رواية حسرة الفصل السابع7 بقلم رؤى عمر
ركبنا الأمجاد و قلت ليهو اتحرك طوالي محمد شافنا ركبنا ناداني بس م حاولت أتلفت و أشر لبتاع الأمجاد يقيف بس انا قلت ليهو م تقيف نهائي و فعلا مشينا امي قالت لي مالك يا نور في شنو قلت ليها لمن نصل البيت بحكي ليك محمد اتصل علي كم مكالمة بس م رديت و لمن كتر المكالمات قفلت تلفوني
بعد وصلنا البيت حكيت لأمي بالسمعتو كلو و قلت ليها انو سهير ناوية تعرس محمد قالت لي انتي واحدة و غبية بس مفروض م كنتي تخليها تمشي معاهو اسي اكيد بكون وصلها و انتي قاعدة هنا على الأقل لمن تكوني معاهم م بتقدر تتقرب منو والله يا نور تحيري الواحد
قلت ليها انا يا أمي م بحب الحركات دي و بعدين البقعدها قدام شنو قالت لي انتي كان تصبري و تشوفي محمد ح يعمل شنو قلت ليها مستحيل ينزلها من المقعد يا أمي قالت لي برضو كنتي تصبري و م تستعجلي و اسي
قالت لي برضو كنتي تصبري و م تستعجلي و اسي م بتردي ليهو عشان الموقف دا بس خليك كدا لمن فعلا تخطفو منك فكرت في كلام أمي و قلت فعلا م كان اتصرف كدا بس بالجد ضايقتني بحركاتها و طريقة كلامها
كنت مفكرة احكي لمحمد بس قلت م في داعي انكد عليهو انا عارفة انو بحبني انا و متأكدة من كدا و لو هي اصلا ممكن تعجبو م كان اختارني انا مع انها موجودة في حياتو قبلي
فتحت تلفوني و اتصلت لمحمد اول حاجة طبعا سألني عملت كدا لشنو قلت ليهو بس عشان كنا مستعجلين و قلت م أطول عليك المشوار و اتعبك لمن توصلنا و بعدين توصل سهير برضو بس فاجأني بردو لمن قال لي انتي يا نور قايلاني م بفهمك ولا شنو انتي خلاص بقيتي نصي التاني و أي تصرف تعمليهو انا بفهمو
انا لاحظت انك اتضايقتي من سهير و من حركاتها بس اتأكدي انو انا م عندي ليها حاجة و مستحيل افكر اعاين لواحدة غيرك هي بت عمتي م اكتر و انا لو ممكن اتخيلها اكتر من كدا كنت عرستها زماان عشان كدا م تخافي
دموعي طوالي نزلو بعد كلامو دا و قلت ليهو اسفة لو زعلت مني قال لي مستحيل ازعل منك يا نور واطمني يا ستي م وصلتها زاتو بعد انتي مشيتي اعتذرت منها و طلبت ليها ترحال طوالي ابتسمت و قلت ليهو بالجد؟!
قال لي ايوة يا نور اي حاجة ممكن تضايقك انا م بعملها و بالمناسبة غيرتك حلوة و ضحك
قلت ليهو دي م غيرة قال لي م ح اتجادل معاك المهم اوعك تفكري تختي نفسك في مقارنة مع أي زول و انا بوعدك اني في كل لحظة و كل موقف ح أختارك انتي❤️
فرحت بكلام محمد شديد و قلت ليهو بالجد ألف الحمدلله عليك يا محمد قال لي و الحمدلله انو اداني واحدة زيك كدا
بعدها غيرنا الموضوع و بقينا نتونس لحدي م سمعت المغرب بأذن قلت ليهو اصلي و ارسل ليك واتس و قفلت الخط
طلعت مبسوطة من الغرفة و ظاهر علي انو في حاجة مفرحاني امي و سهى قالوا لي خير مالك فرحانة كدا وريتهم كلام محمد و سهى قالت لي لو فكرتي تخلي محمد يتضايق تاني أو تزعليهو بقتلك عديل امي قعدت تضحك و قالت لي عشان تاني م تستعجلي ساي واوعك تاني تحاولي تخلي.
واوعك تاني تحاولي تخلي حقك لازم تحافظي على زواجك و م تسمحي لحاجات بسيطة تزعجك
قلت ليهم تمام قايمة اصلي مشيت صليت و دخلت نمت طوالي
الصباح لمن صحيت لقيت سهى طالعة للجامعة ناديتها و قلت ليها م حكيتي لي الحصل شنو تاني في موضوع هشام قالت لي ولا حاجة فعلا خطب سماح و انا خسرتو للأبد و عيونها اتملوا دموع قلت ليها م حاولتي تفهمي منها عملت كدا لشنو؟
قالت لي سألتها و اتخيلي قالت اصلا هشام مفروض يتزوجها هي و انها أحق بيهو و عايرتني بنون و بالعملتو زمان قدام زميلاتنا و اسي كل البنات م في واحدة منهم بتتكلم معاي تعبت انا يا نور لمتين الماضي دا ح يلاحقني كدا و بكت حضنتها علي و قلت ليها الزمن ح ينسيك اي حاجة و معنى كدا م عندك نصيب مع هشام و البنات ديل م تشتغلي بيهم كتير امشي احضري محاضراتك و تعالى م تركزي في حاجة ممكن تضايقك انتي قوية و دي حاجة انا متأكدة منها و فترة و ح تعدي اصلا م باقي ليك معاهم كتير اصبري قالت لي تمام وصلتها للباب و جيت راجعة قبل م اقفل الباب كويس في زول لزاهو شديد انتبهت انها ام احمد قلت ليها بسم الله مالك في شنو خير قالت لي من وين يجي الخير من ما ولدي دا عرسك و اتلميتي علينا م لقينا خير وشك الفقر دا بجي من وراهو خير كمان؟!
امي جات طالعة و قالت ليها مالك يا سوسن هايجة من الصباح انتي قايلة روحك داخلة زريبة و بعدين بأي حق تتكلمي مع بتي كدا و اتفضلي اطلعي برا سرييع قالت لأمي م طالعة الا اقول كلامي دا شوفي يا نور احسن تطلعي من حياة ولدي طلقناك م اتحلينا منك عرسنا للولد و برضو م ارتحنا من سيرتك و اسي انتي عرستي و م بتخجلي لسه جارية ورا ولدي؟
قلت ليها انتي بتقولي في شنو مالي و مال ولدك انا عشان أجري وراهو احسن تشوفو ليكم شغلة غيرنا و بعدين أحمد دا انا نسيتو و سيرتو دي م قاعدة اجيبها قالت لي الكذب خليهو انا عارفة نواياك و انك عرستي عشان تغيظي ولدي و عشان م تخليهو يتهنى بعرسو و اخترتي ايام هو في شهر العسل حتى عملتي العقد
قلت ليها ولا في بالي اصلا لا ولدك ولا عرسو و لو سمحتي
قلت ليها ولا في بالي اصلا لا ولدك ولا عرسو و لو سمحتي انحنا م عايزين فضايح مع الصباح قالت لي فضايح؟! انتي و اختك م ناقصات زول يعمل ليكم فضيحة لأنكن م مقصرات اصلا امي قالت ليها انحنا لحدي اللحظة دي محترميين معاك م تغلطي و تتجاوزي حدودك و زي م سمعتي اتفضلي اطلعي من بيتي قالت لأمي طالعة من قصركم دا بس انا جيت احذر بتك دي تبعد من أحمد و هي قايلة اننا ما ح نكتشف أنها كاتباهو تاريهو السنين دي كلها طافش و اسي بعد عرس اتغير أحمد الما صوتو على زول بقى يضرب مرتو من م عرستي اتغير و بقى زول تاني
قلت ليها لا اتغير ولا حاجة ولدك اصلو واحد اناني و كذاب و السوء دا طبع فيهو و انا لمن أقرر اكتب زول م بكتبو هو و يلا اطلعي برا م قالت حاجة طلعت و انا قفلت الباب وراها
امي جاتها دوخة و قالت لي دخليني جوا و اديني حبة الضغط اديتها الحبة و قعدت قدامها قلت ليها حاسة بشنو يا أمي قالت لي محتارة في سوسن و القالتو دا الناس ديل م بخجلو ولا شنو قلت ليها م تختي في بالك براها ح توعى و تعرف انو البتعمل فيهو دا م صاح و اتهامها لي دا م عندو اي اساس من الصحة انا و انتي عارفين الكلام دا كويس قالت لي ايوة صاح بس احمد دا مالو م يكون جن كمان قلت ليها بطريقتو يا أمي م بهمني و ياريت تاني م نفتح السيرة دي حتى ابوي م تحكي ليهو قالت لي لالا م بكلمو قلت ليها طيب ارفعي رجلينك و ارتاحي انا بعمل الفطور
بعد يومين نزلت المدرسة جاتني علا جارية و حضنتني قالت لي مبروك يا ماما نور فرحت بالاسم شديد قالت لي ممكن اقول ليك ماما مش؟
قلت ليها اكييد يا حبيبتي بس لمن نكون في البيت هنا تقولي لي استاذة قالت لي حااضر انتبهت لتسريحتها قلت ليها ما شاء الله شعرك حلو السرح ليك منو البت المعاكم؟ قالت لي لا دي عمتو سهير اتضايقت بس م خليتها تلاحظ قلت ليها مشيتي بيت حبوبة مريم؟
قالت لي لالا عمتو سهير و تيتا مريم معانا في البيت ليهم يومين في اللحظة دي انا كنت ح انفجر من الغضب قلت ليها طيب امشي الفصل و طوالي طلعت مشيت لمحمد في المستشفى عشان اعرف اليبب البخليها م يقول لي بقعدة سهير معاهم في البيت و كمان ليها يومين لمن وصلت مشيت على مكتبو و الباب كان فاتح و اتفاجأت لمن شفت سهير معاهو و هو بقول ليها انا معاك م تشيلي هم!💔