رواية وليد وسلمي الفصل الرابع4 بقلم مروة الصافي
حاج عبدالرحمن يابنات قومن نومن عشان بكرة وراكن شغل كتير والعقد حيكون صلاة الضهر
سلمى : حاضر ي ابوي ( والدموع مالية عيونها ووشها)
سلمي لي سهى: ي سهى امي مالها ماجات ولا شافتني ليه ماقالت حاجة لابوي يعني ماف زول يقيف معاي ي سهى انا بموت في الدقيقة الف مرة
سهى: ياسلمى انتي عارفة ابوي لمن يقول حاجة ماف زول بقدر يتكلم معاه ولايقول ليه لا بس اصبري وجايز يكون زول كويس وتعيشي حياتك مرتاحة معاه
سلمى: اعيش مرتاحة بعيد من وليد. انتي عارفة وليد شنو بالنسبة لي كل حياتي وانا ماكنت عايشة قبل الاقيه احيييي ي قلبي الحمد لله بس...
... في بيت ناس وليد...
(وليد كل مايتقلب يتذكر كلمة من كلام سلمى ودموعو مابية تقيف) سلمى ماتستاهل افكر فيها زولة خاينة وحبي دا كلو باعتو عشان القروش وانا الكنت بشتغل مع قرايتي عشانها يلا الله معاها وخليها تشرب من العملتو فيني...
... في بيت ناس سلمى...
سلمى : انا متأكدة وليد حيكون مفكر فيني غلط بس ي ربي اقول ليه ولا لأ احسن ما اوريه عشان ينساني لو عرف الحقيقة ماحيسيبني في حالي يلا ارضى بي قسمتي
اذن الصبح وليد اتوضى ومشى الجامع صلى وجا شرب الشاي بي سرعة ولبس وطلع
حجة فاطمة لي بتها: ي بتي اخوك دا مالو من امس هو متغير لا بشاغل زي عادتو ولا بضحك وحتى اللقيمات ما اكل منها نهائي والله هممني ي ربي مالو
عبير: ي امي بكون مشغول وتعبان قرايتو دي ماااااهينة
حجة فاطمة: ان شااااااااء الله ي بتي مايكون عندو شي
وليد وصل الجامعة
مديحة: وليد اصبحت كيف
وليد. : الحمد لله ي مديحة انتي كيفك ومحمد
مديحة: الحمدلله كويسين
مديحة: امس ماقدرت اتكلم معاك كويس بس ي وليد سلمى دي بتحبك وشديد كمان اكيد في سبب ورا الحاصل دا انا اكتر زولة بعرفها
وليد يقاطع مديحة :انا قررت انسى سلمى نهائي وانتبه لي قرايتي ومستقبلي ومن الليلة حاكون لي نفسي بس وماعندي غيرك انتي ومحمد ومصطفى ولو بتعزيني ماتجيبي لي سيرتها نهائي.
اتذكرت الليلة حامشي لي مصطفى والله ولد كويس ياخ
مديحة: فعلا ود ناااااس (قالتها وهي بتتبسم ساي ) سلم عليه
وليد : ان شاء الله يوصل
وليد مشى المكتبة والمعمل وبقى يقرا بس ومامدي نفسو فرصة يفكر في سلمى انتهى اليوم وليد لاقى مديحة ركبو المواصلات سوا وصلها العربي وركبها مواصلاتهم وهو ركب ماشي على مصطفى
نزل ومشى على مصطفى
وين ي مصطفي اخبارك شنو
مصطفى :اووووو ابو الشباب ولي كيفك ياخ الليلة كيفك
وليد: مية مية
في نفس اللحظة بي هناك خلاص سلمى عقدو ليها وهي الدموع ابت تقيف نهائي وكل ماتتذكر وليد تبكي اكتر
كل الاهل جو يباركو ليها بختك ي سلمى تسكني في عمارة والعربات والقروش
سلمى في سرها (بختي قولو تعاستي عذابي مرضي انا القروش مابتمثل لي ولا ضفر من وليد )...
وليد مع مصطفى يدردشو مصطفى : ي وليد الزولة دي ..
وليد: انا الموضوع دا ماعايز افتحو تاني
مصطفى : احسن والله
ي وليد انت .... (يسكت)
وليد: سكت مالك ي مصطفى
مصطفى عايز اسألك من حاجة بس خايفك تفهمني غلط
وليد: من مديحة صح
مصطفى: بي خجل ايوا بس عرفت كيف
وليد: نحن برضو بنفهم وعلى فكرة هي بتسلم عليك
مصطفى: 😍😍 بالجد
وليد : ايوا
مصطفى : انا ماعايزك تفهمني غلط انا البت دي من اول ماشفتها عجبتني والحمد لله انا جاهز لو وافقت علي اسه بتقدم ليها
وليد: والله مديحة دي زولة ماف منها بس انا ماعارف رأيها وكمان خليني اعرفك كويس وانا حافاتحها ليك في الموضوع دا وان شاء الله خير يارب يلا مع السلامة
مصطفى : الله يسلمك...
سلمى خلاص ودعت اهلها ومشت مع زوجها عبدالكريم
طبعا كان بحبها وطاير بيها السما (بت جميلة وصغيرة تاني عايز شنو) عبدالكريم حس بانو سلمى متضايقة سلمى مالك شكلك زهجانة في زول بزهج في يوم زي دا (عشان يغريها) قال ليها بكرة حامشي اطلع ليك جواز عشان نسافر فسحة برا اسبوعين كدا تايلاند ولا ماليزيا اختاري
سلمى تعاين ليه ومابترد (وفي سرها والله لو وديتني الجنة معاك حتكون زي الجحيم)
عبدالكريم: عارفك خجلانة لكن شوية شوية حتتعودي علي وان شاء الله اعمل ليك كل العايزاه وقبل تطلبيه
لو عايزة نجوم من السماء بنزلها ليك انت بس تأمري وحا اعيشك زي الملكة والدهب الجبتو دا ولا شي من الحا اجيبو ليك
سلمى في سرها (لو وزنتني دهب انت مابتعني لي اي حاجة انا حا اعيش معاك وقلبي وروحي في مكان تاني)