رواية وليد وسلمي الفصل الثالث3 بقلم مروة الصافي
وليد اثناء مابتكلم مع حالو لمح مديحة جاية جرى عليها بس شاف في حزن في وشها وليد اتجمد في مكانو ورجلينو ابن يتحركن لسانو اتربط ماعرف يقول شنو مديحة قربت على وليد وقالت ليه والله ي وليد ماعارفة اقول ليك شنو
وليد قال ليها مديحة في شنو احكي سلمى حصل ليها شنو سلمى مالها مديحة اتكلمي
قالت ليه كل البقدر اقولو ليك انو سلمى ماتستاهلك سلمى خانت حبك عشان عربية وقروش سلمى حتعرس ي وليد سلمى خاينة وماعندها عشرة وانت تستاهل احسن منها واكيد ربنا حيعوضك
قال ليها مديحة انتي اكيد بتهظري معاي
قالت ليه والله ماهظار دي الحقيقة
قال ليها مديحة بتتكلمي كيف سلمى مستحيل تعمل حاجة زي دي انا متأكد انك بتهظري
مديحة قالت ليه يا وليد دي ماحاجة فيها هظار سلمى في واحد غني اتقدم ليها وحتعرسو وحتى رحلو من بيتهم كلمني سيد الدكان
وليد من الصدمة حس الدنيا دارت بيه وماوعى الا وهو في المستشفى جاه هبوط فجأة وشالوهو مديحة ومصطفى ودوهو المستشفى
مصطفى قال ليه ي وليد اها اسه كيف
قال ليه (ولسه اثار الصدمة والالم باينة عليه ) الحمد لله بس انا جيت هنا كيف
مصطفى قال ليه كنت دايخ وجبناك هنا شوية تحاليل ودربات وربنا يشفيك
وليد قال ليه والله ماعارف اشكرك كيف للاسف ناس تعرفهم بالسنين يبيعوك في اقرب فرصة وناس تعرفهم في لحظة يعملو عشانك اي حاجة سبحان الله (وتنزل دموع وليد من غير مايحس )
مصطفى قال ليه يا وليد ارجل ماف بت تستاهل تبكي عشانها واصلا انت طيب عشان كدا ربنا بعدها منك احمد الله على كل حال واكيد لي خير
قال ليه والله ي مصطفى معاك حق بس تقول شنو للقلب الحمد لله على كل حال وكلو لي خير فعلا
مصطفى:خلاص ي وليد دا رقمي سجلو عندك ونكون اصحاب ان شاء الله
وليد : ان شاء الله
مصطفى: يلا سلام عليكم قفلت المغلق سرعة امشي اشوف الحاصل وبينا تواصل
يلا سلام
وليد: ي مديحة امشي البيت بعد دا انتي اتأخرتي
مديحة: ي وليد انت اخوي وانا ضربت لي محمد اخوي اسه جاي على المستشفى
وليد: ليه ياخ ماكان تعذبيه انا كويس ماعندي حاجة واسه بقدر امشي البيت عادي
اثناء الكلام يجي محمد داخل: الحاصل شنو ي ابو الشباب
وليد: ولا شي بس للأسف سلمى باعتني ي محمد لكن الحمد لله ظهرت على حقيقتها
محمد : هههههههه اتعودنا على كدا راسي دا ملان شواكيش وفي النهاية انت الكسبان ياخ
وليد: ربنا يسهل
محمد: اها اسه كيف انت
وليد: الحمد لله احسن كتير
الدكتور كتب لي وليد شوية علاجات وطلعو على البيت
محمد ومديحة وصلو وليد لحدي شارعهم قال ليهم ارجعو ماعايز ناس البيت يحسو بي حاجة
وليد دخل البيت وعلى غير العادة ساكت ما بتكلم وماشاغل ناس البيت
امو : وليد الليلة مالك حاسي بي شنو
وليد: ي امي تعبان شوية الليلة كان عندنا معامل وكدا
حاجة فاطمة: الله يديك العافية ي ولدي
وليد: امين. ي امي الليلة تعبان شوية حا اصلي العشا وانوم طوالي
حجة فاطمة بينها وبين نفسها (ياربي وليد مالو ولدي من الله خلقو مفرفش وزول بحب المشاغلة مالو الليلة السلام في تلتلة الله يهدي سرك ياولدي)
وليد صلى ودخل غرفتو ماقدر ينوم من الوجع الليل كلو بفكر ي ربي هنت عليها للدرجة دي عشان القروش تبيعني لكن انا غلطااااان فعلا اني حبيتها الحب دا كلو وغلطان اهتميت بيها اكتر من اللازم بس ما اظن سلمى تبيعني الحب الادتني ليه سلمى في الأساطير مخماف ...
في نفس اللحظة
سلمى وسهى بتكلمو
سلمى : والدموع مالية وشها ي سهى اسه وليد لو عرف يقول علي شنو خنتو يعني ليه ابوي بعمل كدا يعذبنا الاتنين ويعرس لي راجل قدرو ملعون ابو القروش البتخلي الزول يعمل كدا انا ي سهى حاموت لو عرست غير وليد
سهى: خلاص ي سلمى دا قدرك ولازم تقبلي بيه ابوي ماحيتنازل عن رايو وخلاص انسي وليد ماقسمتك بس
سلمى: الحمد لله بس خايفة وليد لمن يعرف يحصل ليه حاجة انا في ستين مامهم بس وليد مايحصل ليه حاجة وانا دسيت من مديحة برضو ايه تكون مفكرة في اني ماوريتها
حاج عبدالرحمن ي بنات بعد دا نومو بكرة وراكم شغل كتير والعقد حيكون صلاة الضهر ......