رواية وليد وسلمي الفصل العاشر10 بقلم مروة الصافي
وليد خلص اجراءاتو وطلع طوالي مشى السلاح الطبي جاب منو الخطاب عشان يمشي المنسقية للخدمة ومنها الامتياز بالمرة ...
عبدالكريم صحى من النوم وقام جهز عشان يودي سلمى لي اهلها بس للاسف سلمى وهي داخلة البت الشغالة كانت ماسحة المكان ي دوب والحتة مبلولة سلمى اتزحلقت ووقعت وبقت تكورك عبدالكريم جا جاري: في شنو ي سلمى يابت انتي كويسة
سلمى: بطني مؤلماني شديد وماقادرة اقيف على حيلي
عبدالكريم: قومي نمشي المستشفى سريع
وداها المستشفى وللاسف فقدت الجنين سلمى في قمة الحزن وعبدالكريم الموضوع ريحو واتصل على اهلها :نحن حنتأخر شوية ماقال ليهم السبب وقفل طوالي (انسان ماعندو قلب)
سلمى: (في قمة الحزن )كويس انك ماوريتهم عشان مايقلقو
عبدالكريم: بعد نطلع من هنا بوديك ليهم تقعدي ليك يومين تغيري جو وبجي اسوقك
سلمى: (حست بشوية راحة) ان شاء الله ...
وليد قلبو ماكلو شدييييييد ونفسو يعرف الحاصل شنو: حاسي بي انو سلمى دي حاصلة ليها حاجة ياربي تكون معاها ومايصيبها اي مكروه. انا لي طوالي بفكر فيها كدا ماممكن افكر في وحدة خاينة زي دي وشايل همها وهي باعتني عشان بيت وعربية ياوليد احسن تنساها عشان تقدر تعيش حياتك وتعمل حاجة ليك ولي اهلك التعبو فيك ديل ...
سلمى اتحسنت شوية والطبيب كتب ليهم خروج عبدالكريم وداها لي اهلها وامها واختها اتخلعو لمن شافو منظرها ومسكوها وبقو يبكو حكت ليهم كل الحصل معاها
عبدالكريم اخد ابوها على جنب: ي حاج البت دي ماتطلع من البيت لو طلعت ماحيحصل خير فاهم
ابوها: ان شاء الله مابخليها تطلع ماتشيل هم اها ماف حاجة كدا
عبدالكريم : سلمى مصاريفها اديتها ليها تاني شنو
ابو سلمى: قصدي لي انا ياخ
عبدالكريم:دي شوية قروش ليكم اتصرفو بيها وشرط البت دي تعملو ليها عصاير وتاكلوها كويس لانها فقدت كتير ما اجي القاها في نفس الحالة دي يلا سلام.
والدها مشى السوق اشترى ليها فواكه وخضارات وشوية فراخ على لحوم عشان يعوضو ليها شوية وطبعا هو خايف من عبدالكريم بس بتو مافي بالو شديد .....
بالليل وليد اتصل على مديحة: مديحة كيفك
مديحة : هلا وليد الحمد لله وانت
وليد: والله ي سلمى
مديحة : سلمى؟
وليد: قصدي ي مديحة من الصباح قلبي دا ماكلني شديد على سلمى وماعارف زي الحاصل ليها حاجة عندك خبر منها
مديحة: ي وليد انا ماعندي معاها تواصل من يوم التعارف اتصلت لي تاني ماضربت انت مش قلت نسيتها وتاني ماعايز سيرتها الاتغير شنو غايتو البت دي من كلامها في شجي حاصل ليها ولمن ضربت لي كانت بتبكي وتحسها وجع الدنيا كلو فيها انا اسه بحاول اتصل في الرقم الضربت لي منو واشوف اخبارها شنو واحاول الاقيها
وليد: ياربي تكون مالها. والله ي سلمى اوووف ي مديحة والله بحاول انساها وماقادر دي عشرة كم سنة وانتي عارفة نحن كنا بنعرف كل تفاصيل حياة بعضنا مابتعمل حاجة مالم توريني وانا مابعمل شي لو ماكلمتها يمكن حبي الزايد دا الخلاها تبيعني (دموعو تجري) الحمد لله انا نفسي انساها بس ماقادر
مديحة: ي وليد كتر من الصلاة على الرسول وقراية القران والاستغفار صدقني بتحس بي راحة
وليد: ان شاء الله تسلمي والله بحس بي راحة لمن اتكلم معاك يا اعز اخت في الدنيا
مديحة: وانا موجودة في اي لحظة .. هيييييي يلا اقفل مصطفى دا داقي لي يقوم يخليني اتلفت زيك كدا ههههههههه
وليد: يضحك خلاص يلا ي دودو
مديحة: دودو في عينك يلا سلام .....
مصطفى: دودو روحي كيف امسيتي اكيد كنتي بتتكلمي مع وليد
مديحة: والله وليد منفسن شديد وكان بتكلم وببكي نفسي يطلع من الجو دا ياخ وليد لسه قلبو متعلق بي سلمى وسلمى زاتها ماعارفاها مالها
مصطفى: هو لسه في الحالة دي امس كان معاي واتذكرها لي وكان سرحان شديد غايتو بحاول اطلعو من الجو دا ان شاء الله
اها حبيبي انتي كيف والجامعة معاك
مديحة: الحمد لله مصطفى انا موافقة على العقد
مصطفى:😍😍😍😍😍 ياسلاااااااااااااام يعني يوم الجمعة حتبقي مرتي يااااااااااا الله والله انا حاطير من الفرح حبيبي عليك الله انتي جادة
مديحة: بغير راي اسه
مصطفى: تغيري شنو ياخ انا ماصدقت اسه من دربي دا على الحجة افرحا يلا حبيبتي برجع ليك
مديحة: تصبح على خير اصلا انا شغالة بدري وعايزة اتصل على سلمى
مصطفى: طيب خلي بالك من روحك واحلام سعيدة
مديحة حاولت تتصل كم مرة على الرقم بجيها مغلق بقت مقلقة شديد على سلمى وحست انو وليد معاه حق يقلق عليها
بعد كم محاولة دخل الخط معاها وجاها صوت راجل الو منو معاي
الراجل:انا عبدالكريم انتي منو
مديحة :دا مش رقم سلمى
عبدالكريم:ايوا انا زوجها انتي منو
مديحة:انا مديحة زميلتها في الجامعة
عبدالكريم:نحن الباب دا قفلناه لاعندها صحبة لا زميلة وتاني ماتتصلي هنا. وقفل الخط
مديحة مع روحها معناها سلمى بتعاني شديد يااااارب كون معاها وين ماكانت...
مرت الايام طويييييلة على الكل والجميع في انتظار الجمعة الا سلمى عشان حترجع للجحيم تاني
اهل مديحة واهل مصطفى شغالين تجهيزات العقد ووليد مشغول مع المستشفى ويجي يطل ناس مديحة شوية وناس مصطفى شوية