رواية وليد وسلمي الفصل التاسع9 بقلم مروة الصافي
سلمى مسكينة تصبح باكية وتنوم باكية وعبد الكريم بعاملها اسوأ معاملة قالت تتأقلم على زوجها وحياتها بس ماقادرة ترجع لي اهلها تمشي بيتهم ابوها يرجعا غصبا عنها تمشي البيت راجلا شتايم وضرب ولمن يهدا يجي يقعد جمبها ويبكي ويطلب منها
تسامحو
سلمى اتوكلت على ربنا وخلت امورها لله والفيه الخير ليها ربنا يسهلو وطوالي صلاة وقران وبتصوم كل اتنين وخميس من كانت في الجامعة هي بتصوم الاتنين والخميس ودا اكتر شي كان عاجب وليد فيها ...
وليد طوالي بكون حاسي بانو مقبوض وقلبو مامرتاح بس بدعي ربنا يكون خير
الصبح جا وليد مشى صلى وجا عشان كعادتو يشرب الشاي ويشاغل الفي البيت يصحي اختو واخوهو قومو المدرسة
حجة فاطمة: ي وليد الليلة السبت مدرسة شنو
وليد: ياالله والله ي حجة من انتهيت من الجامعة بقيت مامركز في التاريخ
حجة فاطمة: اها التخريج متين ي ولدي
وليد: سامعهم قالو الاسبوع الجاي لكن ي حجة دي مصاريف في الفاضي وخساير ماف داعي ليها انا بمشي اطلع شهادتي والقروش بتاعة التخريج دي نجيب بيها خروف نوزعو كرامة بس
حجة فاطمة: اريتك ود السرور ي ولدي والله انا محظوظة انك ولدي
وليد: الله يخليك لينا ي حجة ...
مصطفى اتصل على مديحة : دودو صباح الخير
مديحة : صباح الورد
مصطفى: اصبحتي كيف حبيبتي
مديحة : اممممم الحمد لله
مصطفى: حنمر عليك انا وهبة زي 10 كدا عازمكم فطور ونمشي نشتري ليك حاجات الشبكة
مديحة: طيب حاوري امي ومحمد وارجع ليك يلا سلام
مديحة: ي امي مصطفي قال حيجوني هو وهبة عشان نمشي نشتري حاجات الشبكة اها رايك شنو
رقية: ومالو ي بتي كويس عشان انتي الاسبوع كلو شغالة جامعة وانا حاكلم اهلك ونخلي الشبكة الجمعة طوالي ماعايزين تأخير
مديحة. : طيب
اتصلت على مصطفى: خلاص ي مصطفى حاستناكم
مصطفى: طيب 😍
مديحة : خلاص عندي نضافة اخلصها واجهز يلا سلام
مديحة نضفت واتجهزت للطلعة. الباب دق مصطفى وهبة جو . رقية: ي ولدي ادخلو اشربو ليكم عصير
مصطفي: والله ي امي اتأخرنا بس لكن عشان خاطرك حندخل
رقية عملت ليهم عصير وفي اللحظة دي مديحة جات طالعة
مصطفى: ماشاء الله تبارك الله في سرو طبعا هههههههه. يلا ي جماعة
طلعو ورقية قالت ليهم: ماتتأخرو
مصطفى ومديحة : حااااضر
وضحكو
هبة:مديحة اركبي قدام
مديحة : يابت واحد كلنا بنصل في نفس الزمن
مصطفى:ممكن تركبي قدام😊
مديحة: طيب ☺️
مصطفى بقى يتونس مع مديحة طول الطريق هم بتونسو
هبة:احم نحن هنا شنو مطنشني كدا
مصطفى:بت اسكتي 😡
مديحة:معقول انتي الخير والبركة..
وصلو المطعم اول فطرو وقعدو اتونسو مسافة ومن هناك مشو على محل الدهب اشترى ليها احلى شبكة ودبلة ومحبس ومشو السوق اشترو ملابس وكريمات وجو راجعين البيت
مديحة: اها ي امي الحاجات رايك فيها شنو
رقية: ماشاء الله تستاهليها والله
مصطفى: والله مديحة تستاهل احسن من كدا
يلا ي خالتي نحن نمشي
رقية : ي ولدي انا قلت الشبكة نعملا الجمعة رايك شنو
مصطفى: امي زاتها قالت كدا بس قالت ماعارفة ظرفكم شنو
رقية : خلاص اصلا انا كلمت اعمامها واخواني وعرفو انها اتقدمو ليها اسه حاضرب ليهم اوريهم الشبكة يوم الجمعة
مصطفى: ان شاء الله يلا ي جماعة نحن نستأذن
مديحة: خلاص بعد تصل طمني
مصطفى: حااااااضر حبيبتي (همس ليها)
مديحة وشها حمر من الخجل
مصطفى:نفسي اسمع منك ...
سلمى : عبدالكريم انا حاسة بي لفة راس كدا وطمام شديد
عبدالكريم: خلاص انا حالبس ونمشي الدكتور نتطمن عليك
مشو الدكتور
الدكتور: مبروك ياحاج بتك حامل (سلمى كتمت الضحكة)
عبدالكريم اتضايق شديد : ي دكتور دي زوجتي مابتي
الدكتور : اسف افتكرتها بتك
عبدالكريم : يلا ي سلمى
وصلو البيت سلمى حست انو متضايق ومامبسوط بي انو حيبقى اب
سلمى: عبدالكريم مالك
عبدالكريم: الطفل دا لازم ينزل انا ماعايز اولاد فاهمة
سلمى: دا كلام شنو وكيف عايزني انزلو انت ماعارف كدا حرام
عبدالكريم ماعارف بس تنزليه
سلمى: مابنزلو واعمل العايز تعملو
عبدالكريم: عايزاني اطلقك عشان تعرسي حبيبك صح عمري ماحاطلقك ولا تتعبي روحك وانا بقتلك لكن مابطلقك فاهمة ...