رواية وليد وسلمي الفصل الثاني2بقلم مروة الصافي
ي مديحة مديحة
اهلين وليد كيفك صباح الخير
قال ليها ياخ وين الخير... والبت دي ماجات لاسه وتلفونا مقفول ماضربت ليك؟
قال ليه لا لا والله انا زاتي استغربت الليلة فوتت زمن المحاضرة وكنت جاية اسألك منها
قال ليها معقول ماعارفة عنها حاجة مستحيل
قالت ليه والله ماعارفة حاجة بس امس المساء كدا اتصلت علي وكانت زهجانة وقالت لي برجع ليك وانا نمت وهي مارجعت لي
وليد بدأ القلق يزيد اكتر واكتر ولسه بحاول يتصل التلفون مقفول بضرب لي سهى اختها مابترد وليد خلااااص اتوتر
مديحة قال ليه وليد كدي اصبر اسه بتجي.
قال ليها ياخ تجي كيف وهي لاسه ماف منها اي خبر سهى زاتها مابترد مالها عشان تفهمنا الحاصل
ياخ انا خلاص حامشي بيتهم بعد دا
قالت ليه وليد اصبر لو مشيت بتعمل ليها مشكلة انت ماعارف اهلها صعبين كيف خليني لحد ماتنتهي المحاضرات امشي ليها البيت واشوفها
وليد ولسه علامات التوتر باينة عليه حاضر ي مديحة والله يكضب الشينة
قال ليه خلاص ي وليد ماتوتر نفسك اكيد خير انا بمشي وبطمنك عليها هههههههههه غايتو انتو ي العشاق عليكم امور (حاولت تلطف الجو بس هي برضو القلق مسيطر عليها)
انتهت المحاضرة الاولى والتانية والاخيرة وسلمى لسه ماجات واليوم بقى لي وليد طوييييييل شديد ولسه عندو امل يتصل وترد عليه وللاسف لسه التلفون مغلق
وليد قال لي مديحة خلاص المحاضرات خلصت امشي سرييييع وشوفي البت دي مالها انا خلاص حاجن
قال ليه ان شاء الله خير من دربي دا عليها
قال ليها خلاص انا بمشي معاك وبنزل بعيد منك واقعد جمب اي دكان ولا حتة استناك فيها
قالت ليه طيب اصلا الفي راسك حتعملو عارفاه قوي وماحتسمع كلامي
وليد ومديحة ركبو المواصلات وفي الشارع كلو بفكر في سلمى ياربي مالها حصل معاها شنو ي ربي سهى ليه مابترد عشان تطمني عليها
الحافلة وقفت نزل وليد وقعد جمب بتاع مغلق
بتاع المغلق: خير ي ابو الشباب
وليد قال ليه: لا بس حسيت نفسي تعبان شوية وقلت اقعد ارتاح حبة وامشي اسف لو كنت ضايقتك
بتاع المغلق قال ليه: لا ولايهمك بس انت عارف الاحتيال اليومين ديل
قال ليه اها (قالها وكلو وجع)
مديحة وصلت دقت الباب فتح ليها واحد اول مرة تشوفو
مديحة قالت السلام عليكم
رد: وعليكم السلام خير ممكن اساعدك بي حاجة
مديحة(ولسه مخلوعة دا منو المع ناس سلمى دا) عايزة سلمى
رد: سلمى منو؟
مديحة زادت علامة الاندهاش سلمي عبدالرحمن
رد: معليش والله دا مابيتهم شكلك غلطانة في البيت بس انا جديد في الحي دا وماعارف وحدة بالاسم دا هنا الا تشوفي سيد الدكان داك يوريك
مديحة قالت ليه انت سكنت هنا متين
رد: امس ونحن مجموعة من الشباب عزابة يعني
مديحة : اها اسفة طيب
مديحة ماشة وتكلم حالها (ياربي سلمى حصل عليها شنو)
مشت لي سيد الدكان يا عمو ناس عمو عبدالرحمن (والد سلمى) رحلو ولا شنو
سيد الدكان :اي والله ي بتي امس جات عربية برادو جديدة لنج ساقتهم من هنا ولما سالت عمك عبدالرحمن قال لي دا عريس سلمى
مديحة اتخلعت عريس سلمى؟
سيد الدكان:اي ي بتي وليه فترة بجي بيتهم وكل مايجي يجي شايل بي يدينو الاتنين بس ي بتي انا المستغرب ليه هو كبير عليها كيف يعرسو ليها
مديحة من الصدمة ماقادرة تقيف واتذكرت وليد المنتظر ليه ساعة (ي ربي حاقول لي وليد شنو اقول ليه سلمى بعد الحب دا كلو باعتو وبعدين سلمى لحدي امبارح كانت بتتكلم معاي ماجابت لي سيرة عرس انا صحبتها هانت عليها الصداقة والله وليد لو عرف بموووووت عديل كان دسيت منو عارفاه مجنون وحيجي لحدي بيتم يسأل ويلقاهم رحلو اكيد حيسال سيد الدكان وحيوريه لالا احسن اوريه كدا كدا حيعرف طيب انا امشي عليه اصلا هو انتظر كتير) .....
وليد راجي طبعا على احر من الجمر مافضل ليه الا يلحق مديحة (مديحة دي اتأخرت كدا مالها ي ربي والله حاجن عديل كدا )
بتاع المغلق : ي ابو الشباب انت شكلك ماتعبان بس مهمووووم واضح عليك شايل هموم الدنيا كلها في راسك كدي اسمك منو انت
قال ليه اسمي وليد.. وانت
بتاع المغلق : مصطفى
وليد قال ليه تشرفنا
مصطفى: الشرف لي بس كدي احكي مالك ي اخوي بس ماتقول لي ماخد شاكوش ههههههههههههه
وليد قال ليه ياخ شاكوش شنو هههههه متضايق شوية
مصطفى قال ليه شكلك ماعايز تحكي وانا ماحاضغط عليك بس للمعلومة انا قاري علم نفس ماتشوف شغل المغلق دا واسه اأكد ليك من عيونك الشي المتضايقك دا بي سبب وحدة والوحدة دي شكلها غالية عليك شديد بس اسه نحن اتعرفنا ولو حسيت نفسك محتاج لي انسان تفضفض ليه تعال لي اصلا كتير بكون قاعد براي وزي ماشايف الشغل اليومين ديل خفيف
وليد قال ليه بي نبرة حزينة جدا ان شاء الله
(ي ربي مديحة امشي عليها بعد دا مالها عايزة تزيد همومي اكتر اثناء كلامو لمح مديحة جاية)
جرى على مديحة وكلو امل طبعا بس شاف الحزن في وش مديحة اتجمد في مكانو.....