رواية حسرة الفصل الرابع عشر14 بقلم رؤى عمر

رواية حسرة الفصل الرابع عشر14 بقلم رؤى عمر​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

بتقول في شنو انت يا محمد دي م حبوبي و لا عمري شفتها و بعدين انا عايزة اجيب اولاد اكتر منك انت  يعني مستحيل افكر أوقف الولادة فاهمني؟ قال لي دا كلامك زمان بس الغيرو شنو يا نور انا ملاحظ ليك في الشهور الأخيرة متغيرة و م طبيعية الحاصل شنو فهميني قلت ليهو إحساسك غلط انا م متغيرة بس ضغوطات البيت و حاسة بملل لأني قاعدة لا شغلة ولا عملة بس و الكلام دا م عندو علاقة بزواجنا و رفضي اني يكون عندي ولد

 و انت مالك م جيت و سألتني مالي يا محمد يعني كنت حاسي و عارف انو في حاجة متغيرة انا طول اليوم واقفة في المطبخ أو بذاكر ل علا أو بنضف روتين متكرر و ممل حصل يوم جيتك و اشتكيت رد لي م اشتكيت صاح؟! حصل يوم لمن تكون طالع مع اصحابك قلت برضو نور ليها علي حق ولازم تغير جو برضو

 و الحبوب دي انا م جبتها ولا دخلتها في الدولاب لو عايز صدق ولو م عايز بطريقتك قال لي يعني علا دي مضايقاك و بتتعبي منها و شايفاني و كمان صنفتيني اناني و م عندي مشاعر يا نور معقولة بس طيب مالك م قلتي لي انا تعبت يا محمد و عايزة ارتاح كنت عملت المستحيل عشانك و كنتي تقولي لي عايزة اطلع من البيت و اتفسح عادي على فكرة لأني انا م حابسك و ساجنك هنا كلهم كلمتين يعني م قادرة تقوليهم؟!

انحنا مش اتفقنا لمن يكون في كلام في قلبك تجي و توريني مش انا قلت ليك يا نور اشكيني لي طوالي و انا دايما و في كل لحظة و في كل موقف ح اقيف معاك ضدي مش قلت ليك كدا و بالنسبة لموضوع الحبوب انحنا يا نور م في زول غريب بدخل بيتنا يعني ح يكون ختاهم منو و كمان م شريط واحد ديل ٤ يعني ليك ٤ شهور بتاخدي الحبوب دي قلت ليهو اسي قلبت علي لشنو؟!! و انا قبل م أوافق اتزوجك كنت عارفة انو عندك بت و انا بعتبرها زي بتي و عمري م تعبت من خدمتها بس يومي ياهو نفس اليوم من زمن عرسنا م في جديد م في مواضيع اسي يا محمد انت آخر مرة قلت لي فيها بحبك متين؟

م متذكر صاح بتجي من الشغل و بتطلع يا مشيت لأعمامك أو مشيت اتعشيت مع اصحابك و كمان عايزني انبهك و اقول ليك اعمل كدا و م تعمل كدا و و اقول ليك حبني و حسسني اني م مجرد حاجة عادية في حياتك ؟!

 اها طيب قول وريتك الفايدة شنو يعني إلا اذكرك اني انسانة بتحس و بتتعب الاهتمام م بشحدوهو مفروض براهو يجي منك يا محمد  و انا قلت ليك في موضوع الحبوب دا صدق العايز  تصدقو لأني انا عارفة إذا أنا اخدتهم ولا لا

 و طلعت خليت ليهو الغرفة مشيت غرفة الضيوف وبكيت و سألت نفسي سؤال لي فترة بسألو هل انا اتسرعت لمن عرست محمد ختيت يدي في بطني و قررت امشي بيتنا ارتاح و اروق كم يوم من الضغط دا

 كنت منتظرة محمد يجي و يصالحني انتظرت بس خيب أملي و م حاول يجيني بعد الساعة ٩ نزلت عشان اكل حاجة البيت كان مضلم مشيت على غرفتنا و فتحت الباب برااحة شفت علا نايمة مع ابوها طوالي نزلت المطبخ و شفت عدة في الحوض قلت معناها اتغدوا و محمد ولا فكر فيني و قال نور م أكلت حاجة دموعي نزلت بس مسحتهم و صممت على المشي ختيت لي اكل اكلت لمن كنت طالعة شفت محمد وراي وقفت عشان لو عايز يقول كلام اسمعو بس هو اتجاوزني شرب موية و شال معاهو كباية أظنها لعلا و طلع خلاني واقفة رجعت الغرفة و حاولت انوم بس للصباح م قدرت طلعت عشان اجهز علا للمدرسة لقيتها جاهزة و محمد بدخل ليها الفطور في الشنطة وقفت محلي محمد لمن شافني بقى يعاين لي بس و قال لعلا يلا ح نتأخر جات جارية قالت لي صباح الخير وباستني في خدي وطلعت طوالي

 انا كنت بس بعاين لمحمد و نظرتو الاتغيرت فجأة دي كأني بعاين لواحد غريب تصرفاتو دي فهمت منها حاجة واحدة بس انو انا م فارقة معاهو كأنو بقول لي انا و علا م محتاجين ليك بيك أو بدونك حياتنا ماشة و ما ح تقيف عليك طلع و قفل الباب

طوالي دخلت غرفتي شلت شنطة صغيرة و دخلت فيها كم غيار و حاجاتي المهمة شربت الشاي و طلبت ترحال قفلت البيت و طلعت

لمن وصلت البيت و دخلت امي استغربت لمن شافت الشنطة قال لي دي شنو الشنطة دي مشيت عليها و حضنتها و قعدت ابكي خافت و قالت لي في شنو يا نور خوفتيني حكيت ليها الحاصل كلو قالت لي محمد بالغ معاك كيف يعني م يصدقك قلت ليها خليهو بطريقتو بعد أفحص لو طلعت حامل براهو ح يعرف غلطو قالت لي اي ذكرتيني خليني اغير و نمشي العيادة الجنبنا دي

طلعنا و مشينا عملنا الفحص كنت منتظرة النتيجة و التوتر ظاهر علي كنت كل دقيقة بمشي المعمل بسألهم إذا طلعت أو لا امي جات و قالت لي اصبري لمن تطلع بنعرف لمن  قالوا لي طلعت شلتها و يدي كانت بترجف اترددت افتحها ولا لا أمي قالت لي خلينا نخش للدكتورة و هي تورينا دخلنا و أديت الدكتورة النتيجة فتحتها و قالت لي ألف مبروك انتي حامل ربنا يتم ليك على خير حضنت امي و بكيت امي قالت للدكتورة معليش ليها كم سنة منتظرة تسمع الكلمة دي و ساقتني لمن رجعنا البيت

 اول حاجة فكرت فيها اني اكلم محمد طلعت تلفوني بس اتراجعت قلت اكلمو المساء و اشوفو ح يعمل شنو لمن م يلقاني في البيت رسلت ليهو رسالة و وريتو اني في بيتنا و انتظرت ردو استلم الرسايل و شافهم طوالي لمن ظهر لي يكتب الآن طلعت و قفلت التلفون و كنت منتظرة الرسالة تصل اول م رد لي فتحت التلفون بس اتفاجأت بالرد قال لي طيب براحتك لو منتظرة اني اجي و احنسك عشان ترجعي احسن م تنتظري لأنه انا م طردتك من البيت ولمن طلعتي م استأذنتي مني و البيت بيتك متى م قررتي ترجعي بابو مفتوح ليك

انصدمت من رد محمد شديد قلت معقولة دا محمد الأنا بعرفو ولا يمكن دا محمد الحقيقي و انا م لاحظت للحاجة دي حسيت بأني كنت بحب زول و اسي البتكلم معاي دا واحد تاني غيرو 💔

بعد قريت رسالة محمد رقدت في السرير و عاينت للسقف حاولت افسر كيف الحبوب دي دخلت دولابي لكن م لقيت تفسير بس فجأة اتذكرت يوم مي كانت في غرفتي قلت معقولة تكون هي دخلتهم طلعت لأمي و كلمتها اني شاكة في سهير وامها و مي بس ياهم م في غيرهم امي قالت لي و انتي ٥ شهور م طلعتي التياب و غسلتيهم ولا حتى رتبتي دولابك دا قلت ليها انا م فتحتو بس كانت فاطمة البت البتساعدني بترتب الدولاب و مهتمة بالحاجات دي بتكون شافتهم بس طبعا ما بتقدر تسألني منهم لأنو دي حاجة خاصة قالت لي ايوة صاح اسي انتي وريتي محمد بموضوع الحمل دا قلت ليها لالا خايفة يصالحني بس عشان انا حامل بالأول عايزة اتأكد من حاجة قالت لي اها يا نور عايزة تتأكدي من شنو قلت ليها عايزة اشوف بفقدني و بجي عشان يرجعني و بعدها بوريهو بالحمل قالت لي طيب براحتك مشت المطبخ و جابت لي كباية لبن و غصبتني اشربها  مسكت التلفون رسلت لمحمد اني شاكة في مي و سهير يعني هم الختو الحبوب في دولابي استلم الرسالة و ظهر لي انو شافها بس م رد

مرّ اسبوع كامل و محمد م رد لي و م فكر حتى يرسل رسالة كنت كل يوم بنوم و انا ببكي و أول حاجة بعملها الصباح لمن اصحى اني ابكي ابوي سألني قال لي لشنو قاعدة هنا اوعى يكون في مشكلة في البيت أو خلاف بينك و بين محمد قلت ليهو لالا بس عشان جلال نازل و قال ح يخطب طوالي عشان كدا قاعدة اساعد امي و سهى قال لي تمام بس م صدقتك ح امشيك قلت ليهو لالا صدقني م في حاجة

بعد يومين جلال نزل السودان شوفتو بعد المدة دي كلها فرحتني شديد اتلمينا كلنا في البيت كانت لحظات حلوة شديد و مشينا خطبنا ليهو ليلى كنت مبسوطة بس فجأة كلما بتذكر محمد و تصرفاتو معاي و طوالي بنزعج جلال بعد الخطوبة سافر طوالي

يوم و انا قاعدة في الحوش قررت اني أوري محمد بحملي دا و اشوف ح يقول شنو  ناديت سهى و وريتها بالعايزة اعملو قالت لي اي وريهو اصلا الحمل دا ح يوريهو انك صادقة وانك م اخدتي الحبوب  قلت ليها بمشي بكرة المستشفى و بتكلم معاهو قالت لي ايوة احسن والله قلت ليها كدي خليك مني ليك زمن بقيتي م بتوريني بالحاصل معاك قالت لي هو انتي فاضية لي كلما اجيك في البيت يا بتطبخي ولا بتذاكري لعلا أو أي حاجة تانية و لمن اضرب ليك بتقولي لي برجع ليك و م بترجعي قلت ليها حقك علي تاني ما ح يحصل دا قالت لي عاذراك انا قلت ليها طيب احكي قالت لي انو سماح و هشام فسخوا الخطوبة اصلا بعد التخريج تاني انا م لاقيتهم بس عرفت خبرهم دا من واحدة في الجامعة قلت ليها و السبب كان شنو قالت سماح قالت م اتفاهموا بس بس انتي عارفة الغريب شنو يا نور هشام رجع يرسل لي قلت ليها و قال عايز شنو قالت لي م عارفة والله انا أبداً م اديتو وش عشان يقول حاجة بس من كلامو فهمت انو ندمان و انو لسه بحبني طول المدة الفاتت دي بس يا نور م قادرة اتخطى الكلام القالو لي زمان و انو حتى م حاول يسمعني قلت ليها اديهو فرصة يمكن م فكر كويس و عندو عذر يعني اصلا هو م كان مفروض يعرف من سماح انتي كنتي توريهو قبل العلاقة دي تبدأ يعني اتخيلي انت تكون بتحب زول و في حاجة كبيرة في حياتو وانت م عارفها ولمن تعرف الحاصل تعرف من زول تاني 

 

قالت لي بس انا محتارة و م عارفة اعمل شنو قلت ليها م تفكري كتير و خليها زي م تجي تجي قالت لي تمام ماشة اشوف نون

ابوي طلع لمن شافني جاء قال لي محمد بكرة فاطر معانا قلت ليهو انت عزمتو قال لي لالا هو اتصل و قال جاي

 *من جانب محمد:* 

اول م شفت الحبوب في دولابها حسيت بإحساس غريب و قلت السبب البخليها تبلع الحبوب شنو معقولة رافضة انه يكون عندها ولد مني لمن سألتها استغرابها حيرني كانت زي الأول مرة تشوفهم كانوا و قالت فعلا انهم م تبعها و انها ما قاعدة تبلعهم بس م كانوا شريط واحد كانو أربعة و كلهم فاضيين يعني استخدمتهم و كلامها القالتو لي حيرني لمن اتهمت سهير و مي عشان كدا اول حاجة عملتها شلت الحبوب معاي المستشفى و سألت صحبي صيدلي من انواعهم قال لي في واحد تاريخ إنتاجو قبل ٣ شهور  و مي ليها ٥ شهور م دخلت بيتنا و طوالي عرفت انها بترمي التهمة على مي عشان تطلع بريئة عمري م اتوقعت انو نور تكذب علي و كمان تظلم مي و تتهمها اتهام زي دا و بقت تخلق حجج و مواضيع عشان اصدقها قالت م بهتم بيها و بعاملها كأنها حاجة في البيت و بس قررت اني امشي اكلم ابوها و اتفاهم معاهو و اشوف نور ح تقول شنو

 *من جانب نور:* 

صحيت الصباح و كنت متوترة شديد شربنا الشاي و بدينا نجهز في الفطور زي الساعة ٩ كدا محمد جاء دخل الصالون طوالي بعد أقل من ١٠ دقايق ابوي ناداني مشيت سلمت لمحمد و قعدت ابوي قال لي انتي يا نور بتستعملي حبوب منع الحمل لشنو؟

قلت ليهو يا ابوي والله انا عمري م شفتهم و عمري م بلعت حبة و م عارفة الجابهم دولابي شنو بالجد دي قصة تحير محمد قال لي عارفة البحير شنو اتهامك لمي بالكذب و تقولي انها الختتهم في دولابك قلت ليهو و فعلا دا الحصل انا متأكدة شفتها بعيني واقفة في دولابي قال لي نور استهدي بالله و دخل يدو في جيب قميصو و طلع الصندوق الكان فيهو الحبوب قال لي الحبوب دي تاريخ إنتاجها قبل ٣ شهور و مي دي ليها فترة م دخلت بيتنا يعني بالمنطق كدا جو دولابك كيف قلت ليهو كيف يعني وقفت وشلت الحبوب قريت تاريخ الإنتاج وفعلا كان ليهو ٣ شهور بس قال لي اها لسه متهمة مي يا نور م رديت ليهو ابوي قال لي يا بتي انتي لو م جاهزة للولادة كان تتفاهمي مع راجلك مش احسن من الحصل دا قلت ليهو يا ابوي والله انا م قاعدة ابلعهم اصلا محمد قال لي لسه بتنكري شوفي انا م زعلان عشان موضوع الحبوب انا زعلان لأنك شفتي جوا عيني و كذبتي علي و كمان بترمي غلطك على مي قلت ليهو طيب اسأل فاطمة كانت طوالي بترتب دولابي قال لي سألتها و قالت كانت بتشوفهم بس عشان دي حاجة خاصة م سألتك و حاولت توريني

 استغربت من تصرف فاطمة وقلت ليهو اوريك حاجة انتظرني هنا مشيت غرفتي جبت نتيجة فحص الحمل و الفيتامينات و صور الايكو للجنين و رجعت قلت ليهو انا ح اديك الورق دا تشوفو بس قبل م اديك ليهو اعرف اني تاني خالص م راجعة بيتك فاهم يا محمد لو قلت لي مصدقك و قلت م محتاج دليل ممكن تنقذ زواجنا اسي مصدقني ولا لا

 كنت متمنية انو يقول مصدقني و قلت في سري يا رب محمد يقول لي ارح بيتنا يا نور انا مصدقك و م مستعد اخسرك بس للأسف م قالها ومدّ لي يدو نظام اديني الورقة اديتو الورقة و الصور و الحبوب و قلت ليهو يعني كدا يا محمد طيب اتفضل و بتمنى ورقتي تصلني و وشك دا تاني م عايزة اشوفو فاهم

لمن محمد شاف الفحص و الصور قال لي انتي حامل يا نور؟!

*اُدعُ اللهَ أن لا تُدرِك الحقيقة متأخرًا، موجِعٌ أن تمشي أميالًا في اتجاهٍ خاطئ💔*

- أدهم شرقاوي.•

يتبع 

              الفصل الخامس عشر من هنا

لقراءة باقي الفصول من هنا

تعديل المقال