رواية وليد وسلمي الفصل الخامس5 بقلم مروة الصافي
وليد ودع مصطفى ومشى طوالي ركب المواصلات ورجع البيت
امو : ي وليد انا من امس شايفاك متغير بس ماحبيت اسألك قلت اخليك تتكلم براك بس وضعك دا حيرني مالك ي ولدي في شنو
وليد: ابدا ي حاجة بس كان عندي مشكلة في بسيطة كدا في القراية واتعالجت وتاني من الليلة حتشوفي وليد زي ماهو اها قلتي لي الغداء شنو
حجة فاطمة: عاملة ليك شوربة العضام البتحبها
وليد : 😋 ياسلااااااااام ي حجة ماتقولي لي كم يوم والله مشتهيها لينا زمن منها. وين الباقين
حجة فاطمة: اكلو قبل شوية واسه كل واحد بقرا وابوك راقد في الديوان
وليد: ربنا يوفقهم ان شاء الله. ابوي مايكون حاسي بي حاجة
حجة فاطمة : ماعندو شي نايم ساي
يلا ي ست الكل ماشي اسلم عليه وادخل الاوضة اخد لي نومة
وليد مشى سلم على ابوهو واتونس معاه شوية ودخل غرفتو ونام صحى مع اذان المغرب اتوضى ومشى الجامع صلى المغرب وقعد قرا قران شوية لحدي ماصلى العشا وبقى يدعي ( ياااارب الخيرة فيما اخترته وانا عارف مالي نصيب في سلمى بس اكيد لي خير يارب ماتعلق قلبي بيها وزي ما شلتها من عيوني شيلها من قلبي )
رجع البيت وذاكر شوية ونام صحى مع صلاة الصبح مشى الجامع صلى وجاء راجع ورجع لي مشاغلاتو وبقي احسن من اول تحس كان في جبل من الهموم وانزاح
جهز وطلع على الجامعة ...
في نفس اللحظة سلمى مع عبدالكريم عايز يطلع ليها الجواز عملو الاجراءات ورجعو البيت عشان تاني يوم مسافرين كسلا شهر عسل لحدي مايطلع الجواز
سلمى بتجهز في الشنطة وهي بتبكي عبدالكريم جا داخل: سلمى في شنو انتي مالك طوالي شاردة كدا انتي مغصوبة علي
سلمى سكتت وماردت ولا حتى بكلمة
قال ليها: اصلا انا صابر لانك لسه ماعرفتيني كويس وبي مرور الزمن حتعرفيني
سلمى في سرها: اعرف ليك شنو ياريت لو ماعرفناك ولا شفناك يوم في حياتنا ...
وليد قابل مديحة: صباح الخير الليلة منورة كدا مالك ي بت
مديحة: دا العادي مالك مابتعرفني
قال ليها: بس مازي زمان الجد شنو 😉😉
بالمناسبة ي مديحة في زول سألني منك
مديحة (بي خبث كدا ) : منو دا
وليد: يعني ماعارفة ولا بتستهبلي علي
مديحة : اعرف من وين مثلا
قال ليها: خلاص بجي يوم بوريك
مديحة. : عليك الله منو
وليد: قلت ليك بوريك اصبري ماتخليك خفيفة كدا 😁
مديحة: اصبر بأدبك
طيب يلا المحاضرة حاتفوتنا
دخلو المحاضرة وطلعو وخلص اليوم وليد رجع البيت كعادتو مع اهلو ...
صبح الصباح على سلمى كانو سنين فاتت من عمرها جهزو وطلعو مسافرين على كسلا
(بعد مرور اسبوع)
سلمى وعبد الكريم جو من كسلا وسلمى كانها خلاص استسلمت للامر الواقع وحاولت تعيش حياتها...
وليد لاقى مديحة وقال ليها: ي مديحة بصراحة كدا ومن غير لف ودوران مصطفى هو السألني منك وقال عايزك على سنة الله ورسوله وانا قلت ليه خليني انا افاتحها اول وبوريك اها رايك شنو
مديحة (وعلامات الخجل طغت على ملامحها ) : مصطفى؟ اااااااها تقصد الجاء معانا المستشفى
وليد: ي مديحة بطلي استهبال انتي اصلا عارفة من قلت ليك في زول بسال منك
مديحة: اممم اي حسيت بيه بس
وليد: اها رايك شنو
مديحة : والله مصطفى زول كويس شكلو بس خليني استخير وقول ليه استخير برضو
وليد : طيب وان شاء الله خير اصلا انتو بتشبهو بعض شديد
مديحة: احم احم
وليد : اتصل على مصطفى: وين ي درش اخبارك
مصطفى: تماااااام اها طمني ياخ الصبر غلب
وليد: تدفع كم
مصطفى: العايزو بس وريني
وليد: الليلة فاتحتها في الموضوع وقالت كفكرة ماعندها مانع بس عايزة تستخير وقالت ليك انت كمان استخير
مصطفى: اصلا انا قبل افاتحك استخرت
وليد: خلاص تمام نصبر عشان نشوف ردها وانا والله لو ردت بالموافقة في نفس اليوم بجيب اهلي واتقدم ليها رسمي
وليد: ومستعجل مالك
مصطفى: ياخ انا ماصدقت لقيت بت زي مديحة
وليد:بهظر معاك طبعا. والله انا عجبني فيك احترامك وجديتك ياريت لو كل الناس زيك
مصطفى : نحن عندنا ولايا مابنلعب بي بنات الناس
وليد: حقيقة يلا سلام انا ماشي البيت بعد دا
وليد : وصل البيت واتصل على محمد اخو مديحة عشان يختو في الصورة: ي محمد انا جايب عريس لي مديحة
محمد : عريس عديل كدا
وليد : ايوا وانت بتعرفو
محمد : دا منو تعيس الحظ دا اقصد سعيد الحظ هههههههههههههه
وليد: مصطفى صحبي اللاقيناه اول امس
محمد: اهاااااااا وانا اقول بكسر في تلج كان مالو يازول انت بتعرفو كويس
وليد: سألت منو ناس كتار. طبعا هو فاتحني تاني يوم من شافها
محمد: كدي لمن يجي ونشوفو ونعرف اهلو وانا بسأل منو بي طرقي الخاصة بس ي وليد دكتورة تعرس بتاع مغلق
وليد: هههههههههه انت عارف بتاع المغلق دا طبيب نفسي بس فضل يشتغل في المغلق حقو ورثو من ابوهو اصلا هم بت ولد وزول ود ناس ووضعو كويس تاني عايز شنو
محمد : ربنا يقدم الفيه الخير
اها ي عمك موضوع سل..
وليد: الموضوع دا نسيتو انا والمخلوقة دي ماعايز اعرف عنها حاجة
محمد: احسن
وليد: يلا مع السلامة...