جهزنا خبيز العيد في القدامات ورحيت البخوور صباحيت العيد يا الله تفتح النفس وكمان صوت الله اكبر الله اكبر لا إله الا الله الله اكبر ولله الحمد الله
حقيقه كدا احلى يوم طلعنا لبساتنا الجديده استحمينا وطلعنا انا وندى مشنا صلاة العيد صلينا وطبعا عاده عندنا نشتري طلق من العيد😅 المهم اشترينا وما خلينا اندومي وشبسي وكمان بارد حايم ما اشترينا منو والشكلاتات بالاشكال ورجعنا البيت لقينا خالتو سعاد ومعاها خالتو خديجه الحووب قاعدين معانا قعدنا اتونسنا معاهم ندى مشت عملت لينا قهوه بتظبط ليها سماحة قهوه بعد شربنا القهوه ندى قالت لي ارح ناس ابتهال قلت ليها ارح استأزن منهم وطلعنا مشينا ناس ابتهال لاقتنا امها طالعه وعاد الدهب يعمل كدا👋 حاجه في منتهى الووبعلي😅 المهم سلمنا عليها قالت لينا هسي انا وابتهال جايين عليكم لكن ما مشكله انتوا ادخلوا ليها وانا النمشي اسلم على انتصار..
دخلنا لي ابتهال وعاد يا يمه اللبسه ترقش براها بتجيب لبساتها من شي إن تلبس حاجات خرافيه سلمت علينا وجابت لينا القدامه المهم فتحت لينا موضوعاتها طبعا عندها موضوعات ما بتنتهي وندى تعجبكم تسمع لي قصصها دي والله زي الكأنها بتحكي في روايات عظيمه كلو دا عشان مكسره في اخوها 😅 المهم خليتهم يتونسوا ونسه من الشرق ووحده من الغرب فتحت تلفوني لقيت احمد مرسل لي كل سنه وانتي حلالي ❤️
ومرسل لي صوره طبعا ما ظاهره معاي لانو ما منشطه قلت ليهو وانت طيب يارب بس الصوره ما فتحت معاي كان داخل طوالي رسل لي وشوش اضحكني بعد شويه سمعت صوت رساله فتحتها لقيتو مرسل لي عشرين الف رصيد لمن قلعت عيوني قدر الفنجان قلت معقوله هو مرسل لي القروش دي ولا الكلام دا جاي بالغلط رسل لي قال لي اعملي خدمه رسلت ليك قروش بسيطه في التلفون بقيت اعاين للرساله مرتين بسيطه دي حبوبتي المهم حاولت ارفض قام زعل مني وقال لي اعتبريها هديه ياخ .. المهم اعتبرتها هديه نشطه فتحت الصوره لقيتو مرسل لي صوره فيها اسمي ومكتوب تحتها كل سنه وإنتي طيبه ياخ فرحت فرح طوالي رفعتها حاله وكتبت فيها احلى كل سنه وانتي طيبه من القلب
شافها وعمل لي فيها قلب رسلت ليهو شكرتوا وبقينا نتونس قال لي عندي ليك مفاجأه لكن لمن تصلي البيت قلت ليهو تمام قفلت الشبكه واتونست مع البنات شويه وقمنا طلعنا طُفنا على الحله كلها باركنا ليهم العيد ورجعنا البيت قريب ازان الضهر طبعا ما شاء الله بيتنا دا نهائي ما بقيف من الناس ناس طالعه وناس داخله استحميت وطلعت ماشه على الكوفير لاقاني احمد قال لي من قبيل منتظرك اديك المفاجأه قلت ليهو حمستني
قال لي ماشه وين قلت ليهو ماشه الكوفير من امبارح بالليل ما مشيت قال لي خلاص لمن تجي بديك ليها قلت ليهو تمام مشيت الكوفير لقيت البنات شغالات شغل عجيب ما شاء الله معتمده عليهم في الشغل كلو
ما خزلوني بديت اشتغل معاهم رسمت لي لي كم مره يديهم ورجليهم لمن خلصت كان عندنا عروس عرسها خامسة العيد يلا دي كل يوم تجينا حابسنها عديل معانا عندنا زي جزو كدا مفصول حق عروسات بس المهم عملنا ليها جلسات عنايه كان معاها كم عروس عرسهم في العيد المهم شغالين كدا جانا تلفون وحده كانت ساكنه بعيد دايره بنات يرسموا ليها ويكوا ليها شعرها المهم عنايه كامله في كم بت كانوا فاضيين اديتهم العنوان شالوا الحاجات ومشوا ليها معاهم تهجد نائبتي طبعا والله البت دي ما عارفه اشكرها كيف ياخ ساعدتني كتير خلاص بعد خلصنا شغل الكوفير لحدي الساعه سبعه مساء حتى قفلنا مشيت البوتيك اتفقدتو كان شغاله فيهو بت من طرف تهجد اسمها وئام برضو وئام دي ما قصرت معاي وقفت معاي في الشده بعد خلصت تهجد قالت لي ارح ناكل اقاشي قلت ليها ارح طبعا تهجد مجنونة اقاشي😅 تحبو حب المهم مشينا اكلنا وشلت لي اتنين واحد لي ندى وواحد لي امي ...