رواية حسرة الفصل الخامس5 بقلم رؤى عمر

رواية حسرة الفصل الخامس5 بقلم رؤى عمر ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

نزلت من العربية و شفت أحمد واقف جنب الباب دكتور محمد اتحرك طوالي و انا مشيت على أحمد قلت ليهو بتعمل شنو هنا و عايز شنو قال لي جيت اشوفك و اعتذر منك قلت ليهو افتكر انك اعتذرت المرة الفاتت قال لي والله انا نوم م بنوم اعفي لي نور قلت ليهو عفيت ليك بس وريني السبب الخلاك تعيشني في كذبة السنين دي كلها شنو؟ قال لي انا عملت الفحص بعد السنة التانية من زواجنا طوالي و قلت لو طلعت سليم ما ح انفصل عنك و طلعت عيان و كنت م بقدر ابعد عنك انا اتعلقت بيك شديد و م كنت قادر اتخيل حياتي بدونك حبك خلاني اناني و م فكرت غير في نفسي سامحيني قلت ليهو سامحتك يلا امشي من هنا م عايزة اشوف وشك اكتر من كدا قال لي من قلبك؟! قلت ليهو اي من قلبي قال لي شكرا يا نور بالجد شكرا ليك و مشى بس التفت و قال لي الوصلك دا منو؟

ضحكت و قلت ليهو

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​ضحكت و قلت ليهو و انت دخلك شنو؟؟!

مش عندك عرس تحضرو يلا امشي من هنا قال لي انا لسه بحبك يا نور و العرس دا انا قررتو بعد ما امي ضربت لي و قالت انك اتزوجتي! لو م كدا مستحيل اخلي واحدة غيرك تدخل حياتي قلت ليهو م بهمني و خلاص انت ح تعرس شيلني من بالك و دخلت البيت قفلت الباب و سندت ضهري عليهو و ختيت يدي في قلبي و قلت معقولة لسه اكون بحبو؟!! لالا مستحيل يكون لسه عندي ليهو مشاعر أحمد قصة و انتهت و زي ما هو عاش حياتو انا كمان ح اعيش حياتي و أول عريس يتقدم لي ح أوافق بيهو

مشيت على غرفتي و سمعت نون بتبكي كانت سهى بتضرب فيها بقسوة جيت جارية و شلتها منها قلت ليها انتي جنيتي ولا شنو يا سهى بتضربي في البت كدا لشنو؟ قالت لي كشحت العصير و الأكل قلت ليها و دا سبب ليك؟ م ردت لي طلعت و خلتني شايلة نون و هي بتبكي حنستها و حضنتها علي لمن نامت و بعدها شلت لي غيار و غيرت ملابسي و جيت قعدت جنب سهى لقيت عيونها وارمين زي الكانت بتبكي قلت ليها م عايزة تحكي لي؟ طوالي ختت يدينها في وشها و قعدت تبكي قلت ليها م تخوفيني يا بت مالك الحاصل شنو؟!

قالت لي معانا بت في الدفعة اسمها سماح علاقتي بيها سطحية بس اول م اتعرفت على هشام هي حاولت تصاحبني و بقت تتكلم معاي و عزمتني غداء كم مرة قلت ليها اها و بعد داك قالت لي في يوم جات قعدت جنبي و شالت تلفوني و دخلت شافت الصور و كان منهم صور نون سألتني إذا دي بت اختي أو اخوي قلت ليها دي بنتي انا و عشان انا شبه وثقت فيها حكيت ليها الحصل لي زمان و م اتوقعت انها تضرني أو تأذيني بالكلام العرفتو عني دا قلت ليها و عملت شنو قالت لي مشت كلمت هشام و هو م واجهني بس علاقتو بي بقت م زي زمان و م برسل لي خالص الا انا ارسل أو اتصل و كان بستقبلني ببرود شديد انا استغربت بس قلت يمكن مشغول و عذرتو بس  مرة هو كان معانا و شغالين محاضرة و هي جات متأخرة و هو مستحيل يدخل طالب جاي متأخر بس دخلها طوالي في واحدة قاعدة جنبي قالت عشان بت خالتك يعني يا دكتور و القاعة كلها ضحكت!!

قلت ليها م تكون ورتو قبلك

قلت ليها م تكون ورتو قبلك بس يا سهى قالت لي و انا مشيت وواجهت هشام و قلت ليهو الحاصل شنو و هو قال لي انتي واحدة كذابة و م بتستاهلي الحب و الثقة الاديتك ليهم و قال لي كنتي ناوية توريني متين و لمن سألتو عرف من وين قال ورتو سماح و م اكتفت بكدا و بس الليلة جات لابسة دبلة و راسمة يدينها و عرفت انو هشام خطبها💔💔

ختيت يدي في خشمي بس و قلت ليها معليش يا سهى م تبكي معناها اصلا م قسمتك و انتي غلطتي لمن م حكيتي ليهو و م خليتيهو يسمع منك انتي و تاني م في حاجة تتعمل بس اصبري و ح تكون فترة صعبة عليك بس ح تعدي قالت لي انا عارفة كدا بس اتذكرت اني خنت فاطمة و خربت بيتها و حسيت انو دي نفس الحاجة بتحصل معاي انا هدمت أسرة و بيت يا نور و دمرت حياتي بيدي مستحيل في يوم يكون عندي أسرة و بيت قلت ليها م تقولي كدا انتي صاح غلطتي بس تبتي و التزمتي بعد داك و ربنا غفور رحيم و اكيد نصيبك موجود في مكان بس الوقت المناسب لسه م جاء و حضنتها علي سمعنا صوت نون بتبكي قلت ليها شكلها صحت امشي شوفيها و راضيها و تاني لو زعلانة أو في حاجة مضايقاك م تضربي نون هي م عندها ذنب تمام؟ قالت لي تمام و مشت

دخلت غرفتي و بقيت افكر في كلام و اسأل نفسي هل فعلا الحصل ليها دا عشان العملتو في فاطمة زمان؟!

قطع صوت تفكيري رسالة في الواتس شلت التلفون و كان دا دكتور محمد قال لي اها خطتك لعيد الميلاد شنو عشان علا متشوقة لحفلة البيت و انا زاتي عايز اعرف و متشوق😂

قلت ليهو طيب ح اوريك بس علا م تعرف اصلا في رحلة للمنتزه و مفكرة اعمل ليها حفلة مع زميلاتها في الفصل قال لي بالجد فكرة حلوة ح تفرح شديد تسلمي يا أستاذة نور❤️

قلت ليهو العفو يلا خليني ابدأ اخطط و طلعت من الواتس اول حاجة دخلت الفيس و فتشت صفحة واحدة بتعمل تورتات رهيبة و طلبت منها واحدة يوصلوها لي المنتزه و لبست عبايتي  مشيت المكتبة الجنبنا اشتريت لعلا هدية و غلفتها

الصباح و انا ماشة المدرسة اشتريت سكر كتير و كبايات و صحون من السوبر ماركت و مشيت على المدرسة وديت الحاجات البوفيه و كلمت الخالة تعمل لينا حفاظات عصير و اديتها قروش البنات الجمعوها للفطور قلت ليها تجهز لينا سندويتشات بطاطس و جبنة ليوم بكرة و و وريتها عدد البنات

دخلت الفصل و عشان اتكلم مع البنات رسلت علا المكتب تجيب لي طباشير و فهمت البنات القصة كلها و منعتهم

ومنعتهم يقولو لعلا حاجة و بالنسبة لعمرهم فهموني بس خفت يتكلموا طبعا هم في خامسة و قلت ليهم لو في واحدة عايزة تجيب لعلا هدية ممكن و ممكن م تكلفوا نفسهم وردة من حديقة المدرسة كفاية واحدة من البنات قالت لي ممكن نشترك كم بت في هدية قلت ليها ممكن جدا و تاني في بت قالت لينا ح تعملي لينا كدا كلنا في أعياد ميلادنا ضحكت و قلت ليها اكييد

بعدها علا جات و بدينا الحصة عادي بعد خلصت قلت ليهم بكرة تجو بدري عشان نوصل بدي و تقدروا تلعبوا لفترة طويلة و تعالوا بلبس المدرسة ممنوع الملابس الملونة تمام و طلعت من الفصل اليوم مرّ عادي مشيت الحضانة سقت نون و رجعنا البيت لقيت امي قاعدة و بتتونس مع سهى و ابوي نايم سلمت عليهم امي من شافتني قالت لي الليلة عرس أحمد قلت ليها ربنا يسعدو و نون كانت نايمة اديتها لأمها عشان ترقدها في السرير و دخلت غرفتي رقدت في السرير و الغريبة م اتأثرت خالص لعرس أحمد دا ولا حسيت بحاجة لمن عرفت انه ح يتزوج غيرت ملابسي و مشيت أكلت امي قالت لي اخوك جاتو فيزا شغل في السعودية و مسافر نهاية الشهر فرحت شديد و قلت ليها ما شاء الله ربنا يوفقو يا أمي قالت لي اللهم آمييين  و عقبال أفرح بيك قلت ليها يا أمي بمناسبة الموضوع دا انا نفسي اشوف أولادي و أبقى أم و لو أتقدم عريس وافقي طوالي قالت لي جادة انتي؟ قلت ليها اااي والله فرحت و جات حضنتني و قالت لي بس بعدين وقت يبقى الكلام جد اوعك تنطي قلت ليها لالا م تخافي انا قدر كلمتي

بعدها مشيت لسهى و سألتها من هشام قالت لي م قاعدة امشي الجامعة قلت ليها انتي غبية ولا شنو م تتهابلي امشي جامعتك ساي و م تفرطي في مستقبلك عشان قصص زي دي و من بكرة م ألقاك م مشيتي قالت لي تمام

تاني يوم الصباح صحيت بدري و لبست فستان بيبي بلو و شبشب زاحف ابيض و طرحة بيضاء و عملت ميكب اب خفيف شديد و مشيت المدرسة لمن وصلت كان اغلب البنات م جو الحافلة جات و البنات كلهم وصلوا رفعنا الحافظات و حاجات الرحلة و البنات طلعوا و بعدها اتحركنا

قعدنا شوية و البنات كلهم لعبوا و جاء زمن الفطور بعد خلصوا اتصل علي بتاع التوصيل  قال جاب التورتة طلعت استلمتها منو و بعدها ناديت ريان و قلت ليها لفي بعلا شوية لحدي م اخلص ترتيب هنا قالت لي حاضر و مشت اتصل علي دكتور محمد و قال لي انا برا وصفي لي عشان اجيكم قمت و مشيت لاقيتو

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​مشيت لاقيتو و كان هو برضو جايب تورتة و جاب معاهو طواقي الاحتفالات ديك للبنات قلت ليهو م كنت تتعب قالت لي اسي التعبان منو شوفي التجهيزات الجهزتيها دي ابتسمت ليهو و رتبنا المكان سوا بعدها مشيت و جبت علا غمضت ليها عيونها و جيت سايقاها و لمن فتحت كل البنات صرخوا مفاجأاااة و غنوا ليها Happy Birthday

علا فرحت شديد و اتفاجأت و قطعت الكيك و انا و البنات اديناها الهدايا  و مشيت قعدت بعيد و بقيت مراقباهم بعدها دكتور محمد جاني و قال لي ممكن اقعد قلت ليهو اتفضل

قعد جنبي و قال لي شكرا ليك أستاذة نور قلت ليهو العفو انا بعامل تلميذاتي زي بناتي قال لي ايوة ظاهر و كمان بحبوك شديد قلت ليهو ايوة بالجد محظوظة بيهم قال لي العكس هم المحظوظين بيك

سكتنا و بعدها هو قال لي ممكن أسألك سؤال قلت ليهو ايوة اتفضل قال لي قابلتي الدكتورة لشنو اترددت اني احكي ليهو بس قلت م فيها حاجة لو فضفضت لزول غريب و الريحني اكتر لمن عرفت من علا انو ابوها طبيب نفسي بديت اتكلم و احكي ليهو الحصل كلو من البداية من زواجي بأحمد و كل المشاكل المرينا بيها لحدي م وصلنا للطلاق و هو كان مركز معاي شديد بس نهائي م قاطعني خلاني اتكلم و بعد خلصت عايز يرد لي كدا جات أستاذة أسماء و قالت لي مفروض نرجع بعد يا أستاذة نور التراحيل ح تجي المدرسة و م تلقى البنات قلت ليها طيب تمام جاية قمت و كنت ماشة بس ناداني دكتور محمد اتلفت و قلت ليهو نعم قال لي أستاذة نور موافقة تتزوجيني؟!!

*"وخصصتُ قلبك بالودادِ كأنه* 

*‏وطنٌ وأنت مدينتي أحيا بها* 

*‏ما مسني مللٌ بقربك مرةً*

*‏هل تسأمُ النبضاتُ من أحبابها؟"❤️❤️❤️*

يتبع 

                   الفصل السادس من هنا

لقراءة باقي الفصول من هنا

تعديل المقال