رواية وليد وسلمي الفصل الثالث عشر13 بقلم مروة الصافي
الصبح اذن وسلمى صحت وصلت الصبح وقعدت تقرأ قرآن وبعدها جهزت واستأذنت اهلها وطلعت ماشة الجامعة
في بالها وليد وخايفة من ملاقاتو حتقول ليه شنو (وهي ماعارفة انو وليد اتخرج خلاص) وخايفة كمان انو مديحة تكون متغيرة منها..
سلمى وصلت الجامعة و لقت عبدالكريم واقف ليها جمب باب الجامعة حاولت تتفاداه لحقها وبقى يتكلم معاها كلام فارغ وانو ماحيخليها في حالها وكل يوم حيقيف ليها كدا ويعمل شوشرة لمن يفصلوها وترجع ليه
سلمى: اعمل العايز تعملو اصلا انت ضيعت لي مستقبلي واجمل ايام حياتي ولو عملت المستحيل انا ماحارجع ليك لو بقيت اخر راجل في الدنيا
عبدالكريم: بعرف اعمل معاك شنو والله اندمك على اليوم الطلبتي فيه الطلاق احسن تمشي معاي اسه من سكات( وبقى يجرجر فيها وهي صرخت)
في اللحظة دي وليد كان جاي الجامعة عندو اوراق شاف سلمى بتكورك جرا عليها وبعد منها عبدالكريم
عبدالكريم ضرب وليد سلمى بقت تنادي في الناس عشان يحجزو الحيوان دا من وليد
عبدالكريم : ي زول ماتتدخل بين راجل ومرتو ابعد من هنا
وليد: انت زوجها!!!!! ياخ انا اسف لمن سمعتها بتكورك قلت في مشكلة بعتذر
سلمى: وليد ي وليد
وليد عاين ليها وقبل طوالي و دخل الجامعة وهي جري دخلت وراه الحرس منعو عبدالكريم من الدخول
سلمى جارية وبتنادي في وليد شافت مديحة ووقفت ماعرفت تقول شنو سلمى:مديحة
مديحة: مرحب سلمى
سلمى: عارفاك زعلانة مني ي مديحة بس والله لمن تعرفي الحصل علي والله بتعذريني
مديحة وهي في جواها نفسها تمسك سلمى وتبكي : انتي حرة ودي حياتك ماحاتدخل فيها بس العملتي في وليد مااااااااهين ي سلمى
سلمى: عليك الله ي مديحة لو عندك نص ساعة خليني اقعد احكي ليك الحصل علي كلو وانتي احكمي
ابوي قال لي عقدو عليك يعني ماكانت خطوبة زي ماقلتي
مديحة: ايوا كان مفروض خطوبة بس ناس امي اتفقو على العقد
سلمى: بتحبيه ولا حتعيشي معاناتي
مديحة: اكيد بحبو
سلمى: والله بختك وحرت دموعها
مديحة: ي بت بسم الله في شنو
سلمى: ارح الكافتريا وبحكي ليك كل الحصل
مديحة:يلا
مشو الكافتريا
مديحة: سلمى احكي الحاصل شنو
سلمى بدت تحكي كل الحصل ليها من رجعت يوم الخميس من الجامعة ولقت الزول دا مع ابوها وابوها حلف طلاق انها تتزوج عبدالكريم وقدر ماحاولت ماقبل وقال ليها انا حلفت طلاق وما عافي منك لو ماعرستي وحاحرمك من الجامعة سلمى بتحكي والدموع مالية وشها حتى مديحة بقت تبكي معاها
مديحة مشت طلبت ليها عصير ليمون تروق بيه دمها بعد الحالة دي
سلمى اشربي حبة عشان تروقي دمك
سلمى: انا كل الواجعني وليد فاكرني بعتو عشان القروش والله ي سلمى انا كل يوم بنوم ودموعي مابتقيف كل يوم بتذكر وليد وخايفة عليه نفسي اتطمن عليه بس ماعارفة اعمل شنو
مديحة: والله ي سلمى وليد اتعذب شديد بس اعرفي حاجة عمرو مانساك والله يكون بتكلم معانا فجأة يسرح ومرات تلقي الدموع عايزة تنزل بس بدسها مننا ومرات بناديني باسمك
سلمى: والله ي مديحة ياريت اقدر انسيه اي الم لكن اعمل شنو اسه انا برا الجامعة والزول الاسمو عبدالكريم دا واقف وسمعني فارغ وبقى يجرجرني وليد جا حجزني منو لمن قال ليه ماتتدخل بين راجل ومرتو وليد مشى ولا حتى اتلفت علي وجريت وراه ما رد لي
مديحة:وليد العذاب العاشو ماشوية بس اكيد لمن يعرف الحقيقة كل شي بتغير
سلمى:ياريت يعرف انا اتعذبت اكتر منو 😭😭😭😭
اها انتي احكي لي موضوع العقد
مديحة: يوم مشينا انا ووليد نشوفك ماجيتي ليه وليد قعد في الظلط جمب مغلق المهم بعد جيت كلمت وليد جاه هبوط سلمى (مقاطعة): هبوط 😢 دا الانا خايفة منو
مديحة: ي زولة كويس اسه هو زي ماشفتيه
اها يلا قمنا وديناه المستشفى انا وبتاع المغلق اسمو مصطفى والله طلع راااجل وقعد معاي لحد ماوليد بقى كويس ومشى المهم بعد كم يوم وليد قال لي مصطفى دا قال عايز يتقدم ليك يلا انا استخرت وكدا وسبحان الله لمن جو يتقدمو طلعو امي وامو بعرفو بعضهم وكانو جيران اها كان مفروض نعمل شبكة فجأة قلب عقد والعرس حيكون بعد اخلص طوالي يعني بعد 10 شهور ان شاء الله اجهزي من اسه
سلمى: ربنا يهنيك ويتمم ليك على خير والله فرحت ليك ي مديحة انتي تستاهلي كل خير
مديحة: وربنا يسهل امورك حبيبة
اها قومي المحاضرة بدت
سلمى:يلا (وتتلفت ياريت لو تشوف وليد بس)
مديحة: وليد بكون مشى لانو شغال جا يشيل اوراق وطالع
سلمى :اشتغل وين
مديحة: بعمل في الامتياز واول مايخلصو حيشتغل في مستوصف خاص حق قريب مصطفى ومرات بمشي بالمساء يشتغل فيه عشان يتدرب
سلمى: ربنا يوفقه يستاهل كل خير
....
المساء مديحة بتتكلم مع مصطفى كيف يحلو المشكلة دي بعد سلمى اتطلقت وبعد الهي مرت بيه
مصطفى : انا بفهم وليد الحاصل عشان قلبو يحن شوية على سلمى
مديحة: لو شفتو قبيل لمن شافها بتكورك والله تعرف وليد دا مابنسى سلمى الا يموت بس
مصطفى: خلي علي تمام
اها انتي كيف حبيبتي
مديحة: الحمد لله انت كيفك وهبة وماما امال كيفهم
مصطفى: الحمد لله جاينكم بكرة ان شاء الله قالو ماشين يتونسو ويتذكرو الماضي
مديحة: ينورونا خلاص تمام يلا تصبح على خير لانو واضح يوم بكرة دا حيكون طويييييييل مابين سلمى ووليد