رواية حسرة الفصل الثامن عشر18 بقلم رؤى عمر

رواية حسرة الفصل الثامن عشر18 بقلم رؤى عمر ‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

بعد الرسالة دي خفت شديد وأول زول خطر على بالي أحمد!! 

اكيد دا هو لو م كدا الليلة كان واقف جنب بيتنا بعمل في شنو ياهو دا هو بس م في غيرو

 بس تاني قلت معقول يعملها امي قالت اتعالج معناها م اتعالج ولا حاجة ياربي دي مصيبة شنو كمان يعني لحدي اللحظة دي الحصل لينا م شوية كمان تظهر لينا دي بقيت ماشة و جاية في الغرفة م عرفت اعمل شنو مرة اقول دا أحمد ومرة اقول لالا م بعملها فكرت اكلم محمد بس اتذكرت موضوع علا الظهر ليهو فجأة دا و ممكن اودي الرسالة دي الشرطة اكيد أمن المعلوماتية بقدرو يصلو للزول الرسلها وبعرفو موقعو وين تاني غيرت رأيي وقلت ح اكلم سهى و اشوفها بتقول لي شنو مشيت وريتها الرسالة قالت لي مفروض تكلمي محمد يا نور دا موضوع خطير اتخيلي الزول دا تاني يحاول يأذيهو ولا مثلا علا تحصل ليها حاجة قلت ليها اي عارفة انو الموضوع خطير و خايفة عليهم شديد بس يا سهى انا شاكة في أحمد عايزة اتأكد دا هو ولا لا قالت لي و تتأكدي انتي لشنو خلي الشرطة تشوف شغلها اوعك تقربي من أحمد دا تاني يا نور انتي الضمنك شنو انو اتعالج زاتو شوفي احسن تسمعي كلامي دا المد*من لا يؤتمن يعني اذا هو طلع من المستشفى دا م معناهو انو م يرجع للحاجات الكان باخدها زمان عشان كدا اوعى تتهوري و تعملي الفي راسك دا قلت ليها طيب الصباح بشوف ح اعمل شنو

قالت لي عارفاك عنيدة و بتعملي العايزاهو بس المرة دي انتي م براك يا نور علا و محمد جوا القصة دي اعملي ليهم اعتبار قبل تخطي اي خطوة قلت ليها اسي م تكتري كلامك قلت ليك الصباح رباح يلا نومي

اول م طلعت من سهى سجلت رقم أحمد عندي في التلفون اصلا كنت لسه حافظاهو كنت ح ارسل ليهو بس غيرت رأيي دخلت غرفتنا لقيت محمد نام ختيت تلفوني في الشاحن كنت بفكر لحدي م نعست و نمت

لمن صحيت اول حاجة عملتها رسلت لأحمد رسالة قلت ليهو عايزة الاقيك اتذكرت مدرسة علا وأنها بتكون اتأخرت نزلت لقيتها قاعدة في التلفزيون قلت ليها علا صباح الخير مالك م جاهزة للمدرسة قبل ترد جاني محمد طالع من المطبخ قال لي اديتها يوم اجازة و غمز لي بعينو

قلت ليهو ايواا طيب لازم نعمل حاجة في اليوم الحلو دا رأيكم شنو اعمل ليكم كيكة علا قالت لي ياااي اعمليها و تكون بالشوكلاتة قلت ليها عيوني ليك و مشيت على المطبخ محمد طوالي لحقني قلت ليهو لشنو م خليتها تمشي المدرسة قال لي خايف خالها دا يمشي ليها في المدرسة و يحاول يسوقها قلت ليهو بس انك تقعدها من المدرسة دا م حل يا محمد يعني ح تقعد كدا لمتين قال لي لمن احل الموضوع دا و لو م اتحل ح نسافر برا اصلا انا لسه م رفضت عقد السعودية نمشي و تخلص قرايتها هناك قلت ليهو دا برضو م حل امشي اتفاهم مع الناس ديل اكيد في طريقة تتفاهمو بيها يا محمد عشان مصلحة علا في الأول فكر فيها عاين لي بس وطلع

جاتني سهى قالت كلمتيهو بالرسالة ولا شنو قلت ليها اول حاجة صباح الخير ولا م ريتو لسه  قالت لي منتظرة شنو يا نور عايزة توريهو متين قلت ليها ح اوريهو بس م اسي عندي حاجة عايزة اعملها بالأول قالت لي شوفي بعدين م تقولي م حذرتك قلت ليها م تخافي م بقول

 شنو يعني يا جماعة الليلة كلكم متفقين علي ولا شنو م في زول قادر يفهمني ربنا يصبرني عاينت لي بس و م ردت قلت ليها ناوليني الدقيق من الدرج ادتني ليهو و طلعت

 بعد عملت الكيكة و شربنا الشاي قلت اشوف أحمد رد ولا لا بس لقيتو م رد طوالي ضربت ليهو لمن رد قلت ليهو أحمد انا نور ممكن نتلاقى قال لي اهلين يا نور اي انا زاتي في الحاجة عايز اقولها ليك بس م لقيت فرصة و رقمك القديم كان مقفول قلت ليهو طيب انا بعدين بطلع و بوريك نتلاقى وين

محمد جاء و قال لي طالع اشوف محامي قلت ليهو محامي لشنو بالضبط قال لي ح يكون لشنو يا نور عشان قصة علا دي قلت ليهو اسي انت جاك إشعار من المحكمة انو رفعو عليك دعوى حضانة؟!

قال لي بس ح يرفعوها قلت ليهو لمن يرفعوها بعدين شوف ليك محامي و يمكن م يرفعوها زاتو قعدت جنبو و مسكت يدو قلت ليهو يا محمد انا فاهمة خوفك و توترك دا و انا خايفة اكتر منك والله بس امشي ليهم و اتكلم معاهم انا متأكدة في حل ولو عايز بمشي معاك ليهم قال لي خايف اخسرها يانور م عارف اعمل شنو راسي دا ضارب قلت لازم أول حاجة تروق و زي م قلت ليك حاول معاهم بالكلام لو رفضوا بعدين نشوف حل تاني

 قال لي طيب تمام بضرب ليهم و بمشي بعدين و بسوقها معاي قلت ليهو لالا اسي انت امشي براك يمكن يكون النقاش حاد عشان كدا م تسوقها لو اتفقتوا ممكن بعد داك يوم تمشي معاك قال لي تمام و ضم يديني و ختاهم في صدرو ❤️

للحظة كنت ح اوريهو بموضوع الرسالة بس قلت بعد اتأكد دا أحمد ولا لا بعدها ح اوريهو يمكن م يكون أحمد و محمد لمن يعرف يتهور و يعمل حاجة نندم عليها

 قلت لمحمد اني ماشة لصحبتي وضعت م بتأخر و طلعت رسلت ل أحمد عنوان الكافيه و انتظرتو كنت كل الوقت بفكر في الرسالة لمن وصل قعد طوالي و قال لي اول حاجة عايز اعتذر منك يا نور انا غلطت عليك بتمنى تكوني سامحتيني قلت ليهو حصل خير عايز تقابلني لشنو قال لي م عارف أبدأ ليك من وين بس شكلو في زول حاول يق*تل محمد قلت ليهو و انت عرفت من وين شوف يا احمد إذا عندك خطة عايزة تنفذها عشان تأذي بيها محمد وعلا احسن تتراجع عنها قال لي انتي بتقولي في شنو انتي متوقعة انو دي خطة و انا عايز اضركم بيها؟!

عاينت ليهو بدون م انطق و طلعت التلفون فتحت الرسالة وقلت ليهو مش دي صفحتك شال التلفون و قال لي لا دا م انا قلت ليهو طيب كيف عرفت انو في زول عايز يق*تل محمد يمكن تكون دا انت ودي حركة منك عشان م أشك فيك صاح؟

طلع تلفونو و وراني رسايل تهديد من نفس الصفحة قلت ليهو اها يمكن تكون دي صفحتك و انت الرسلت لنفسك الرسايل دي عشان تكون دليل برائتك قال لي لو صفحتي تفتكري الشرطة بعدين ما ح تكتشف دا اكيد انا م غبي للدرجة دي

 انا عارف انك كرهتيني بس م للدرجة دي كمان معقولة تشكي اني ممكن احاول اق*تل قلت ليهو مش خطفتني يا احمد ولا انا غلطانة؟؟! اي بشك فيك و م بستبعد انك تعملها انت كنت مد*من عارف يعني شنو الكلمة دي يعني ممكن تتصرف اي تصرف و انت م واعي شوف لو دا انت انا عمري ما ح اسامحك انا بقبل اي حاجة تحصل لي بس إلا محمد وعلا اوعك تقرب ناحيتهم يا احمد عشان م تشوف وشي التاني انا خسرت طفلي بسبب الحصل لمحمد و م ناوية اخسر زول تاني فهمت انا بقول في شنو عشان كدا قبل م تعمل حاجة تندم عليها طول عمرك ابعد مننا و طلعني من راسك قال لي طيب خير بس ممكن بعد تهدديك دا  تركزي معاي انا شبه  عارف سيد الصفحة دا منو لاحظي انو الزول دا هددني بيك انتي

 و انتي هددوك بمحمد وعلا يعني سيد الصفحة دي عارف اني لسه بحبك و أمرك بهمني و عارف انك سعيدة مع محمد و علا و انهم أغلى اتنين على قلبك حسب مفهوم الرسايل دي معناها انا و انتي اذينا الزول دا أو غلطنا معاهو قبل كدا عشان كدا بكرهنا و ظاهر انو دي رسايل انتقام

صلحت قعدتي و قلت ليهو اها منو يا أحمد!

يتبع 

              الفصل التاسع عشر من هنا

لقراءة باقي الفصول من هنا

تعديل المقال