رواية اختي اتجوزت خطيبي بامر من بابا الفصل الثاني2 الاخير بقلم هويدا زغلول
اختي اتجوزت خطيبي ب أمر بابا
الحلقه الاخيره
بقلم هويدا زغلول
شروق لما شافت شريف عملت نفسها متفاجأة وقالت
شروق
ايه ده شريف انت هنا معلش ماخدتش بالي انك هنا عامل ايه قالها وهو بيبص على جسمها
شريف
انا كويس ياشروق انتي عاملة ايه
وفي الوقت انا دخلت عليهم وقولت لها
رقيه
ماما عايزاكي ياشروق ياريت تروحي تشوفيها عايزاكي ليه
شروق
وماما هتكون عايزاني في ايه مش انتي
المفروض كنتي بتعملي شغل المطبخ
ولا اي يعني طيب لما اروح اشوفها بعد اذنك يا شريف ومشيت وسابتنا وهو قالي
شريف
انتي احرجتيها ليه يا رقية بس كده انا حاسس انك كسفتيها قدامي
رقيه
على فكرة بقا شروق ولا يفرق معاها عشان تبقى عارف هي كده متاخدش في بالك بس قولي انت صحيح عملت اوضتة النوم زي ماقولت لي في التليفون
شريف
اها عملتها ودي صورة ليها اهيه شوفي كده رايك فيها ايه
رقية
الله دي شكلها حلو اوي وزوقها كمان لحظه انادي لماما عشان تشوفها وتقول رايها ايه فيها
شريف
وماما تقول رايها ليه يا رقيه علي فكره دي حاجاتنا احنا ومامتك ملهاش دعوة وليها انها تقول رايها وبعدين مش هي دي اللي انتي
عايزها وقولتي ليها
رقيه
ازاى بقا ياشريف يعني دلوقتي لو هي معجبتش ماما انا هوافق بيها لا طبعا انا اهم حاجة عندي رأي ماما وبابا انا مش بعرف اختار اي حاجه
من غير رأيهم بصراحه
شريف
خلاص اللي تشوفيه بس انا لو حد قالي انها مش حلوه مش هغيرها لاني اختارتها على زوقي انا وانا حر في شقتي
رقيه
خلاص اللي تشوفو ياشريف
وبعد شوية دخلت شروق علينا وهي لبسه لبس خروج وقالت لنا
شروق
انا نازله يارقية هو انت قاعد شوية ياشريف ولا هتنزل دلوقتي
رقيه
وبتسالي ليه ياشروق هو في حاجة ولا ايه
شروق
لا ابدا اصلي بقول لو كان شريف هينزل دلوقتي ياخدني في سكتة اصلي خارجة مع صحباتي وقولت بدال ماتبهدل في المواصلات وكده
وعارفه انه هو معاه عربيه
وبعدين اللبس اللي انا لابسه ده مينفعش
واحده حلوه زي اوي كده تمشي بيه في
حاره شعبيه أصله مش جلابيه من اللي انتي
بتلبسيهم هههههههههههه
رقيه
لا هو شريف قاعد شوية ولا اي يا شريف
شريف
على فكرة انا نازل كمان شوية لو تستنى اخدك في طريقي
شروق
والله كلك زوق ياشريف خلاص هستناك شوية وننزل سوا وبعدها خرجت وشرسف قام
وقف وقالي
شريف
قالي انا همشي بقا يارقية عشان عندي مشوار شغل هاروح اخلصة
رقيه
بس انت مش قولت ليا اول ما جيت
ان وراك مشوار وبعدين هو احنا لحقنا
نقعد مع بعض ارجوك يا شريف
خليك معايا شويه
شريف
معلش بقي قولتك والله ورايا مشوار
وبعدها خرج
رقيه
على فكرة هو رايح مشوار شغل ومش هيبقا فاضي يوصلك ماتروحي انتي لوحدك
شريف
لا لا ابدا يا رقيه عادي لما اخد شروق في سكتي يلا بينا ياشروق اكيد مش هتعطل يعني
ونزلت وراه شروق عشان يوصلها وماما قالت لي
الام
ايه يابت انتي قلة الدم دي يعني هو عايز يوصل اختك عشان متتبهدلش تقومي انتي تحرجيها وتقولي لها أصله هو عنده مشوار بس هو كسفك انتي ياموكوسة
رقيه
الله بقا ياماما هو في ايه وبعدين ده خطيبي وبنتك عماله تتدلع قدامة بطريقة وحشة وانا واخده بالي منها وعارفه حركاتها دي كويس
الام
حركات ايه يا ام حركات بقولك ايه يابت انتي تتلمي احسن لك انتي مش اول ولا اخر واحدة تتخطب ياختي
دخلت اوضتي وفضلت اعيط على اللي بيحصل لي منهم ده بعدها فضلت شروق تكلم شريف وتخرج براحتها وفي يوم كان عندنا ولقيتة بيقولي
شريف
هي اشمعنا شروق اختك اللي واخدة راحتها في البيت ده وليها شخصية وقوية كده عنك اشمعنا انتي اللي دايما ضعيفة ومكسورة كده
رقيه
عشان شروق الصغيرة وبابا وماما شافين ان الصغيرة هي اللي تدلع والكبيرة ملهاش حق في الدلع خالص بس انا الحمد لله عارفه حدودي كويس وبعدين يعني هو انا لازم متفتحة زيها عشان أعجب
شريف
انا مقولتش كده انا بس بقول انها مختلفة عنك في حاجات كتيرة اوي انا بحس انك سلبيه جدا وملكيش شخصية في حين انها هي اللي بتعمل كل حاجة
رقيه
والله ده طبعي وانا مش هغيرة ياشريف وانت قبل كده قولت لي اني هاديه ومحترمة ايه غيرت فكرتك فيا
شريف
لا طبعا مغيرتش بس بحس شروق أقوى بكتير في شخصيتها بس مش مهم المهم انك تبقى زوجة مطيعه وهو ده اللي انا حابه فيكي
رقيه
انا عمري ما كنت متحرره زيها
ومش بعرف اخد قرارات زيها وانت
كنت موافق عليا كده اي اللي غيرك
شريف
ابدا مافيش تغير ولا حاجه بلاش تحطي
في دماغك
وعدت ايام وشروق راحت ل شريف الشغل
شريف
اي ده اي اللي جابك هنا فيه حاجه حصلت ولا اي
شروق
تعرف انا نفسي اتفرج على شقتك اوي ياشريف اصل الست رقيه كل شوية بتعايرني انها اتخطبت وهتتجوز وانا لسه
شريف
معقولة رقيه بتعمل كده ازاى انا اعرف انها هاديه
شروق
لا ياحبيبي ده قدامك بس انما هي سوسة وخبيثة اسالني انا عليها انا عارفها كويس جدا
شريف
ياساتر انتي كل مره تعرفيني حاجات اكتر عنها انا مكنتش اعرفها على العموم انا لو لقيت منها اكيد مش هكمل معاها
شروق
طيب المهم هتاخدني تفرجني على شقتكم ولا لا
شريف
امممم طيب خليها الأسبوع الجاي اكون خلصتها وحطيت التاتش الاخير فيها وكمان اهو تكون رقيه خلصت الجهاز لاننا خلاص فاضل تلات شهور على دخلتنا
شروق
تمام تعالي وصلني بقي
لاحسن انا مش عايزه اروح لوحدي
وعدت ايام وشروق راحت مع شريف الشقة وقالت
شروق
الله دي حلوه اوي الشقة دي انت زوقك روعة ياشريف دي تجنن
شريف
دي عيونك هي اللي حلوه ياشروق انتي اللي قمر اوي
وراحت شروق من جنبة كده عملت نفسها بتقع وبعدين لحقها شريف وشالها وفضلو باصين لبعض لحد لما حصل بينهم........
وبعدها بفترة شروق راحت لشريف وقالت له
شروق
هنعمل ايه ياشريف انت لازم تصلح غلطتك معايا انا مش عارفة انا عملت كده ازاى
شريف
طيب الحل ايه ياشروق وانا هتجوز اختك رقيه
وبصراحه انا بحبها وحاسس ان ندمت علي اللي عملته ده
شروق
نعم طيب وانا ياشريف لا طبعا انت لازم تتجوزني انا انا مش هعرف اعيش من غيرك انا بحبك وانت بتحبني انا
شريف
افرضي انا وانتي بنحب بعض انا منكرش انك احلى بكتير من رقيه وليكي شخصية عنها وهي اصلا انسانة سلبيه جدا بس هعمل ايه في الفرح اللي قرب ده
شروق
خلاص يبقا انا العروسة مش هي ولازم تعرف الناس ومامتك بالموضوع ده انا مش هستحمل اشوفك معاها وانا اقعد اتفرج عليكم انا اروح فيها ياشريف
شريف
بعد الشر عليكي يا حبيبتي خلاص احنا هنحطها قدام الأمر الواقع واتجوزك انتي عشان انا كمان مش عايز واحده زي رقيه
وفي البيت عندنا شروق اكتشفت انها حامل وقالت لماما وماما قالت لها
الام
يانهارك اسود انتي حامل من خطيب اختك انتي ايه اللي انتي عملتيه ده يابت معقوله تعملي كده انتي ياشروق
شروق
اللي حصل بقا ياماما ودلوقتي انا اللي المفروض اتجوز شريف مش هي
الام
طيب وهي هتقولي لها ايه بقا ان شاء الله والناس اللي المفروض عارفين انه خاطب اختك هتقولي لهم ايه
شروق
هنقول لهم انه شافني انا احلى منها وعايز يتجوزني انا مش هي وبس كده وراحت ماما قالت لبابا وقال لها
الاب
طبعا لازم يتجوز شروق ويصلح غلطتة عشان هو اللي عمل فيها كده انا مش عارف هو ازاى يعمل كده
الام
خلاص بقا اللي حصل حصل وهو اصلا قالي انه عايز شروق وقالي اشوفك الأول انت هتعمل ايه عشان يتجوزها
الاب
هعمل ايه يعني ياسهير هنضطر اننا نوافق طبعا هو مش خلاص الفاس وقعت في الرأس يبقا يتجوزها
وانا روحت جبت الفستان بتاع كتب الكتاب وبقيسة وبقول لماما وشروق
رقيه
شوفتو الفستان بتاع كتب الكتاب ده ايه رايكم يجنن ياماما مش كده برضو قوليلي رايك
بجد انا فرحانه اوي وحاسه ان مافيش واحده اسعد مني لقيتها ساكتة وشروق ردت وقالت
شروق
على فكرة يا رقيه ملوش لازمة الفستان ده وانك تلبسية لان شريف هيتجوزني انا
انا اتصدمت من كلامها وقولت لها
رقيه
انتي بتقولي ايه يعني شريف هيتجوزك انتي مش انا يعني ايه الكلام ده ردي عليا
شروق
قوليلي لها انتي ياماما يعني ايه الكلام ده وعرفيها انا اقصد ايه عشان هي تفهم
الام
اسمعي يا رقيه ااا شريف خلاص مبقاش ليكي وبابا قال انه لازم يتجوز اختك عشان اااا....
رقيه
عشان ايه ياماما كملي عشان ايه تكسروا قلبي وتجوزو بنتكم الدلوعة لخطيبي عشان ايه تقتلوني بالطريقة دي عشان ايه فهميني
الام
عشان اختك حامل منه يارقيه
في الوقت ده عليت صوتي جامد وفضلت اسرخ واقولها
رقيه
انتي كذابه انتو كلكم كدابين شريف عمره مايعلم كده انا عارفه حرام عليكم انتو عايزين تفرقوا بيني وبينه وخلاص انا عارفاكم
شروق
وليه ياحبيبتي مش ممكن يعمل كده اذا كان هو اللي حبني انا ودخل هنا عشاني وهو اللي عمل كده فيا وهيتجوزني انا
فضلت الطم على وشي واصوت واكسر في الحاجة حواليا وبابا قال
الاب
اخرسي يابت انتي اخرسي انتي عايزة تعملي لنا فضايح ولا ايه اياكي اسمع صوتك ده خالص وانا قولت كلمة هو هيتجوز اختك يعني هيتجوزها وخلصنا خلاص
رقيه
يعني انت كل اللي فارق معاك انه يتجوزها ومش فارق معاك اللي حصل بينهم وان بنتك حامل منه وان اللي حصل ده بسبب دلعك ليها مش فارق معاك اي حاجة ياخسارة يابابا ياخسارة
الاب
انا قولت مش عايز اسمع صوتك ده خالص انتي سامعة ولا لا وإياكي تتكلمي في الموضوع ده مع حد ويوم الجمعه كتب كتاب اختك على شريف وخلصنا
وبعدها بفترة فضلت قافله علي
نفسي وماما دخلت ليا وقالت
الام
انتي هتفصلي حابسه نفسك كده في الاوضة
رقيه
اومال انتي عايزاني اعمل ايه يعني ارجوكي سبيني في حالي الله يخليكي
الام
خلاص انتي حره اعملي اللي انتي عايزاة انا بس عايزة اعرفك ان فرح اختك على شريف الاسبوع الجاي ولازم تبقى تحضري
رقيه
انا عايزه اعرف انتو بتعملو فيا كده ليه هو انا مش بنتكم صارحيني ياماما انا مش بنتكم قوليلي
الام
انتي اتجننتي يابت ايه الكلام اللي انتي بتقوليه ده انا مش هتكلم معاكي تاني انتي حره خليكي حابسه نفسك كده علطول
قالت كلامها وسبتني وخرجت بره الاوضة ويوم الفرح كلهم راحو وانا فضلت قاعده في اوضتي مش بخرج
وراحت شروق على بيت شريف وهناك حصلت الدخله بينهم وبعد يومين امه قالت له
الام
هي المحروسه مراتك مش هتنزل تعملي حاجة في الشقة ولا ايه جرا ايه ياشريف انت مش قادر تحكمها
شريف
مش قادر احكم مين انتي عارفه ان ابنك راجل يا أمي أنا هخليها تنزل لك وتعمل كل اللي تقولي لها عليه وطلع شريف وقال لشروق
شريف
انتي جايه هنا وفاكرة نفسك هانم يابت ولا ايه انتي تنزلي لأمي تعملي لها كل حاجة في البيت انتي هنا عشان امي
شروق
والله اللي اعرفه اني انا متجوزاك انت مش متجوزة امك يعني مش نازلة لحد ولا هعمل حاجة لحد وامك دي تجيب لها واحده خدامة
شريف
لاااا انتي فاكرة اني هجيب واحده تخدم امي وانتي موجودة ولا ايه انا اصلا كنت بتجوز عشان خاطر امي دي عشان اللي هتبقا مراتي تحت طوع امي قبل مني ففكري كده براحة عشان متخربيش على نفسك
شروق
تصدق انت مكنش ليك واحده زي وكان ليك رقيه هي اللي تنفع معاكم خدامة انما انا لا ياحبيبي انا دلوقتي عرفت انك انت وهي كنتو هتبقو لاقين على بعض اكتر
شريف
طيب تصدقي أن رقيه دي احسن منك وأشرف منك وانسانة محترمة
شروق
احترم نفسك يا شريف ايه الكلام اللي انت بتقولو ده
شريف
احترم نفسي ليه يابت انتي نسيتي انك انتي اللي جريتي ورايا وجيتي لي هنا في شقتي وخلتيني اعمل معاكي كل حاجة برضاكي وبادارتك لحد لما بقيتي حامل
شروق
انا عملت كده عشان بحبك يا شريف
شريف
انتي مش بتعرفي تحبي ياشروق انتي بتحبي نفسك وبس وعملتي كده عشان استخرتي في اختك انها تتجوز وتفرح كنتي بتغيري منها والنار كانت بتاكلك
شروق
انا اغير من رقيه دي ليه دي حتى كانت معفنه ولا تسوي ابدا وهي لو مكنتش كده مكنتش انت جريتي ورايا وعملت معايا حاجة
شريف
اسمعي ياشروق ماهو ياما تبقى ست بيت ومحترمة وتسمعي الكلام ياما ابعتك لابوكي وعرف الناس انك واحده شمال وانتي اللي جريتي ورايا
وبعدها نزلت شروق لحماتها وقالت ليها
الحما
ايوه كده اسمع الكلام عشان تبقى ست بيت شاطرة بدال ما انتي واحدة عره غلطة مع ابني وجات عشان تتجوزه
شروق
بقولك ايه ياحماتي انا مش عايزاكي تقولي الكلام ده ياريت تسكتي وتبطلي كلامك ده انا مش ناقصه
الحما
مش ناقصة ايه يابت انتي بتردي عليا كلمة بكلمة ولا ايه ماتتلمي وتشتغلي وانتي ساكتة بدال ما اقوم المك ياختي
وفي يوم شروق جت عندنا وكانت عايزه تطلق
وماما قالت ليها
الام
انا مش عارفه اقولك ايه بس بس ارجع واقول انتي السبب انتي روحتي وراه وخلتية ساب اختك واتجوزك هاتقول ايه غير استحملي اللي يحصل لك
شروق
بقا انا شروق اللي كنت مدلعه وبنام وبصحي براحتي يتعمل فيا كده اتمرمط على اخر الزمن ياماما وكله بسبب البت دي اكيد عملت لي عمل صح الا هي فين
الام
رقيه بقت بتشتغل ودلوقتي بقت مشغوله في شغلها وبعدين انتي عارفه اختك كويس ازاى بتقولي انها عملت لك عمل
شروق
دي بت خبيثة ولئيمة وبتعمل الشويتين بتوع المسكنة دول علينا ومن زمان وهي كده
الام
اسكتي بقا ياشروق اختك اصلا غلبانة واحنا جينا عليها كتير بس انتي لازم تاخدي موعظة من اللي حصل لك ده اتجوزتي جوازة زي دي عشان تعرفي ان الله حق
شروق
بقا كده ياماما بقا بتدافعي عنها طيب ماشي انا همشي ارجع بيتي عند جوزي ومش عايزة منكم حاجة وسبتها ومشيت
الام
ربنا يهديكي يابنتي ويصلح حالك ياشروق
ورجعت شروق البيت وكان شريف مستنيها ولما شافها قال لها
شريف
انتي كنتي فين لحد دلوقتي
شروق
انا كنت عند ماما هو انا مش قايلالك اني رايحة عند ماما ولا انت نسيت
شريف
ااه قولتي انك رايحة عند امك وانا قولت لك متتاخريش انتي بقا كنتي لفي فين وكنتي مع مين لحد دلوقتي
شروق
انا مكنتش مع حد ورجعت من بيتنا على هنا علطول هكون مع مين يعني
شريف
ليه يابت انتي هتعمليهم عليا انا عارف من زمان انك صايعه وملكيش حد يحكمك حتى ابوكي مكنش عارف يحكمك وكنتي دايرة على حل شعرك انا اتجوزت يابت غصب اصلا
شروق
انت ايه اللي انت بتقوله انت عارف انت بتقول ايه انا مش مصدقه اللي بسمعة انت كنت بتضحك عليا
شريف
انتي اللي ضحكتي عليا وكنتي بتكرهيني في اختك عشان انتي أنانية وكنتي بتغيري منها اصلا ومكنتيش بتحبي لها الخير
شروق
انت حيوان ياشريف
شريف
انا حيوان يابنت الكلب ياواطيه طيب والله ما انا سايبك
ونزل فيها ضرب ضرب لحد لما شروق نزفت و ودوها المستشفى وماما وبابا راحو لها
وبعدها شريف طلقها ورجعت البيت تاني بعد الحمل ما نزل وبعدها ماما دخلت الاوضه وقالت ليا
ماما
انا عايزاكي تسامحي اختك يا رقيه وكفايه اوي اللي حصلها وإياكي تلومي عليها
رقيه
انا لا هلوم ولا هتكلم انا بس عايزة ابقي لوحدي انا هشتغل وهعمل كيان لنفسي انا وبس
وبعدها فعلا بقيت اروح الشغل
وفي يوم جه المدير بتاعي وقالي
حسام
هو انتي اي با بنتي علي طول ساكته
كده بقالك كده شغاله معانا
وانتي علي طول في حالك
رقيه
اتكلم اقول اي
حسام
بصراحه كده انا معجب بيكي وعايز
اجي اتقدم ل بابكي انا شايفك بنت
ناس ومش هتلاقي زيك
وفعلا بعدها جه. اتقدم وبابا وافق
واتجوزت حسام كان اطيب قلب في الدنيا
وشروق مكنتش بتخرج من البيت خالص
وبابا قفل عليها بسبب اللي عملته
تمت بحمد الله