رواية وليد وسلمي الفصل الحادي عشر11 بقلم مروة الصافي
يوم الخميس وليد مشى لي مصطفى في المغلق : ي عمك وين انت ولا خلاص نسيتنا
مصطفى: انت مستحيل تتنسي ياخ انت سبب الهنا والمنا الانا فيه
وليد: ربنا يتمم ليكم على خير والله انا فرحان ليكم كانو عقدي انا
مصطفى: عقبالك يارب انت تستاهل كل الخير الفي الدنياوربنا يقدرنا ونرد جمايلك
وليد: جمايلشنو نحن اخوان. والله موضوع العرس دا برا راسي انا عايز اشتغل عشاني وعشان اهلي التعبو في تربيتي عايز اعمل وليد ماف انسان يقدر يكسرو
مصطفى: مهما عملت بجي يوم حتحتاج لي زوجة الاستقرار اهم حاجة وحياتك ماحتترتب الا تستقر وتتزوج صدقني مهما كانو حوالينك الناس ماحيكونو زي زوجتك والاطفال حينسوك اي هموم في الدنيا
وليد: والله كلامك صح بس في الوقت الراهن دا خارج تفكيري وربنا يسهل الامور
مصطفى: مشيت ناس مديحة
وليد: اسه انا جاي منهم
مصطفى: مديحة كيف عليك الله والله مشتاق ليها شديد نفسي اشوفها من السبت تاني ماشفتها
وليد: بطل جرس مديحة كويسة اصبر باكر بتشوفها لمن تزهج منها
مصطفى: ازهج من منو مديحة انت اكيد بتهظر انا ماصدقت لقيتها. ياخ يوم الجمعة دا زاتو ماعارفو بعيد كدا ليه
وليد: الصبر بس يلا انا ماشي لي محمد عندنا شغلة
مصطفى: سلم عليه
وليد: يوصل ....
عبدالكريم: سلمى جهزي نفسك بكرة جاي اسوقك
سلمى: كويس وهي في قمة الحزن وقفلت الخط
سهى: سلمى انتي مالك حاساك متألمة شديد ماعارفاك مالك
سلمى: بجي يوم بحكي ليك سهى حصل لاقيتي وليد
سهى: ابدا والله انسي وليد ي سلمى انتي اتزوجتي وخلاص
سلمى:اتزوجت هو انا العايشاه دا زواج ولا حياة 😭. والله نفسي اشوف وليد او اعرف اخبارو هو ومديحة عارفاهم كارهيني بس ياريت لو يعرفو الحقيقة
سهى: كلو لي خير ي سلمى وعليك الله زي ماقلت ليك انسي خلاص انتي اسه اتزوجتي وماصح تفكري فيه
سلمى: حقيقة والله ربنا يصبري وينسيني بس ي سهى انا والله ماعايشة 😭😭😭
سهى: كدي احكي في شنو
سلمى: سهى انتي بكرة ارح اقعدي معاي يومين ثلاثة انا براي مابقدر ولسه حاسة نفسي تعبانة وبحكي ليك ان شاء الله
سهى: كدي شوفي راي راجلك
سلمى: يعني حيرفض مثلا يابت كلمي ابوي اسه انك ماشة معاي
سهى: طيب
سهى: ي ابوي انا ماشة مع سلمى يومين كدا لحدي ماتبقى كويسة
ابوها: كويس
وسهى كلمت سلمى انها ماشة معاها
....
يوم الجمعة جاء اخيرا....
رقية: مديحة قومي امشي ناس خالتك بعد شوية البيت بتملي عليك ومابتقدري تطلعي وجهزي حاجاتك. الماشة بيها الكوفير
مديحة: طيب ي امي ولو في اي حاجة اضربي لي بخلي ليك مفتاح الدولاب لو نسيت حاجة عشان ترسليها لي
رقية: ربنا يتمم ليك على خير واشوفك احلى عروس
مديحة: ان شاء الله ي امي
ي محمد وليد وينو
محمد : طلع اسه مشى بيتم يجيب حاجاتو ويجيب ناس امو
مديحة : خلاص بعد يجي خلي يتصل علي
محمد: طيب
...
مديحة في الكوفير وليد اتصل عليها
وليد: ي عروسنا
مديحة: متين هو
وليد : ههههههههههههه ي بت قربتي المغرب مافضل ليه كتير
معليش محمد كلمني بس انشغلنا والله في الترتيبات
مديحة: كنت عايزاك تمشي تجيب هبة اخت مصطفى لكن خلاص جات هي
وليد: واجيبها ليه هووووووي يا مديحة بطلي حركاتك دي انا موضوع حب وغيرو برا راسي
مديحة: حب شنو
وليد: ي بت انا بفهمك اكتر من روحك
عارفك عايزاني اقرب لي هبة وكدا والا كان قلتي لي محمد هو اليجيبها ولا مصطفى او تخليها تركب امجاد
مديحة: وهبة مالها والله بت ناس
وليد: الموضوع دا برا راسي ي مديحة
هي يلا اهل العريس جو خلاص والمغرب قرب ي عروس يلا عشان نمشي ن*قتلك
مديحة: قول نسعدك
وليد: هههههههههههههههه عينا بقت قوية شكلها
مديحة: ايوا هي يلا سلام مافاضية ليك انا
...
مصطفى في باب الكوفير ومعاه وليد ومصطفى في قمة التوتر
وليد: ي زول ماتركز مالك بترجف كدا
مصطفى: اركز؟ انت متخيل انو الحتطلع دي بقت زوجتي وعارفني بحبها قدر شنو ومامصدق انها بقت مرتي ياخ
هبة: مديحة يلا مصطفى دا برا
مديحة في نفس التوتر: طيب
طلعو
مصطفى اول ماجات مديحة ماشال عينو منها: يهمس في اضانها دا شنو الجمال دا تباااااارك الله الف مبروك لينا حبيبتي دا اسعد يوم في حياتي
مديحة بي خجل شديد: الله يبارك فيك حبيبي
مصطفى: واخيرا قلتيها ياااااااااااه
يلا اتأخرنا على الجماعة .....
بعد وصلو العرسان اتلمو الاهل والاصحاب بي كل سعادة وحب وبباركو للعرسان
الا وليد الدموع مالية عيونو وبتذكر في سلمى اتمنى لو كان هو وسلمى في مكانهم
....
سلمى : ي سهى قومي غيري هدومك دي انا جهزت ليك الغرفة الجنبنا
سهى': طيب ي سلمى ومشت الغرفة
في نص الليل
عبدالكريم قام من السرير ومشى على الغرفة الفيها سهى وللاسف حاول يعتدي عليها
سهى صرخت باعلى صوت:سلمى الحقينيييييي
سلمى جات جارية وللاسف لقت زوجها ولقت سهى في حالة هسترية وتصرخ
سلمى لبست توبها ولبست اختها وطلعو بالليل داك وطبعا عبدالكريم من الخجل ماعارف يعمل شنو يمشي يعتذر الاعتذار بعد دا مابنفع
سلمى وسهى وصلو البيت وسلمى ماسكة سهى عليها لانها في حالة هستيرية
ابوهم: في شنو ي بنات والجابكم شنو في نص الليل دا وسهى مالها ياسلمى اتكلمي
سلمى حكت الحصل لي اختها من الزول الندل دا
ابوها اول بكى بي حرقة اعفو لي ي بناتي انا السبب في الحصل دا طمعي عمى عيوني لكن من اللحظة دي انا الحاقيف ليه
سلمى: ي ابوي لاتقيف لا حاجة انا ماعايزة منو حاجة غير يطلقني بس
خلاص ي بتي الصباح رباح
يلا اخدي اختك وامشو نومو