جاتني وجن تبكي قالت لي يا نسمه الحقيني قلت ليها مالك يابت في شنو؟احكي قالت لي مؤيد يانسمه 😭💔 قلت ليها مالو مؤيد؟!
قالت لي طلع بخوني ! قلت ليها كيف كيف؟
قالت لي عديل كدا يا نسمه 😭😭 بالرغم من الحب الحبيتو ليهو طلع بخوني..
قلت ليها اهدي واحكي لي واحده واحده قالت لي مشيت عشان اقابلوا واعمل ليهو مفاجأه في الورشه حقتوا تخيلي بس لقيتوا واقف مع بت وبقول ليها انا بحبك وإنتي احسن حاجه حصلت لي في حياتي😭😭 مشيت واجهتوا طوالي إتصدم لمن شافني وبقى يقول لي اسمعيني ياوجن وخليني ابرر ليك بس انا ما اديتوا فرصه كسر قلبي يا نسمه 😭😭
قلت ليها اهدي اهدي قالت لي فسخت الخطبه !
قلت ليها نعم؟ ليه؟ قالت لي ما قدرت اتحمل فكرت انو بحب بت تانيه😭😭 قلت ليها لكن إنتي إتسرعتي على الاقل كان تسمعي تبريرو! قالت لي ما عندوا تبرير نسمه انا شفتو بي عيني وسمعتو بي اضاني يانسمه وهو بقول ليها بحبك تاني تبرير شنو!😭😭 قلت ليها إنتي اهدي واكيد في حل لكن لازم تمشي وتسمعي تبريرو واذا ما منطقي بعد داك تحكمي على العلاقه لازم يكون عندك شوية ثقه وخليك قويه ياوجن إنتي الف من يتمناك حلوه وزوقك عالي بت بي الف بت والله ❤️
قالت لي كتر خيرك بس انا ما ح امشي ليهو تاني نهائي قلت ليها لأ ح تمشي وانا ح امشي معاك!! البت بقت تعاين لي وانا زاتي حسيت نفسي إندفعت زياده عن اللزوم بس والله إنسان عندو زي وجن دي ويعاين لي غيرا إلا مجنون قلت ليها إتصلي ليهو وقولي ليهو نتلاقى بكره عايزه اسمع تبريرك سمعت كلامي وإتصلت ليهو في البدايه قعد يعتزر وقال ليها إنتي ظالماني وكلام كتير قالت ليهو نتلاقى بكره ح اديك فرصه تدافع عن نفسك مع إنو الموضوع ظاهر قال ليها كويس وإتفقوا على المكان قفلت منو وإتكلمت معاي حبه ومشت بس من خلال كلام خطيبا معاها إتأكدت إنو عندو تبرير قوي بس هي براها إتسرعت
المهم الصباح لمن جا وجن جاتني من بدري وقالت لي اجهزي عشان نمشي لبست وكلمت امي إني طالعه مع وجن،،، ومشيت معاها كان عازمها في مطعم قلت ليها ادخلي وإتريسي يا وجن اسمعي لحدي النهايه... قالت لي إنتي ما داخله معاي؟! قلت ليها وادخل معاك ليه إنتي متخلفه دي مشكله شخصيه انا دخلي شنو ؟ قالت لي مابعرب بس إذا ما دخلتي معاي انا م ح ادخل نهائي واساسا بعد الموقف الحصل ما قادره اتجاوز وحاسه نفسي لو مشيت ليهو براي وكان تبريروا ما منطقي ممكن ارتكب فيهو جريمه قلت ليها طيب ادخلي ادخلي
دخلنا لقيناهو قاعد الصراحه كدا شاب عمرو بالتقريب كم وعشرين لكن عليهو حلاوه تقول شارد من فيلم هندي😅 اول ما شاف وجن وقف على حيلوا وجا علينا قال لينا إتفضلوا مشى جاب لينا مويه وقال لينا عايزين تطلبوا شنو وجن قالت ليهو مؤيد ادخل في الموضوع لو سمحت عشان انا ما عندي زمن قعد وقال ليها والله يا وجن إنتي فاهمه الموضوع غلط..
قالت ليهو فهمني طيب!!
فجأه سمعنا صوت بت قالت ليها انا بفهمك كلنا إتلفتنا لقيناها....