رواية وليد وسلمي الفصل السادس6 بقلم مروة الصافي
عبدالكريم صحى سلمي عشان يمشو يستلمو الجواز
سلمى: انا ماماشة معاك اي مكان خلينا في البلد دي امشي جيب الجواز براك ومامسافرة اي مكان
عبدالكريم: دا كلام شنو انا قررت نمشي ماليزيا
سلمى: ماماشة قلت ليك لاماليزيا لا غيرها
عبدالكريم : سلمى انا من اول يوم صابر عليك وانتي بتتمردي احسن تمشي معاي عديل انا موضوع السفر دا حانساه اصلا عاملو عشانك وتاني ماتمتحني صبري لانو ماحيحصل خير
سلمى تسكت وماترد .....
وليد مشى الجامعة وطبعا دا اخر يوم في الجامعة لانو حيتخرجو خلاص
وليد لاقى مديحة
وليد: مديحة صباح الخير
مديحة: صباح النور . طبعا ي وليد استخرت كتير واستشرت امي ومحمد اخوي قالو ماف مشكلة بس عندهم شرط يجي يتقدم حاليا واصلا فضل لي اخر سنة اتخرج العرس يكون بعد التخريج وانا شرطي مايمنعني من الشغل بعدين ان شاء الله
وليد: مصطفى دا متحضر و متفهم وماحيمنعك من الشغل خصوصا مجال الطب دا
مديحة: خلاص انا عايزة الاقيه لكن بشرط تكون انت معانا
وليد: حااااضر انا اصلا ماوراي غيركم
مديحة: انا ما اختك
وليد: واكتر من اختي والله. خلاص اسه حاتصل على مصطفى واشوفو فاضي متين
وليد اتصل على مصطفى بعد سلم عليه
وليد: ي مصطفى طبعا مديحة ردت لي اسه
معليش ياخ كان نفسي ابارك ليك بس تقول شنو
مصطفى: اصلا انا عارف حظي 😔 الحمد لله وانت ماقصرت
وليد: ي ابو الشباب في طريقة نلاقيك انا ومديحة الليلة
مصطفى: دا شنو اسه مش قلت رفضت
وليد: 🤣🤣🤣🤣 ياخ الزولة دي وافقت وعايزة تلاقيك عشان تتفاهمو
مصطفى: ي وليد قول والله 😍
خلاص اسه انا فاضي بس قول لي وين الاقيكم
وليد: يازول ها اصبر لمن محاضرات مديحة تخلص
مصطفى : بمشي استناكم من اسه لمن تخلص
وليد : اصلا هي بتخلص زي 1 اسه 10 طيب رايك شنو نتلاقى في شارع المطار وتعزمنا فطور
مصطفى : فطور بس فطور وغدا وعشاء وشاي الصباح زاتو
وليد: غايتو جنس خفة 🤣
مصطفى : خلاص اتفقنا انا 1 بكون هناك وانتو مشواركم نص ساعة بتصلو
وليد: طيب يلا مع السلامة
مديحة: بالغت ي وليد كيف تقول ليه اعزمنا فطور
وليد: ههههههههه من اسه خايفة على قروشو خلي يخسر عندنا كم مديحة نحن
مديحة: ماقصدي كدا 😒
وليد: عارفك بهظر معاك
مديحة: والله ي وليد ربنا يخليك انت اخ عمري ماحالقى زيو
وليد: الله يخليني ليك
خلاص امشي المحاضرة اصلا الليلة حنجوع لي بعدين
مديحة مشت للقاعة ووليد مشى المكتبة
جات الساعة 1 مصطفى قلبو يضرب ساي وصل المطعم ومستني على نااااااار
مديحة مشت المكتبة لقت وليد ماف
ي ربي مشى وين قال لي بتلقيني
طبعا وليد عامل فيها مقلب عايز يشوفها حتعمل شنو
مديحة: انا حالتي وريتو اني مابمشي براي خلاص انا حارجع البيت مديحة مشت على البوابة ومنها على المواصلات لقت وليد مستنيها في الشارع
وليد: كنتي ماشة براك
مديحة: ماشة البيت
وليد: ههههههههه عارف اتجاهك الواحد دا اصلا طلعت عشان اشوفك حتعملي شنو 😉
مديحة: سغيل
وليد وقف امجاد ووصف ليه اتفق معاه مديحة يلا اركبي
مديحة : في داعي للمصاريف الزيادة دي انا عارفة البير وغطاه
وليد: عاد بختك ي مصطفى زولة اقتصادية
مديحة: بطل حركات
وصلو المطعم ولقو مصطفى راجيهم مصطفى يدو بترجف ساي
وليد همس لي مصطفى: ي ولد ماترجل
مصطفى: والله مامصدق ياخ
مديحة كيفك
مديحة: الحمد لله وهي مدنقرة في الارض من الخجل
وليد: انا حاقعد في التربيزة التانية اخليكم تتكلمو بي راحتكم
مصطفى ومديحة: طيب
مصطفي: كيف الاخبار والجامعة وياك
مديحة: الحمد لله وانت
مصطفى: ماف احسن من كدا. طبعا ادخل في الموضوع طوالي انا مابعرف الف وادور
ههههههه ي مديحة صراحة انا كنت خاتي مواصفات للبت الحارتبط بيها وبالجد كل الصفات دي لقيتها فيك وانا بحمد ربنا على الحاجة دي ومابحب الف عندي اخت وبخاف عليها عشان كدا مابلعب بي بنات الناس
مديحة: ودي الحاجة العجبتني وخلتني اوافق لانو زيك صعب يتلقي في الزمن
مصطفى: يعني كدا اتفقنا
مديحة: بس طبعا في شرطين
مصطفى:أامري بس
مديحة: مايامر عليك عدو. شروطي تجي اسه تقابل اهلي وماف زواج الا بعد اخلص يعني قدامي السنة الاخيرة دي زي ماعارف انا بعد وليد بي سنة
والشرط التاني مابخلي الشغل نهائي
مصطفى: على عيني وراسي اصلا انا بحب القراية وكمان لو عايزة تعملي اي حاجة انا معاك الا براك تقولي ماعايزة
مديحة (حست بي سعادة ) : طيب اتفقنا
مصطفى: بعد بكرة الجمعة انا حاجيب اهلي ان شاء الله ولا رايك شنو
مديحة: مامشكلة ان شاء الله يوم مناسب
وليد: اها ي جماعة وصلتو لي شنو
مصطفى: حنمشي نتقدم يوم الجمعة ان شاء الله بس انت حتكون من اهل العروس ولا العريس ههههههه
وليد: والله ختيتوني في حتة ضيقة شديد
مصطفى: بهظر معاك اصلا نحن بس حنجي نتقدم انت امشي ناس مديحة
وليد: خير
مصطفى: يلا اطلبو لينا جيعااااااان ياخ
طلبو وفطرو
مصطفى ووليد وصلو مديحة ومصطفى وصل وليد ومشى البيت طوالي
في بيت ناس مصطفى...
امال (والدة مصطفى): مصطفى الليلة مبدر مالك مامن عوايدك
مصطفى: ي امي جاييك في موضوع مهم واخيرا حا أتم ليك مرادك
امال: عايز تعرس 😍
مصطفى: ايوا الحمدلله اخيرا لقيت البت البتمناها
امال: ايوووووووووووووي يوي يوي
مصطفي: يا امي بتزغري امكن العروس ماتعجبك
امال: والله كونك فكرت في العرس دي بالدنيا زمني دا كلو اتكلم معاك
اها العروس من وين
مصطفى: زميلة وليد صحبي
امال: دا الكلام دكتورة يعني انت تستاهل كل خير خلاص نمشي نتقدم لي اهلها طوالي
مصطفى: ايوا حنمشي الجمعة ان شاء الله
هبة (اخت مصطفى) : الزغاريت شنو ي جماعة في شنو
امال: اخوك قرر يعرس اخيرا
هبة: عليييييك الله 😍 الف الف مبروك وانا اقول الايام الفاتت دي يتبسم ساي مالو 😉 اتاريه داسي علينا
مصطفى: خلي طولة اللسان دي 😒
هبة: والله عجبني ليك شديد العروس منو
مصطفى: مابتعرفيها لكن حتشوفيها بعد بكرة ان شاء الله
مر الليل طوييييل على مصطفى ومديحة ووليد وسلمى كل واحد بفكر في التاني
طبعا سلمى بدت رحلة المعاناة معاها خلاص ...