صحيت تاني يوم وكان العقد طبعاً محتارة ما بين احكي ليهو ولا اخليهو يكتشف براهوو 💔لانو متاكدة حبو لي ها يتحول لي كره بس انا ما ها استحملها في سرحتي ديك جاتني اختي الكبيره قالت لي يا بت شايفك من امبارح ما طبيعية هسي ده شكل عروس؟ما رديت ليها جابت ليها الماسك وعملتوو لي في وشي ماكان عندي نفس بس ما حبيت احرجها نشف وغسلتوو وبعدها بي شويتين قالوا لي نمشي الكوفير مع اختي (هي اختي ونفس الوقت صحبتي يااخ بحبها) ونحنا في شارع سالتني اذا متشاكلين لانو كعادة هي البتحل لينا مشاكلنا بس قولت ليها ارهاق بس ما ردتا لي بعدها عثمان اتصل لي ...
عثمان..
امبارح كانت حنتي والليلة مبسوط اني ها اتزوجها خلاص اتصلت ليها عشان اسمعها العقد بعد العقد خلص قولت ليها مبروك علينا وان شاءلله اكون ليك ام.واب.واخت.واخ يا روحي♥ ما ردت لي عرفتها بتبكي قمت قولت ليها حتي انا زاتي ما مصدق فاسكتي قبل انا زاتي ابدا ابكي معك قامت سكت وبعد مسافة رديت لي الله يقدرني اسعدك قولت ليها وانا كمان ♥
...
بعد سمعني صوت العقد بكيت ما بعرف لانو بقيت في زمتووو ولا عشان كسرتا ثقتوو فيني بظبط شنو ما عارفة رديت ليهوو وقفلنا بعدها الكوفيرة قالت تبدا لي الميك اب
وبدوو يعملوهو ليا بعد ساعتين بظبط خلصوو كنتا حلوه الصراحة بعدها سمعنا صوت العربات عرفنا انوو هو وصل اتصل لي قال لي انا براا قولت ليهوو ادخل دخل واتأمل فيني مسافةة وعيون بتلامع من الفرح هنا وقتها احتقرتا نفسي شديد ونزلت عيوني بارك لي ومسكني من يدي ويلا علي الصالة طول الطريق كان باين علي التوتر والحزن وخايفة من الها يعملوو فيني بعد يعرف يعني احاسيس ملخبطةة ما قادرة احددها طول السكةة بهدي فيني وبطمئن وبتغازل فيني وقتها اطمئنتا شوية لفترة مؤقتة طبعا وصلنا الصالة اللي كانت مليان بفرح وزغاريت الاهل وعملنا احلي عرس نسيت الجواي واندمجتا معهم وجاء وقت الودع لانو عثمان ها نسافر البورت شهر العسل هناك وبعد بكااا مع اخواتي قمنا علي سفرنا وطول الطريق كنتا ساكتة وبفكر ها اتصرف كيف هسي يا ربي سعدني غفيت في مكاني عثمان صحاني وقتها بليل كان قال لي وصلنا نزلنا في فندق قال لي ادخلي الحمام وغيري شلتا ملابسي وعلي الحمام بقيت افكر هسي لو جتي يلمسني اقول شنو؟طولتا في حمام دق لي الباب قولت طالعة وطلعتا دخل استحم وطلع لقاني متغطية عملت نفسي نايمة نادني كذا مرا لي العشاء بس ما رديت لاني اصلا ما كنتا حاسة بجوعةة
يتبع