رواية ياسمين الفصل الاول1بقلم مروة الصافي
ياسمين ياسمين يابت خلاص قومي ماعندك زمن انتي الساعة ١٠ جات وانتي ناس الكوفير قالو ليك تجي ١١ اسه مسافة تقومي وتجهزي الزمن بفوت ...
(اسمي ياسمين عمري ٢٢ سنة فجأة لقيت نفسي في دوامة عرس ولا على بالي ولا فرحانة ولا شي المهم دا كلو عشان ارضي ابوي واعرس ود اخوه الاخر مرة شفتو عمري عشرة سنين ولا بعرف عنو شي ولا بعرف اخلاقو)
خلي اليفوت كان فات هو يعني انا خلاص مبسوطة بي العرس دا عشان التزم بي مواعيد كمان
يابت قومي خلي الكلام خلاص البقى بقى وماف حاجة تاني تتعمل العني ابليس دا وقومي (ايمان صحبتي جيت ابيت معاها عشان تمشي معاي الكوفير)
يا ايمان عليك الله انتي مقتنعة بي كلامك دا انتي ماعارفة الموضوع دا عامل لي نفسيات كيف (وقعدت ابكي ) ايمان مسكتني وبقت تطبطب علي عارفة الموضوع صعب عليك بس انتي ماعارفة يمكن فيه خير ليك وطالما اطعتي ابوك ربنا بكون راضي عنك وحيجبرك ان شاء الله
ان شاء الله
قمت اتجهزت وطلعنا مشينا الكوفير بعد الضهر اتصل علي بكري اخوي ووراني انو العقد تم انا لحظتها انهرت شديد بكيت كتير لحد مانمت ولا غمرت ماعارفة اخدت لي ساعة وانا نايمة صحتني ايمان قومي يلا عشان الخبيرة عايزة تجهزك ...
قمت اخدت لي شاور وجيت والخبيرة بدت تجهز فيني وطلعت قمر الناس الفي الكوفير كلهم انبهرو بي جمالي وهم ماعارفين قدر شنو انا متضايقة بس يلا خلاص الحصل حصل
التلفون ولع عاينت كدا لقيت اتصال من علاء الدين (طبعا دا العريس 😒)
رديت بي مساخة كدا قلت ليه مرحب قال لي الف الف مبروك رديت بي كل برود الله يبارك فيك ولا زدت ولا نقصت قال لي جاهزة عشان اجي اخدك من الكوفير قلت ليه جاهزة قال لي عشرة دقايق نكون معاك . المعاك منو عشان نشوف العربية بتشيل قلت ليه انت جايب منو قال لي صحبي بس السايق العربية قلت ليه خلاص يتشيل معاي صحبتي وحدة بس وقفلت منو...
(علاء الدين ود عمي عمرو ٣٥ سنة وكان في قطر ليه ١٢ سنة ولما سافر انا كنت تقريبا عشرة سنين وكنت من زمان بسمع انو هو حاجزني وماف زول بتجرأ يتقدم لي وانا كنت بستهتر بالكلام دا وبضحك عليه كنت خاتة الموضوع هظار ما اكتر لحد ما جاء اليوم البقى جد
علاء جاء من قطر قبل شهر وجاء بيتنا طوالي عشان ناس عمي في البلد ونحن في الخرطوم نزل عندنا ومن جاء سلم علي وبقى يتظارف ماشاء الله كبرتي وبقيتي حلاتك وانا طبعا شاماه شمة 😒
انا بت وحدة وعندي اخوان اتنين بكري وعلي وانا اصغر وحدة ابوي صعب شوية وكلمتو هي البتمشي امي مابتقدر تقول ليه لأ
المهم علاء قعد يومين معانا وقال ماشي البلد ونظام هو ود عمي وكدا شال تلفوني ورن على تلفونو وسجل لي رقمو وطلع
بعد طلع طوالي ابوي ناداني قال لي ياسمين عايزك في موضوع قلت ليه خير ي ابوي
قال لي ود عمك دا قال عايزك وجاي عرس طوالي وانا اديتو عندك مانع
انا من الخلعة نططت عيوني دا كلام شنو ي ابوي انا لا بعرفو ولا حاجة وكمان كبير علي 🥺
قال لي انا اديت كلمة وخلاص جهزي نفسك يوم الجمعة حيجو يدونا متكفي وخلاص تجيبي حاجاتك بي طريقتك والعرس بعد اسبوعين
سكت وغلبني الكلام في اللحظة دي انا الكنت متمنية اختار شريك حياتي براي وافرح بي عرسي وتفاصيلو مش اتكلفت كدا
جريت لي امي وقعدت ابكي امي قالت لي يا بتي ابوك عايز مصلحتك وهو ادرى بيها ود عمك زول كويس مافيه كلمة
قلت ليها يا امي زول اكبر مني بي ١٣ سنة وتقولي مافيه كلمة
قالت لي يا بتي فرق العمر ماعيب ويمكن تتفاهمو وتكونو احسن اتنين
عرفت امي ماحتقيف معاي وخلاص انا اتدبست وماعندي طريقة غير ارضخ
اتصلت على ايمان قلت ليها الليلة شنو قالت لي الثلاثاء قلت ليها يوم الجمعة جايبين لي متكفي وعرسي بعد اسبوعين
ايمان قعدت تضحك 🤣🤣🤣🤣 عشان متعودة على مقالبي قلت ليها بطلي ضحك وقعدت ابكي 😭😭 حست الموضوع جد قالت لي خلاص ربع ساعة كدا بكون معاك اشوف الموضوع دا شنو كمان
فعلا جات ومخلوعة لقتني ببكي قالت لي استهدي كدي واحكي لي دا كلام شنو
حكيت ليها وهي اتصدمت زي ما اتصدمت انا بقت تهدي فيني وتقول لي كدي استخيري وربنا يسهل ليك الفيه الخير قلت ليها استخير دا لو انا مترددة انا ماعايزاااااااه 😔😔😔 قالت لي والراي شنو في النهاية
قلت ليها انتي عارفة ماف رأي بعد رأي ابوي لكن بعد العرس يتم بندم علاء على انو فكر فيني يوم
قالت لي دا كلام شنو انتي اسه في البر اتخارجي بأي طريقة احسن من تتزوجي وتتسمى ليك عرسة قلت ليها خليها تتسمى مش هم مصرين انا بقبل لكن بعدين ماف زول يلومني على البعملو...
يوم الجمعة جاء وناس بيتنا شغالين تظبيط واكل وحاجات كتيرة عشان الشملول واهلو جايين انا استأذتنت ابوي اني امشي بيت ناس ايمان امي قالت ليه احسن تمشي في عاداتنا العروس مابشوفوها الا يوم العرس
الجماعة جو وادو ابوي قروش ماكنت بحلم بيها وحق الشيلة براه قالو لي ابوي خليها تشتري العايزاه وجايب طقم دهب ومعاه غوايش . المهم اليوم انتهى وناس عمي باتو وسافرو تاني يوم
جيت راجعة البيت ابوي اداني القروش قال لي خلي بكري يوديكم السوق تشترو حاجاتك كلها مرة وحدة عشان ماف مرقة تاني
اتصلت لي ايمان قلت ليها تعالي لي اسه عشان نمشي السوق طبعا ايمان مصدومة زيي في سرعة الاحداث
مشينا انا وامي وايمان مع بكري لقطت حاجاتي كلها وجبت هدايا لي ايمان وامي
امي قالت لي لازم تشتري لي مرة عمك وبناتها هدايا وعمك كمان قلت ليها ماشغلتي ولا بشتري قالت لي عيب الكلام دا المهم اشترت ليهم حاجات ورجعنا البيت )
يتبع