليها اي حتى انتبهتى اني ما شايله الاكياس رجعت لقيت احمد جاء شايلهم قلت ليهو تصدق نسيتهم قال لي ما مشكله تنسيهم انتي واجيبهم انا... لكن ما قلت لي رأيك شنو في كلام امي قبيل... قلت ليهو والله يا احمد احسن تقفل قال لي حلوه لمن تخجلي وما اداني فرصه ارد مشى طوالي كنت عايزه اردح ليهو😅
المهم بدينا ترتيبات النضافه وشغل البيت لحدي قريب آزان الصبح حتى انهينا ندى اختي اخر حاجه ركبت الستائر وانتهينا يلا في الفرصه دي اعرفكم على نفسي انا نسمه عبد الواحد وياهو اختي ندى ابونا متوفي ليهو سنتين وياهو امي انتصار بديت مشروع الكوفير والبوتيك دا قبل خمسه سنه وبتزكر ابوي الله يرحمو كان معترض على الموضوع دا لكن مرت علينا ظروف ما وقف معانا الاقروش البوتيك والكوفير وياهو بقينا عايشين منو ابوي قبل يتوفى كان عندو كلى بغسل ربنا يشفى جميع المرضى عارفين المرض دا ما منو علاج الا يبدلو ليهو الكليه والله عملنا كل البنقدر عليهو حتى حاولنا نتبرع لي ابوي طلع ما فينا وحد مطابقه اقرب حاجه كان عمي وسبحان الله عمي كان عندو سكري يعني مافي اي طريقه.. ياهو بقى يغسل 😔 لكن ابوي من دخل المستشفى حالتو ماشه في تدهور لحدي ما ربنا اخد امانتو... ومن يومها احمد ود خالتو سعاد ياهو ولد جيرانا بقى والله ما مقصر مننا اي حاجه محتاجنها بجيبها لينا ما محوجنا لي حاجه وهو من حيات ابوي جاء اتقدم لي كتير لكن انا كنت برفض لكن بعد ابوي اتوفى وشفت وقفتوا معانا وافقت عليهو حسيت بيهو السند الحقيقي وياهو خطوبتنا بعد العيد إن شاء الله