سمر .... 🦋 صحيت الصباح بدري وما قادرة افتح عيوني كويس من كثرة البكاء بطني واجعاني شديد علي الجوع الكان عليها ماخدة ضربتين فوق بعض.. راسى واجعني شديد شعري منكوش كاني ساحرة في فيلم رعب اوبلاصح زومبي..
كان في جنبي صحن فيه اكل وفي عيشتين ناشفات وكوبايه كبيرة مليانه مويه الاكل شكلو معفن لانو شكلوا من امس الصراحه ما كنت جيعانه خاصه بعد ما شفت الاكل... عاينت للمويه عطشانه شديد.. لالا... احسن اتوضا بيها واصلي.. بس اصلي كيف بمنظري دا حاولت اقوم وقدرت.. مشيت باتجاه اكياس كبيرة حسب ما بذكر كان فيها ملابس قديمه فتحتها وفعلا كانت ملابس قديمه ومشرطه طلعت لي عباية طويله كدا وبعدهت فتشت لي طرحه او طرحتين واحدة البسها والتانيه افرشها بس م لقيت غير واحد شلت لي بلوزة قديمه كدا اغطي بيها راسي طلعت البجامه ولبست العبايه كان جسمي كله كدمات زرق وخضر وجروح طفيفه طفيفه بعدها شلت كوبايه المويه واتوضأت بيها فرشت الطرحه وبديت اصلي من الظهر الامس الفاتني لحدي صبح الليله ومخيرين ذنبي ف رقبتهم....
.....
واقفه ف المطبخ بتحاول تعمل اكل فطور اي حاجه وهي بالها شاارد تتذكر المنظر الشافته امس لما دخلت الاكل لي بتها والله لو لا الحق كانت اقسمت بانها م بنتها من حالتها المزريه والمخيفة... كانت نايمه بعمق كيف قادرة تنوم يا الله
والله اخاف لو لمستها بطرف يدي جسمها كلوو يوجها...
فجاءة عبست ملامحها لما اتذكرت انها هي براها الوصلت نفسها لي هنا بي العملتوو.. حطت الاكل جنبها وطلعت طوالي...
رجعت تتذكر لما عبد الرحمن وراها الفيديو وهي بعدو م قدرت تقوم وانصدمت شديد معقولة بتي انا الربيتها تعمل كدا بعد م كنت بقول ليهم م تعملوا ليها حاجه لاكين بعد الشفتو. بقيت اقول ليهم اذبحوها واشربوا دمها ولا هماني ... بس رجع قلبي تاني يحن عليها وهااا انا مشغول تفكيري فيهاا دايما كانت بتحاول تكون نفسها بس موو بالطريقة دي لي رخصتي نفسك يا سمر وانا بعرفك عندك عزة نفس عاليه لي يا بتي ما معنى انو اهلك وثقوا فيك. ودخلوك اكبر جامعه تعملي كدا حفرتي قبرك بي يدك وانتي عارفه ابوك واخوانك البتعمل كدا بس الذبح غير كدا م بعرف ليهم حاجه يعملوها لحدي الان ضربوها بس شكلهم لسا بيتاكدوا .... وبدات وتبكي وتبكي...
سمر .... 🦋
وها هي الساعة الان 9 صباحا وانا عصافير بطني تزقزق وعاينت للعيش الناشف شكلى ح اضطر اكلوا قربت منه لقيت فيه نمل.. يووعع بطني قلبت م قادرة اكل.
رجعت تاني راجعة طبعا ستفت رقبتي من البرد عملت فراش لنفسي بي الملابس القديمه....
تقدمت باتجاه الباب وبديت انادي... يمه يمه احمد... ي احمد
ماف زول رد طبعا كل ساعتين بعمل كدا عسى وان يسمعني زول...اتذكرت اختي... سحر وين انتي يا اختي تعالي شوفي حالة اختك تعالي يا سحر ... بس سحر ح تعرفني كيف وهي ف بيتها ومع زوجهاا يارريتني لو اتزوجت زي اختى وارتحت من العذاب دا كلوو...
فجاءة وبدون سابق انذار دخل عبد الرحمن وف ايده سوط
حاولت اقوم واكلمه وفعلا قدرت ولما عاينت ف وجهه لقيته يناظرني والله لو كانت النظرات تقتل لكنت انا الفظ انفاسي الاخيرة
سمر: عب.. د عبدد.. الررحمنن. .. م مااا.... انا...اسمـ..
عبد الرحمن: قالوا البلعب بالنار بحترق وانتي لعبتي بشرفناا واستعدى للعذاب يا عديمة الشرف
شرف المسالة مسالة شرف ... بس علاقتي شنو...
تكلمت وكل جزء من فمي يؤلمني سمر : ناا م عملتت حاجه
رفع عبد الرحمن السوك ونزل على ظهري كانه نار...
عبد الرحمن: ما عملتي حاجه وبتنكري كمان جيتي راجعه لحدي المغررب وقولتي كنتي مع صحبتك ف بيتها لانها عيانه اتاريك تلعبي ع الحبلين...
ونزل على يضرب ويضررب ويضرب....
بعدها طلع وهو يلهث...
خلاص انا تكسرت ما ح اقدر امشي تاني... حاولت اجمع وافهم في شرف ا وفي تاخير وفي تربيه شوارع وفي عرض وفي ثقة انهزت وفي رخص ....
الحاجات دي كلها بدل على حاجه واحدة.... لالا مستحيل يكونوا مفتكرين فيني كدااا😰😱 لالا والله مستحيل انا اعمل كدا😨 لي لي يعني والله اني اخاااف ربي قبل اخاف منهم وربي شرفي وعزتي وكرامتي فوق كل شئ ليشنو بقوولوا عني كدا 😓والله ما عملت حاجه والله😩... في البداية ما قدرت افهمهم هم قاصدين شنو لانو الحاجات دي انا اصلا م قاعدة افكر فيها مجرد تفكير لي ياربي بيحصل معااي كدا..😢😫.
احمد قال شاف الدليل بس اكيد هم فاهمين غلط انا م بقدر اعمل كدا....
ياربي تنصرني على الظالمين اكيد ح يقتلوني... بس ما مهم المهم يصدقوني.. 😞😞
امي.. امي وين وين انتي يا يمه 😞نسيتي بتك نسيتي كيف ربيتيها 😟كيف قدرتي تشككي ف اخلاقي وانتي عارفاني اكتر من نفسي انتي مصدقاهم لانك لو م مصداقاهم كنتي جيتيني بس انتي معاهم... كلكم ظلموتني شديد بس ربنا معااي وبكت بكاء لم تبكيه من قبل وحاسه قلبها موجعها شديد وروحها متشحتفه☹️💔...
يتبع