رواية حسرة الفصل الرابع4 بقلم رؤى عمر

رواية حسرة الفصل الرابع4 بقلم رؤى عمر

 ‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​قالت لي انتي سليمة و بصحة كويسة يا أستاذة نور و بتقدري في أي لحظة تنجبي قلت ليها طيب انا كنت متزوجة ٦ سنة و ربنا م رزقنا و زوجي مشى و فحص و قال إنه م عندو مشكلة قالت لي ايوة عادي بتحصل الزوجين م بكون عندهم مشكلة بس بتأخر الإنجاب لحكمة م بعلمها إلا ربنا شكرتها و أخدت النتيجة و رجعت البيت لقيت امي منتظراني قدام الباب قالت لي النتيجة الليلة مش؟ قلت ليها اي و مشيت جبتها قالت لي بشريني يا بتي قلت ليها الحمدلله كويسة و م عندي مشكلة

 امي شالت النتيجة و دخلت جوا و في لمح البصر مرقت لابسة توبها و جات بجنبي ولا عبرتني طوالي طلعت ناديتها و قلت ليها ماشة وين قالت لي ماشة بيت أحمد!! 

اتخلعت و قلت ليها لا يا أمي اقيفي ماشة تعملي شنو هناك؟! بس هي ولا وقفت و واصلت مشي لمن لحقتها كانت موقفة رقشة و مشت المحطة وقفت عشان تجي رقشة تاني و اركب بس م جات بديت امشي برجلي لحدي م وصلت و م لقيتها اتوقعت انها تكون مشت ركبت المواصلات و انا بدعي انها م تعمل مشكلة بعد نص ساعة وصلت و نزلت و انا جارية و لمن قربت شفت الناس لامة قدام بيت أحمد و الأصوات مرتفعة جريت جري مع وصلتي لقيت امي بتضرب في أحمد كف!

اتفاجأت و م قدرت اتحرك م عارفة من الموقف و لا لأني شفت أحمد بعد السنين دي كلها اتجمدت في مكاني و م اتحركت امي قالت لأحمد انا كنت عارفة انك انت الفيك مشكلة و بتي كويسة و م عندها حاجة عليك الله انت بتخاف ربك يا احمد؟ كل السنين دي معيش بتي في كذبة كبيرة زي ذي عشان شنو بس؟؟! عشان تثبت للناس انك احسن منها و ماسكها و م طلقتها عشان الولادة مش؟ قاطعها و قال ليها لا يا عمتي انا كنت بحب نور اكتر من نفسي و كنت خايف اخسرها امي قالت ليهو الحمدلله ربنا حلاها منك و من أسرتك يا ظالمين و اسي عايز تظلم معاك بت ناس جديدة و تغشها برضو مش؟ انت اسي بتخجل يا احمد قال ليها يا عمتي انا اتعالجت في اللحظة دي انا راسي كان جايط و تفكيري وقف  انصدمت في أحمد شديد بس جيت ماشة براحة و قلت لأمي نمشي بعد دا و مسكتها من يدها أحمد لمن شافني قال لي نور!!

م رديت ليهو بس سقت أمي و مشينا لحقني و حاول يوقفني لمن م وقفت مسكني من يدي سحبت يدي منو بسرعة و قلت ليهو إياك يا احمد إياك تحاول تمسك يدي دي تاني ماسكني بأي حق انت

قال لي اسف و بعتذر سامحيني يا نور انا و أهلي غلطنا في حقك م رديت ليهو و مشينا خليناهو واقف امي كانت طول الطريق بتتكلم بس انا كنت شبه م سامعة هي بتقول في شنو وصلت البيت و دخلت غرفتي و قفلتها علي و بديت أبكي بكيت بألم و بحرقة بكيت سنين ضاعت من حياتي و اتحسرت عليها بكيت لمن حسيت روحي ح تطلع

جات امي و قالت لي افتحي الباب قمت فتحت ليها و قالت لي بتبكي زي دا مالك اسي؟! الله ريحك منو الكذاب قلت ليها احكي لي الحصل شنو هناك قالت لي وصلت و لقيتو واقف في الشارع قلت ليهو يا احمد اقرا الفحوصات دي شوف بتي نصيحة و بتلدي قال لي يا عمتي خلينا ندخل جوا و نتفاهم انا رفضت و قلت ليهو بس انا جيت اوريك و أسألك انت الكان عندك مشكلة مش؟ قال لي بدون خجل اي  و في اللحظة ديك جات امو و حصلت جوطة و قالت لي من عرفتو ولدي ح يعرس جايين جارين عشان يرجع لبتكم مش؟ هو دخل امو و اختو جوا و انا من الصدمة ضربتو كف و اظن انتي حضرتي باقي الكلام

قلت ليها عمري م اتوقعت أحمد يطلع كدا قالت لي كلنا والله بس خير يا بتي بكرة تعرسي و تجيبي اولاد قلت ليها تاني يا أمي قالت لي اي تاني و تالت لمن تسمعي الكلام و مصيرك تعرسي ح تقعدي كدا لمتين قلت ليها لو قعدتي مضايقاكم بكرة برحل سكن المعلمات قالت لي انتي هبلة ولا شنو و طلعت خلتني

قمت استحميت و صليت و اتصلت للمديرة قلت ليها انا عيانة و محتاجة اسبوع راحة وافقت طوالي و قالت لي لو لقينا فرصة بنجيك نزورك

بعد يومين دخلت الواتس و لقيت دكتور محمد مرسل لي و قال لي علا بتسأل منك و قالت اشتاقت ليك و فقدتك قلت ليهو سلم عليها و قول ليها عيانة شوية بس اول م اتحسن بنزل المدرسة إن شاء الله

قال لي ممكن اجيبها ليك في البيت عشان تشوفك لأنها ازعجتني شديد و بتسأل منك على طول قلت ليهو لا م في داعي امتحاناتهم قربت خليها تذاكر و انا بداية الأسبوع ح انزل المدرسة قال لي تمام و تاني م قال حاجة حسيتو زعل بس م اشتغلت بالموضوع

 *محمد:* 

مشيت يوم الأحد عشان أرجع علا البيت و اشوف نور لأني يومين م شفتها و بالجد كنت فاقدها شديد  بس وقفت كتير و هم م طلعوا مشيت على المدرسة و شفت الغفير بقفل في البوابة قلت ليهو م في زول جوا قال لي لالا كلهم طلعوا خلاص  طوالي طلعت تلفوني و اتصلت للبت البتقعد مع علا و قالت لي علا جات بدري الليلة مشيت على البيت لمن وصلت

قلت ليها الليلة م عندك حصة ولا شنو قالت لي لالا أستاذة نور م جات قلت ليها تمام و تاني يوم برضو اتكرر الموقف في النهاية قررت اسأل علا منها قالت لي عيانة يا بابا عشان كدا م بتجي خفت عليها و طوالي رسلت ليها في الواتس عشان اعرف صحتها كيف ردت لي طوالي و اصلا علا م كانت بتسأل منها كتير للدرجة دي بس انا بالي كان مشغول بيها و عشان اشوفها قلت ليها اجيب ليك علا بس هي رفضت و انا زعلت و اتضايقت و قلت م في داعي للبعمل فيهو دا

نور:

بداية الأسبوع نزلت المدرسة و كل البنات استقبلوني في الباب و كانوا فرحانيين برجعتي و جابوا لي حلاوة و زهور و هدايا كتيرة فرحت شديد و يومي كلو اتغير بسببهم... حصتي كانت مع ناس علا دخلت و بديت ادرس و بعد الحصة هم برضو جابوا لي هدايا بس هدية علا كانت مختلفة كانت علبة بتاعة مجوهرات لمن فتحتها كان فيها اسورة راقية شديد و ظاهر عليها انها غالية و ممكن تكون دهب عديل قلت لعلا ارح معاي المكتب عايزاك لمن وصلنا قلت ليها الهدية حلوة بس جبتيها من وين قالت لي دي حقت امي و كانت في دولابها و انا بتخيل لو امي كانت عايشة ح تكون بتشبهك كدا قلت ليها شكرا ليك يا علا بس دي حاجة خاصة رجعيها مكانها في الدولاب تمام؟ قالت لي م برجعها و بقت تبكي و حضنتني اتفاجأت من تصرفها بس حضنتها و قلت ليها طيب تمام يلا امشي الفصل و اديتها قطعة شوكولاتة فرحت شديد و رجعت الفصل

طوالي صورت الأسورة و رسلت الصورة لدكتور محمد قال لي دي لقيتيها وين حكيت ليهو الحصل كلو و قال لي طيب انا بجي نهاية اليوم و بنتفاهم قلت ليهو تمام

زمن الفسحة شلت لي كرسي و مشيت قعدت بعيد و كنت بفكر جاتني علا و قالت لي أستاذة نور عندي طلب صغير قلت ليها اتفضلي قالت لي عايزاك تجي حفلة عيد ميلادي قلت ليها و متين هي قالت لي بعد بكرة قلت ليها و ح تكون في البيت صاح؟ قالت لي اي بس ح نكون انا و انتي و بابا قلت ليها و باقي الضيوف وين و ضحكت قالت لي م في زول قاعد يجي عيد ميلادي حتى أهل ماما م بجوني ولا بعرفهم و أهل بابا كمان بصراحة اتأثرت شديد و قلت ليها طيب بجي فرحت و جرت على صحباتها قعدت افكر قلت معقولة؟؟! يمكن علا دي بتاعة حركات ح اتأكد من ابوها

نهاية اليوم انتظرت دكتور محمد و اديتو الأسورة شالها طوالي و حكيت ليهو موضوع عيد الميلاد قال لي ايوة فعلا أهل امها م قاعديين يجوها خالص اصلا كان عندهم

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏أهل امها م قاعديين يجوها خالص اصلا كان عندهم مشاكل مع اسرتنا و لمن ام علا اتوفت في الولادة علاقتنا بيهم انقطعت و لحدي اللحظة دي م بسألوا من علا خالص قلت ليهو طيب و اهلك انت قال لي امي و ابوي متوفيين و عندي اخت و اخ  اخوي مغترب و اختي متزوجة و شغالة و شكلها خايفة أحملها مسؤولية علا بتتصل بس في الأعياد و المناسبات و م بنتقابل كتير بصراحة انصدمت بس قلت ليهو تمام انا عندي خطة لعيد ميلاد علا قال لي طيب وريني ضحكت و قلت ليهو ح اخطط ليها كويس و بعدين بوريكم ابتسم لي بس و قال لي اوصلك البيت؟ قلت ليهو تمام

لمن وصلنا البيت و نزلت اتفاجأت لمن شفت أحمد واقف قدام الباب!

*‏العلاقات لا تقاس بالحُب فقط، بقدر ما تقاس بالأمان؛ أن تستأمن أحدهم على عيوبك وأخطاءك ومخاوفك، أن لا تشعر بضرورة إخفاء أي شيء خشية أن تشوه صورتك 

يتبع 

                   الفصل الخامس من هنا

لقراءة باقي الفصول من هنا

تعديل المقال