رواية حسرة الفصل السادس6 بقلم رؤى عمر

رواية حسرة الفصل السادس6 بقلم رؤى عمر

 ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

قال لي أستاذة نور تتزوجيني؟!!

انصدمت و اتفاجأت في نفس اللحظة م عرفت أرد أقول شنو بس طوالي اتحركت و مشيت على البنات لمينا الحاجات و اتأكدت انهم كلهم موجودين و انا ماشة على الحافلة عشان نتحرك وقفني دكتور محمد اتوقعت انو عايز يتكلم معاي في موضوع عرض الزواج تاني بس م قال حاجة عنو قال لي انا ح اسوق علا من هنا و يلا تصلوا بالسلامة قلت ليهو تمام تسلم و ركبت طول الطريق كنت بفكر في  دكتور محمد و في عرضو لي

بعد وصلنا المدرسة انتظرت البنات لمن كلهم طلعوا و بعدها مشيت البيت لمن وصلت دخلت بدون م اسلم و قعدت قدام أمي قالت لي مالو وشك دا عامل كدا يا بت حاصلة معاك حاجة؟ قلت ليها دكتور محمد أتقدم لي فرحت و قالت لي اللقيناهو في المستشفى؟ قلت ليها ايوة هو زاتو قالت لي و مالو وشك دا م بتفسر م تكوني رفضتي بس

قالت لي و مالو وشك دا م بتفسر م تكوني رفضتي بس

شوفي يا نور انتي وعدتيني اول عريس ح توافقي عليهو و قلتي انك عند كلمتك قلت ليها بس م اتوقعت ابدا انو يكون دكتور محمد قالت لي و مالو دكتور محمد يا نور غلط معاك قبل كدا ولا فيهو عيب قلت ليها ولا دا ولا دا  بس م بقدر أوافق بتو تلميذة عندي و شايفة انها م ظريفة و بعدين زاتو م عشان انا منفصلة اقوم استعجل العرس كدا قالت لي اول حاجة دا م سبب ترفضيهو عشانو و يا نور انتي م صغيرة الليلة دا عمرك ٣٣ سنة لو م عرستي اسي ح تعرسي متين و تعملي أسرة مش قلتي عايزة تبقي أم انتي م جاهلة و اكيد عارفة العمر المناسب للولادة بنتهي متين اصلك م كان ترفضيهو قلت ليها م رفضت لسه بس ناوية كدا قالت لي ولا ناوية ولا بتاع فكري كويس قبل تاخدي قرار فهمتي قلت ليها تمام و قمت دخلت غرفتي طلعت تلفوني من الشنطة و كان دكتور محمد متصل اترددت ارد ولا لا بس في النهاية رديت قال لي يا أستاذة نور انا آسف لو ضايقتك بكلامي قبيل و بالجد م كان قاصد كدا بتمنى علاقتك بينا م تتغير انتي خلاص شبه بقيتي من الأسرة قلت ليهو حصل خير م في حاجة تضايق قال لي تمام قبل يقفل قلت ليهو انا موافقة!

سكت فترة و بعدها قال لي بالجد يا نور قلت لي ايوة بالجد قال لي طيب تمام انا في أقرب فرصة ح أصل البيت قلت ليهو تمام و قفلت الخط قلت في سري يا رب م اكون اخدت قرار خطأ بس كلام امي خلاني افكر في دكتور محمد بصورة جادة

بعد أسبوعين كنت متواصلة فيهم مع دكتور محمد وأغلب الوقت بنتكلم  يوم رسل لي في الواتس و قال لي انو جاي البيت بكرة لأبوي عشان يتقدم رسمي قلت ليهو تمام و مشيت كلمت امي فرحت و بقت تزغرت سهى جات جارية و قالت لينا في شنو يا جماعة وريتها و فرحت شديد و زغرتت برضو امي قالت لينا انا بمشي بكلم ابوكم و انتوا أبدوا نضافة و ترتيب من هسي و فعلا بدينا نضافة في البيت و تعبنا شديد الصباح سهى صحتني ٥ صباحا و قالت لي قومي اشربي الشاي مفروض نمشي السوق نجيب ليك حاجة تلبسيها قلت ليها طيب بس خليني انوم شوية جرتني من يدي و قالت لي ٥ دقايق امشي و اجي القاك جاهزة قمت جهزت و كان في شغل في البيت خلصناهو و طلعنا جبنا فستان باللون الزيتي و طقمناهو و جبنا اكسسوارات لمن رجعنا البيت طوالي سهى بدت تجهز فيني زي الساعة ٤ محمد و أخوهو و معاهم أعمامهم وصلوا و اتكلموا مع ابوي

سهى قالت لي ماشة اشوف الحاصل شنو و اجي راجعة لمن طلعت و جات قالت لي بالجد بختك يا نور ربنا يديني واحد زي محمد دا😭

ضحكت و قلت ليها خلي حركاتك دي و وريني الحاصل شنو برا قالت لي بتكلموا و شكلو ابوي وافق اسي بنادوك أثناء م بنتكلم جات امي و قالت لي عايزين يعقدوا و ابوك قال أسألك عندك مانع؟

قلت ليها لا م عندي و سهى جرت طلعت بطاقتي القومية و أدتها لأمي بعد شوية سمعت صوت الزغاريت و صوت رصاص قلبي ضرب شديد و كنت خايفة و فرحانة في نفس الوقت محمد في أسبوعين بس باهتمامو بي و حبو خلاني احبو و اتعلق بيهو❤️

بعد صوت الرصاص وقف جاء محمد و طوالي سهى طلعت من الغرفة سلم لي في رأسي و قال لي  يا نور خلاص اجتمعنا و بقيتي حلالي ربنا يخليك لي و يقدرني اني اسعدك اتأكدي انو الحياة الزوجية فيها مشاكل بس ولا يوم ح اخليك تنومي زعلانة مني و لا يوم ح اخليك تندمي انك وافقتي على قرارك بالزواج مني و ضماني عليهو عيوني تلقائيا دمعو و حضنتو قوي قلت ليهو ربنا يسعدنا يا محمد❤️و

جات سهى وقالت لينا يلا خلاص اطلعوا عشان الناس تبارك ليكم طلعنا و قعدنا جنب بعض و محمد كان بس مركز معاي و بعاين لي سهى صورتنا كم صورة و كانوا حلويين شديد بعدها هم استأذنوا و طلعو

و اتفقنا بكرة نتلاقى عشان نشتري الدبل مع بعض بعد مشوا امي كانت فرحانة شديد و حتى ابوي كان الرضا ظاهر في وشو و قال لي يا بتي ربنا عوضك بمحمد دا و ان شاء الله تكوني سعيدة معاهو قلت ليهو اللهم آمييين جاتني سهى و ورتني الصور اخترت الصورة الكان بعاين لي فيها و ختيتها استوري و كتبت ‏"كان يلمس قلبي بعينيه" و عملت بوست في الفيس بنفس الصور ❤️❤️❤️

تاني يوم مشينا و اشترينا الدبل مع بعض محمد قال لي رأيك شنو نتغدى قعدنا في مطعم ظريف و طلبنا الأكل محمد قال لي قبل م انسى عماتي عاملين كرامة لمصطفى عشان جاء من السفر طبعا دا اخوهو الكبير و قال لي لازم تجي قلت ليهو تمام بحاول اجي  قعدنا شوية و بعدها هو وصلني البيت قبل انزل من العربية قال لي رأيك شنو نقدم العرس و نعملو الشهر الجاي دا ضحكت و قلت ليهو لا مستحيل ح نعملو في الزمن المحدد يعني بعد ٣ شهور قال لي مع اني م موافق بس أمرك يا ستي و اتناول حاجة من المقعد الورا و قال لي دي هديتي انا و علا بمناسبة العقد قلت ليهو م كنت تتعب نفسك وصحي عايزة أسألك ردة فعل علا كانت كيف لمن عرفت بزواجنا

 ‏​عايزة أسألك ردة فعل علا كانت كيف لمن عرفت بزواجنا دا قال لي فرحت شديد و كل يوم بتتكلم في موضوع العرس و توريني ح تلبس شنو و ح تسرح كيف قال لي انا وبتي بنحبك يا نور قلت ليهو و انا بحبكم ❤️

قال لي شوفي الهدية لمن فتحتها كانت طقم اساور و معاهو ساعة و كانو حلويين شديد محمد طلع واحدة من الأسوار و لبسني ليها و قال لي ياداب شكلها ظهر و بقت حلوة و مسك يدي و صور يدينا مع بعض بعدها انا ودعتو و دخلت البيت

 كلمت امي بموضوع الكرامة و قالت لي بمشي معاك يوم الكرامة الصباح لبست فستان اسود بطرحة بيضاء و هيلز ابيض و لبست طقم الساعة الجابو لي محمد و طلعنا لمن وصلنا استقبلونا كويس شديد بس كان في بت سلامها غريب حتى نظراتها غريبة حاولت م اركز معاها بس م قدرت لأنها كانت طول الوقت بتعاين لي و عينها م نزلتها مني

جهزنا صواني الغداء و دخلت اعمل الشاي و كان قدام مطبخهم في مظلة كدا و زقاق طلعت عشان اقعد في المظلة سمعت صوت همس لمن قربت كانت دي البت القبيل بتتكلم مع مرتين كبار في العمر واحدة قالت ليها ياهو الخفنا منو حصل جات واحدة غريبة و عرست محمد و انتن قاعدات كدا  المرة التانية قالت ليها انا كلمتك يا سهير يا بتي قلت ليك محمد دا عريس م بتفوت عملتي فيها تقيلة لمن خطفوهو منك اسي ح تعملي شنو يعني قالت ليهم اسمعوني اسي م فات شي و محمد ممكن عادي يطلقها واحدة منهم قالت ليها م بطلقها والله محمد دا واقع في البت دي و م بخليها قالت ليهم حتى لو م طلقها الشرع حلل ليهو ٤ و قعدت تضحك قالت ليها الا كدا بس لكن لازم تلفتي انتباهو قالت ليهم و دا الناوية عليهو إن شاء الله قبل عرسو منها ح أكون وقعتو!

بعدها محمد ناداني و لمن قلت نعم هم طوالي جو طالعين و ظاهر عليهم كانوا مخلوعين و انتبهت ليها م نزلت عينها من محمد خالص و كانت ح تاكلو بعيونها طوالي اتحركت لمن خليت محمد يديها ضهرو و بقيت اتكلم معاهو و قلت ليهو الهناك ديل منو قال لي دي عمتي رقية و التانية عمتي مريم و دي بت عمتي مريم اسمها سهير قلت ليهو ايواا قال لي في حاجة؟ قلت ليهو لالا م في حاجة اها ناديتني لشنو قال لي كنت عايز اوصلكم البيت انتي و عمتي شادية قلت ليهو طيب اكلمها دخلت جوا و لمن طلعت لقيت سهير واقفة معاهو و بتضحك لمن وصلتهم قلت ليهو نمشي؟

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

قال لي أستاذة طوالي هي ردت و قالت لي لسه بدري خليكم شوية ولا رديت ليها و قلت لمحمد يلا ارح محمد استغرب و بقى يعاين لي لكن م قال حاجة وقال ليها يلا سهير مع السلامة طوالي قالت لي ساكنة وين انتي قلت ليها شرق النيل قالت لي كويس دي فرصة وصلوني معاكم ماشة المنشية انا عندي صحبتي عيانة ماشة ازورها قبل تسمع ردنا دخلت جوا و جات جارية عديل و شايلة شنطتها و مشت على عربية محمد و ركبت قدام!

انا طوالي ولا كذبت سقت امي و طلعنا محمد مشى على العربية و انا اول أمجاد جات ماشة وقفتها و ركبنا 

*"أعاني من أنانية مُفرطة تجاه من أحبهم، أكاد أبتلعهم."

يتبع 

                   الفصل السابع من هنا

لقراءة باقي الفصول من هنا

تعديل المقال